Apoia-nos

    Revista A Malha Nº 1

    Defendamos o Minho

          Busca

        Concurso Ángelo Casal da Galicola 2012.

        Concurso Ángelo Casal da Galicola 2012.

        07-05-12

        Após o dia das Letras Galegas conhecerá-se o projecto polo galego ganhador do "III Concurso Ángelo Casal" convocado pola Galicola. Até o 17 de maio poderá-se votar mediante as etiquetas da Galicola por algum (ou vários) dos projetos apresentados nesta terceira ediçom do Concurso, entre os que se atopa o do nosso centro social.Também lembramos que no centro social podes deixar as tuas etiquetas-votos.
        A seguir todas as candidaturas deste 2012.

        1. Associaçom Galega da Língua (AGAL)
        A AGAL apresenta-se com o Concurso musial Musicando-nos, ?participam grupos de toda a
        lusofonia. Os grupos devem versionar poemas não nacionais (v.g. um grupo brasileiro
        versiona um poema galego ou um grupo angolano um poema português). Prémio em
        metálico (se ganhássemos o concurso a Galicola ficaria como espônsor)?.
        2. Galiza Contrainfo (galizacontrainfo.org)
        Este coletivo de contra-informaçom em formato audiovisual apresenta-se ?com a intençom
        de poder destinar a dotaçom económica tanto para a manutençom do portal web, como para
        cobrir os gastos de viagens, fitas, novo material (câmaras de foto e vídeo, discos rígidos,
        etc.) Também temos que fazer frente às multas que acumulamos e às que estám por vir, pois
        levamos sofrendo a repressom económica do estado espanhol desde que começamos a cobrir
        mobilizaçons nas ruas galegas nos anos 2007-2008?.
        3. CS Mádia Leva!
        O centro social luguês candidata-se ?com a proposta de que se ganhamos destinaremos os
        quartos à mudança de local que terá lugar no mês de fevereiro de 2012. Imos a um espaço mais amplo
        e com maiores possibilidades que o velho local que tinhamos. O endereço é a rua Serra de Ancares
        no rêsdo- chao, número 18?.
        4. Dioivo
        O novo meio de informaçom digital em galego envia-nos a sua candidatura ?polo proxecto
        no que estamos embarcados: a creación dunha páxina web realizada por xornalistas
        desempregad@s?.
        5. Gentalha do Pichel
        O centro social compostelano apresenta-se com o projeto da escola infantil Semente:
        ?Através da Semente, a Gentalha do Pichel pretende começar a construir, junto com outros
        projetos semelhantes que forem aparecendo, as bases necessárias para a criaçom da Escola
        Nacional Galega; daí que este projeto se pretenda plural e que deva poder integrar no seu
        seio qualquer pessoa que sinta a necessidade de criar um espaço educativo galego e
        progressista?.
        6. CS Arredista
        Este outro centro social da capital galega apresenta-se com o projeto de um curso de galego
        gratuito para a populaçom imigrante da cidade, com noçons básicas, explicaçons de casos
        práticos para os documentos administrativos, e introduçom à realidade sócio-linguística
        galega.
        7. Galizalivre.org
        A web decana da informaçom em galego apresenta-se com o projeto de construir umha
        hemeroteca digital com vozeiros e meios de comunicaçom de toda a história do arredismo
        galego.
        8. Agrupación Cultural Avantar
        Esta associaçom cultural do Carvalhinho é umha das mais antigas da Galiza, já que nasceu
        em 1972, em pleno franquismo. Apresenta-se ao Concurso Ángelo Casal com o projeto do
        Festival Orcellón Fala e Canta: ?O festival Orcellón Fala e Canta nace en Marzo do 2006. A
        idea xorde porque a Vila do Carballiño estaba nunha época onde a cultura se concentraba
        maioritariamente no Auditorio e na Casa da Cultura, eran so en circuítos culturais moi
        pechados, sen moito criterio, e pouca credibilidade. O noso idioma tamén era vítima dunha
        incultura funcional. E por iso que nese intre precisábamos levar a cultura a xente, alí onde se
        congrega diariamente, os lugares onde a cultura non chegaba. Así foi como os bares, pubs,
        cafeterías víronse inmersos nunha transformación atípica, e alí onde xurdiu outra maneira de
        facer cultura. Hoxe en día levamos sete anos traballando arreo para programar infinidade de
        actividades. E así como no mes de Maio se vai enchendo toda a vila do Carballiño de
        escenarios improvisados?.
        9. A Revoltaina Cultural Da Beira De Bergantinhos
        Esta associaçom cultural da Laracha apresenta-se com o projeto da ediçom de um livro que
        compila cantares de cego da comarca de Bergantinhos e Ordes.
        10. O Son do Chafarís
        Este premiado programa cultural galego da Rádio Ordes, realizado de jeito voluntário e comprometido, para continuar com a sua atividade difusora da nossa cultura nas ondas.

        Qual é o prémio?
        Ao longo do ano, a Galicola reserva 5% dos seus ganhos totais para engrossar o Fundo Ángelo
        Casal, onde se junta o dinheiro que servirá de prémio para os projetos ganhadores. O prémio leva o
        nome do alcalde galeguista de Compostela assassinado polo fascismo em 1936, e grande mecenas
        da cultura galega de pré-guerra.
        Na primeira ediçom apresentárom-se cinco projetos, e a quantia do prémio, que foi para a Mocidade
        pola Língua, ascendeu a 356 euros. No ano seguinte, 2011, apresentárom-se oito projetos, e os 644
        euros do prémio fôrom partilhados entre a ganhadora CS A Revira de Ponte Vedra, e a segunda, A
        Revolta do Berbés de Vigo. No terceiro ano continua a linha ascendente, apresentando-se dez
        projetos, e estando já garantido que a quantia do prémio será ainda maior do que a do ano anterior.

        Como votar?
        Votar no Concurso Ángelo Casal é mui simples: só tés que juntar todas as tuas etiquetas e apontar
        pola cara em branco por qual dos dez projetos votas. Se, por exemplo, tés dez etiquetas, podes votar
        com 5 num projeto e as outras 5 a outro. Mete-as num envelope e envia-no-las para o seguinte
        endereço antes do 17 de maio:
        Associaçom Cultural Fontaira
        Rua das Teixugueiras, 7 portal 2, 2º D
        36212 Vigo (GALIZA)
        Aliás, na vindoura semana colocaremos urnas em vários centros sociais de todo o país nos que
        poderás introduzir as etiquetas a modo de voto, especificando o nome do projeto polo que votas.
        Vota no Concurso Ángelo Casal!

        Escrito ?s 13:42:33 nas castegorias: opinióm
        por SCMadiaLeva   , 908 palavras, 391 views     Chuza!

        Endereço de trackback para este post

        Trackback URL (clique direito e copie atalho/localização do link)

        Ainda sem comentários

          madialeva.gz@gmail.com
          Rua Serra de Ancares 18 Horário De segundas-feiras (luns) a sextas-feiras (venres) de 19h30 a 22h30 CIF:G-27360825
            powered by b2evolution free blog software