Projecçom de 'O monte é noso' o 13 de março (quinta feira) às 21 h no nosso local social.

A curtametragem 'O monte é noso' (Llorenç Ferrer, 1978), foi producida pola Coordinadora dos montes comunais, e conta a luita dos vizinhos por recuperar terras que lhes foram roubadas em 1939 polo franquismo.

Em colaboraçom com o Bandullo Ecolóxico ( http://www.obandulloecoloxico.info/ ), e desde o 15 de março, Madia Leva organizará ceias com produtos ecológicos e por suposto com alternativa vegetariana. Em princípio as ceia constaram de dous pratos, e teram um custo de 6 euros.
Póde-se e recoménda-se reservar no 636318092

Estaleiro Editora nasce com a intençom de ser referente daquelas criadoras e consumidoras que, como as integrantes do projecto, demandam uma alternativa ao circuito oficial da literatura e do pensamento subsidiados e tem como objectivo a criaçom de um espaço de liberdade para a dinamizaçom cultural, a inovaçom literária e o pensamento crítico.

A súa página web é http://www.estaleiroeditora.org , ficando desde agora engadida à nossa secçom de ligaçons.

Full story »

Membros da S.C. Madia Leva apoiarom o autocarro de Galicia Bilingüe na sua parada nas terras de Lugo. O pasado sábado 1 de março, varias pessoas vinculadas à nossa Sociedade mostrarom o carinho e o apoio a estes fabulosos destructores da lingua galega.
Acertadísimas consignas como "gallegos fuera de Galicia", "cuando hablas gallego, Dios mata un gatito", "en español se liga mas", "tenemos dinero y un autobús", etc animarom aos lucenses a asinar no manifesto que Galicia Bilingüe ofrecia a través da sua presidenta. O éxito foi rotundo: uns doce lucenses asinarom o manifesto.

Full story »

Projecçom de 'Ferreiros dun mundo mellor' o 6 de março (quinta feira) às 21 h no nosso local social.

Full story »

O dia 7 de março (sexta feira) efectuara-se a apresentaçom da entidade soberanista Causa Galiza ( http://www.causagz.blogspot.com/ ) no nosso local social.

Nova projecçom o 28 de fevereiro, quinta feira, às 21 h no nosso local social.
Projectara-se o documentário 'Cine Clube Carlos Varela', do ano 1977 e dirigido e realizado por Ramiro Ledo Cordeiro.

'Cine Clube Carlos Varela' recolhe a vida e obra de Carlos Varela, umha figura fundamental no cinema galego, e inxustamente esquecida, e que, sem grandes meios e gravando en superoito, retratou a luita dum povo contra a exploraçom e o colonialismo

Nova projecçom o 21 de fevereiro, quinta feira, às 21 h no nosso local social.
Projectara-se a curtametragem 'Autopista, unha navallada á nosa terra', do ano 1977 e dirigida por Llorenç Soler.

A construcçom de autoestradas na Galiza dos anos setenta produciu umha polémica, que este documentário explora, arredor do impacto derivado tanto desde o punto de vista económico como social e ecológico. Umha obra de induvidável interese na Galiza actual, onde este tipo de impactos som pouco mais que desejados polo discurso absolutamente maioritário de médios e de políticos, com o fim de chegar a ter um desenvolvimento similar a outros lugares. Lugares nos que já muitas vezes nom se pode viver com dignidade.

O Grupo de Estudos de Madia Leva reunira-se em breves datas para debater sobre um texto introductório acerca da ideologia do decrescimento económico.

Caminhamos hácia o colapso do planeta ?, é o capitalismo mais negativo ainda do que semelhava no princípio ?, quê fazer ?, som interrogantes que inspiraram umha, agardamos, mais que fértil reuniom.

O texto corresponde ao nº9 do denominado Canal Histórico, e que se pode descargar em http://galiza.indymedia.org/media/2007/10//12600.pdf ou se pode consultar umha cópia no nosso local social.

Nova projecçom o 14 de fevereiro, quinta feira, às 21 h no nosso local social.
Projectara-se a curtametragem 'Moncho Valcarce, o cura das Encrobas', do ano 2003 e dirigido por Roi Carballido.

A mítica figura de Moncho Valcarce é lembrada no documentário, com resenhas da sua vida e múltiples entrevistas a pessoas que o conhecerom. Sem dúvida umha oportunidade de conhecer a vida de quem foi alma nas luitas populares contra os poderes económico e político dos anos 70, no lugar de ter umha vida cómoda de crego afecto ao régime. Detido em várias ocasons (Betanços, 1974, Encrovas, 1977, Baldaio, 1977 , etc.), foi incansável luitador em casos esmagamento dos direitos das pessoas com ajuda do poder político, como o caso das Encrovas, que por certo, ainda nom rematou (http://www.espacioblog.com/asociacion-cultural-lucerna/post/2007/04/12/aque-pasa-na-lousa- ).