A começos de mês conheciamos a intençom do empresário Juan Santos de organizar as touradas em Sarria durante as festas de Sam Joám. Logo dumha semana ainda nom está confirmado, como admitiu o próprio promotor.
Desde o Mádia Leva! participamos activamente na oposiçom as touradas no último ano que se celebrou, no 2009. Pensamos que nos anos que nom houvo touradas ninguem as botou de menos na vila. Sobram os motivos para rematar com esta mal-chamada festa: o trato cruel, a tortura e morte dos touros , a ligaçom co fascismo e coa direita espanhola, a oposiçom do povo galego a esta "festa" alheia a nossa cultura, o machismo que representa todo o espectáculo,etc.
A plataforma antitaurina galega Galiza, mellor sen touradas, vem de anunciar que convocará protestos o dia 26 se finalmente as touradas se organizam. Para a plataforma as touradas, só podem ter lugar com dinheiro público. Segundo indicam, quando o Concelho nom a financiou só se celebrou umha em 2009, apoiada por empresarios locais, que foi um claro fracasso económico e de assistência. Sinalam também que o organizador do espectáculo viveu do dinheiro público durante demasiado tempo. «Foi possívelmente o empresário mais subvencionado da localidade embora de nom criar nem um posto de trabalho estável na localidade».
Do Mádia leva! aderimos todas as acçons que se levem a cabo para rematar coas touradas em Sárria e na Galiza para sempre.

Juan Santos. Este é o nome do empresário que desde fai anos teima em organizar touradas na vila de Sárria. Ele representa a empresa Toros Piedrahita S.L. umha sociedade limitada de Hoyocasero em Avila. Esta empresa dedica-se a promoçom de espectáculos taurinos.
A relaçom de Juan Santos vem de longe , já em 1978 organizou as touradas na vila por vez primeira e desde entom foi o principal, quando nom o único promotor das corridas. Dos últimos cinco anos só em dous houvo touradas durante as festas do San Joám. O ano passado suspendeu-se porque nem empresários da vila nem as instituiçons municipais apoiarom a iniciativa deste empresário.
A última que se organizou foi em 2009 entre umha forte oposiçom antitaurina, que nom se derá em ediçons anteriores, que fixo muito dano a imagem dos organizadores. Os dous anos anteriores nom se realizou mas principalmente por motivos económicos. No 2006 realizou-se deixando perdas que se asumirom das arcas municipais. Seria o último ano logo de décadas facendo-se de jeito continuo.
O que esta demostrado é que nom resulta rendível economicamente realizar este evento, principal motivo de que já ninguem apoie a Juan Santos. De feito declarou que se este ano voltavam as touradas nada teria a ver co apoio de empresários locais.
Agardemos que nom voltem , nem este ano nem nunca mais.