Terça-feira 22. "Ritos e mitos de Natal." Co escritor e mitólogo Antonio Reigosa.
Quarta-feira 23. Obradoiro de brinquedos reciclados. Nom é preciso comprar para poder jogar, de feito antes a maioria dos brinquedos faciam-se re-utilizando cousas velhas. Criemos alternativas ao consumismo.
Quarta-feira 30. Passa-ruas do Apalpador. O velho carvoeiro voltará a apalpar as barrigas das crianças e dar-lhes castanhas traidas desde as montanhas do Courel.Passará polo nosso centro social para logo percorrer as ruas da cidade.
Charla e obradoiro começam às 20h:30
O passaruas sairá do local às 17h:00

Diversas organizaçons da sociedade civil lucense, fazemos um chamamento, em régime de auto-convocatória, à cidadania para que participe num acto de solidariedade e apoio a Aminetu Haidar e ao povo saaraui, de indignaçom e protesta pola ocupaçom marroquí desde há 34 anos, de reclamaçom de medidas por parte da comunidade internacional e em especial ao governo do estado espanhol, esigindo que assuma as suas responsabilidades por ser força ocupante do território saharauí nesse intre reconhecendo oficialmente à RASD (República Árabe Saaraui Democrática) e que se reclame ao Reino de Marrocos a devoluçom dos territários ilegalmente ocupados.

O Acto será a quinta-feira, 17 de dezembro, às 20:00 horas, na Praça Maior (diante da Casa do Concelho).

Galiza co povo saaraui. Polo direito a autodeterminaçom dos povos!

Já estám disponíveis no local os cartons para associar-se a Siareir@s Galeg@s para o ano 2010. O colectivo pom a disposiçom das pessoas interesadas a possibilidade de associar-se a Siareir@s Galeg@s por umha única quota anual de 5 ? e assim colaborar com as actividades que organizamos ao longo de todo o ano.
Este ano Siareir@s Galeg@s está a fazer um grande esforço para que podamos contar com os mesmos actos - manifestaçom, jogo e concerto ? que os anteriores, mas neste caso desde a autogestom, desde o povo que berra contra toda a repressom que estamos a sofrer e contra os recuos que quer dar o governinho.
As nossas selecçons nacionais som um direito popular.
O 26 de Dezembro vemo-nos em Compostela.

O sábado dia 12 de Dezembro às 17h:00. Cada parelha deve pagar 10 euros tendo cerveja de balde.O praço de inscripçom das parelhas remata o dia 11.

Este vindeiro 12 de Dezembro do 2009 Siareir@s Galeg@s da comarca de Lugo coa colaboraçom das BAF Lugo e o nosso centro social organizamos umhas jornadas pola oficialidade da selecçons galegas.

Full story »

Mais um ano o apalpador visitará Lugo no natal. Aqui apresentamos o artigo de José André Lôpez Gonçâlez, titulado: "O Apalpador.Personagem mítico do Natal galego a resgate." que iniciou a recuperaçom desta figura no ano 2006. clicando cá'
Logo viria o já consolidado desenho criado por Leandro Lamas, o trabalho de difussom da Gentalha ao que seguimos outros centros sociais e já neste ano a extensom do apalpador chega a todos os recunchos do pais através de múltiplas expressons. Outra iniciativa é a ediçom dum conto sobre o apalpador por parte de Edições da Galiza e A Fenda Editora.Parte dos lucros da sua venda irám destinados à protecçom da infáncia e à conservaçom dos bosques autóctones galegos onde mora esta distraída personagem. O custo do livro é de 12 euros e pode encomendar-se na rede através dos endereços web www.polifona.com ou encomendas@novasgz.com, sítios também acessíveis através página web www.apalpador.net.

Aqui vam algumhas imagens da visita do apalpador o ano passado.

O nosso centro social tem programadas actividades para essas datas, algumha delas já confirmadas.
O dia 22 organizamos umha palestra sob a legenda "Mitos e ritos do Natal" na que falará o escritor e mitólogo Antonio Reigosa.

O dia 23 haverá um obradoiro de brinquedos reciclados.

O dia 30 o apalpador voltará a percorrer as ruas da cidade de Lugo agasalhando com castanhas às crianças.

O dia 5 realizaremos o sorteio da cesta de produtos do pais. As rifas já estám à venda no local.

Também está pendente confirmar a data e actividades em homenagem a Helena Talho. Esta independentista luguesa faleceu o 25 de dezembro de 2005. Desde entom todos os anos lembramos a companheira com diversos actos.

Em breve iremos actualizando esta informaçom, assim como de outras actividades que se fagam nestas datas.

O Grupo de Estudos do Mádia Leva e a Escola Popular Galega vam fechando este seu primeiro trimestre, dedicado a estudar os diagnósticos que se fam sobre a crise capitalista. Dedicou-se o mês de Outubro a rever alguns clássicos do marxismo e o próprio Marx; continuou-se em Novembro estudando a "teoria do colapso" segundo o debate dos anos 30, através dum documento de Giacomo Marramao. E remata-se o ano (e o trimestre) com um longo texto de Jorge Benstein, "Rostos da crise".

Este conhecido analista da esquerda internacional (e colaborador em muitos meios latinoamericanos e lusófonos) amplia o conceito "crise", para defender a tese do colapso da civilizaçom burguesa em muitas ordes: na económica, mas também a militar, a tecnológica, a política, a cultural ou a ambiental.

A sessom de debate decorrerá na noite do 11 de Dezembro, depois da ceia habitual. Trás o debate, o Grupo de Estudos e a EPG preparám um caderninho formativo com as conclusons deste trimestre, para favorecer o debate no ámbito nacional.

Quem se quiger apontar a esta última sessom do trimestre terá que fazê-lo na lista aberta no centro social. Tamém aqui poderá recolher os textos, disponíveis desde o dia 2 de Dezembro.

A 6ªFeira 4 de Dezembro tivo lugar a ceia organizada pelos companheiros italianos e mais a projecçom do documentário "Zeitgeist".

Full story »

O próximo dia 6 de Dezembro cumprem-se 31 anos da nom-aprovaçom da Constitución espanhola no nosso pais. Na Galiza nom imos celebrar nada, mas o contrário vários actos autodeterministas unem-se à manifestaçom nacional e o completo programa de actos e concertos convocados por Causa Galiza para o próprio dia 6 na capital.

O sábado dia 5 as Brigadas Antifascistas de Lugo organizam umha concentraçom na praça Armanhá que começa às 20h:00.

Também na vila de Ginzo de Limia haverá um passa-ruas organizado polo C.S. Aguilhoar dentro da campanha de Causa Galiza.
Avante a luita pola autodeterminaçom!!

LEMBRA: 6 de Dezembro.Manifestaçom Nacional de Causa Galiza "Sobre nós, decidimos nós". Às 12h na Alameda de Compostela.

A 6ª Feira (venres) 4 de Dezembro tem lugar umha ceia italiana no Centro Social com cocinheiros autoctones.
A ceia terá lugar por volta das 21:00h e o remate da mesma projectarase o documentário "Zeitgeist".

Anotarse no local antes das 19h da 5ª Feira(xoves)

Full story »