Às 15h30 na Praça do Convento

O 7 de fevereiro será a nova cita coa bilharda para a equipa do centro social. Depois de desputar até o de agora todos os abertos longe da casa, a LNB vai-se achegando a Lugo, primeiro com este aberto em Meira para em Abril chegar novamente a cidade. Umha oportunidade que nom podemos deixar passar para enviar umha delegaçom bem treinada para competir polo lacom.
A associaçom M de Meira organiza este aberto que agardamos seja o primeiro de muitos na comarca chairega.
Na 8ªJornada da Conferência Norleste tod@s a Meira.

Continua a sexta-feira, 29 de fevereiro, o ciclo de debate sobre as alternativas actuais à crise do capitalismo. Fai quinze dias analisamos através dos textos de Xosé Manuel Beiras e Alain Touraine as teses altermundistas e co texto de Serge Latouche às da teoria do descrescimento. Na sessom desta sexta continuaremos o debate destas teorias mas centrará-se ademais em Toni Negri. Partimos do texto de Alex Callinicos no que fai umha crítica desde o marxismo às suas principais teorias.

Lembra que se queres participar nos debates só tes que apontar-te com anterioridade no nosso centro social e recolher lá os textos. Como sempre haverá ceia às 21h00 prévia ao debate.

Editamos estas sacas da compra co desenho "saca-te do plástico, oh". Desde hoje estám a venda no local por só três euros.
Reserva a tua!

O Mádia Leva! participamos na concentraçom em contra do decreto que convocou o dia 21 em Lugo a centos de pessoas. Mas já pola manhá a Mocidade pola Língua organizarom piquetes por diversos liceus. As pressons contra o estudantado que pretendeu participar na greve foi manifesta nos centros privados. No liceu de Fingoi um dos estudantes foi recluido em Direcçom e ameaçado com ser expulso.
Depois o estudantado que seguiu a greve concentrou-se diante do Edificio da Xunta. Ao rematar boa parte d@s estudantes marcharom até o liceu de Fingoi em apoio deste companheiro.
Novamente pola tarde centos de pessoas voltarom a concentrar-se outra vez na Ronda da Muralha. Estas massivas manifestaçons e o amplo seguimento da greve som um bo exemplo de que ainda ficam galeg@s dispost@s a defender o seu bem mais preçado. Animamos a continuar esta batalha.
A seguir mais fotos e o comunicado que repartimos na concentraçom.

Full story »

O Mádia Leva! anima a todo o estudantado a participar na greve e manifestaçons convocadas para o próximo dia 21. O decreto anti-galego do PP nom pode ir avante.

Em Lugo o acto central é a concentraçom que convoca Queremos Galego e a Mocidade Pola Língua às 11h30 diante do edificio da Xunta, na Ronda da Muralha.
No mesmo lugar às 20h00 haverá umha nova concentraçom pensada para que poida acudir o resto da cidadania

A Plataforma Queremos Galego organiza umha manifestaçom em Compostela às 11h30 na Alameda. Para deslocar-se disponibilizam auto-carros desde diferentes pontos do pais. O transporte desde Lugo sairá às 9h15 do Edificio Sindical (Ronda da Muralha). Estes som os telefones para reservar 982 245 023 e 982 225 812.

O sábado 23 às 21h30 no nosso centro social haverá um recital poético e mais sessom electrónica com Moredich DX (Jaime Moreda).

Distintos colectivos e associaçons (Plataforma Alternativa, Radio Clavi, C.S. MadiaLeva!, Sinerxia, CIG, CNT, C.S. Vagalume,Parque Rosalia...) subscribimos o seguinte documento SOLICITANDO A RETIRADA DA PROPOSTA DA ORDENANZA CÍVICA, e individualmente (por colectivo ou associaçom) apresentaremos por registo de entrada ante o concelho.

Pregamos a qualquer outro colectivo/associaçom de acordo coa solicitude de retirada, o comunique ao concelho (documentando-o por registo de entrada) podendo empregar o seguinte documento ou outro que considere.

PODEDES ASINAR POLA SUA RETIRADA EM: http://ordenanzaincivica.blogspot.com/

A vindeira juntança dos colectivos/associaçons antes nomeados, e de qualquer outro que desexe assistir, será a quinta-feira, xoves 21, às 20h00. no C.S. MadiaLeva! (Rúa Amor Meilán, 18).

A continuaçom o texto.

Full story »

A continuaçom reproducimos o manifesto que elaborou a Rede Galiza Nom se Vende em defesa do idioma. A nossa associaçom fai parte desta rede de colectivos que trabalham na defesa do território e contra as diversas agressons que sofremos a nível medioambiental.

MANIFESTO EN DEFENSA DA LINGUA
GOBERNE QUEN GOBERNE, A LINGUA NON SE VENDE

Dende Galiza Non Se Vende queremos manifestar a nosa total oposición ao decreto do galego no ensino do PP, pois constitúe un atentado á lingua galega e, polo tanto, un atentado á cultura e á identidade de Galicia.

Full story »

O domingo 17 de Janeiro temos umha nova cita coa bilharda. Esta semana concretaremos o jeito de deslocar-nos até Jove para participar neste novo aberto puntuável da Liga Norleste de Bilharda.

17 de Janeiro: 7ª Jornada LNB: Aberto do Polvo à pedra no Pavilhom de Jove às 16h00

Começa o ano 2010 e voltam os cursos.

-Pandeireta. Iniciaçom às 20h15 e perfecionamento às 21h15.

Gaita. Sextas-feiras cada 15 dias às 19h30. Contudo mantenhem-se os ensaios as sextas-feiras que nom venha o mestre à mesma hora das aulas.

Esgrima medieval Novos horários. Segundas-feiras às 18h30 e quartas-feiras às 20h30.