Posiçom do Centro Social Mádia Leva!

Campanha da assembleia de mulheres em formaçom contra as agressons patriarcais da Igreja.
As mulheres galegas consideramos o aborto como um direito fundamental da mulher que permite a soberania sobre o nosso próprio corpo, garantindo a escolha dumha maternidade desejada e responsável. Esigimos ser nós mesmas as que tenhamos o poder de decissom e controlo sobre o nosso corpo e sobre os nossos direitos sexuais e reprodutivos; esta decissom nom a podem tomar nem a Igreja, nem a classe política, nem os tribunais médicos. Entendemos a sexualidade nom só como maternidade, queremos gozar do nosso corpo, viver livremente as nossas relaçons sexuais sem ata-las à reproduçom.

Associaçons como ?PRO-VIDA?, ?HAZTE OIR?, pretendem o fortalescimento da ultra-direita e a recuperaçom do modelo tradicional-patriarcal da familia. Que o bispo de Lugo presida estas manifestaçons e chame a mobilizar a todas as paróquias evidencia esta situaçom. A Igreja católica capitanea esta nova ofensiva patriarcal.
Desde a sua hipócrita e misógina postura aparentam defender o ?direito à vida? perseguindo o aborto, mas também o uso dos anti-concetivos, o divórcio, a homosexualidade, ou as relaçons sexuais antes do ?matrimónio?. Nom podemos esquecer os crimes e abusos que a igreja cometeu ao longo da história, muitos ainda na memória de todas da mao do franquismo ao que tanto devem.
Também é estrano que os mesmos que na sua emisora justificam a massacre de nenas em Palestina agora lhes preocupe tanto as que ainda nom nascerom.
As mulheres feministas de Lugo imos luitar sem tregua por um aborto livre, conscientes de que nesse caminho serám muitos os atrancos dos reaccionários,mais sabemos que passo a passo venceremos!!

ABORTO LIVRE E GRATUITO JÁ !!!