O centro social Mádia Leva! organizamos o vindeiro sábado 26 de maio umha actividade dirigida a nenos e nenas que leva por título "criando e brincando a redor da música".
Este obradoiro musical dará começo às 17h00 e depois teremos umha merenda.
Pregamos confirmar assistência durante a semana no telefone 664207010 ou no local.

Olha o espectacular video para apresentar as finais de bilharda do 2012

Lembramos que hoje, dia 18 de maio, às 20h30 teremos a sessom do grupo de estudos dedicada ao debate do carlismo na Galiza.
Se queres recibir os textos de debate desta e/ou das anteriores sessons envia-nos um mail.

Este 17 de maio voltaremos viver umha nova jornada de defensa do galego coa manifestaçom convocada pola plataforma Queremos Galego em Compostela.
Do Mádia Leva! chamamos a secundar esta manifestaçom como mais um passo na defensa sem tregua da nossa língua.
Na Galiza em galego!
Participa! 17 de maio às 12h00 na Alameda de Compostela.

A quarta-feira, dia 16 de maio, celebraremos umha foliada no centro social a que combidamos a participar. Desde às 20h30 em adiante começa a festa.Trae o teu instrumento!

O clube de leitura em português do centro social Mádia Leva! bota a caminhar neste mês das nossa Letras. Logo da primeira juntança prévia, decidimos começar coa leitura do livro O Planalto e a Estepe do escritor angolano Artur Carlos Maurício Pestana dos Santos, conhecido polo pseudónimo de Pepetela.
A data para a primeira sessom do clube na que falaremos sobre as leituras desta obra será sobre finais de junho.

O sábado, dia 12 de maio, é a 11ª jornada de liga na conferência norleste. Este aberto a celebrar em Remourelhe (Ribadeu) fecha a tempada regular conhecendo-se os e as escolhidas para as finais nacionais em Compostela o dia 27 de maio.

Esta manhá conheciamos pola imprensa que o concelho de Sárria decidiu suspender a gala que tinha prevista para esta sexta-feira onde se ia elegir a Rainha das Festas. Esta decissom foi motivada pola pressom de grupos feministas entre os que destaca as Mulheres Nacionalistas Galegas, que emitirom um comunicado criticando este acto machista financiado e promocionado por umha instituiçom pública como é o Concelho de Sárria.
Este sucesso vem só uns dias depois da polémica organizaçom da feira de abril nesta vila, um espectáculo alheio a nossa cultura novamente financiado com quartos públicos.
A gestom cultural que está a fazer o Concelho de Sárria continuará coas touradas que estám programadas para o dia 24 de junho. Logo de três anos, voltou o Partido Popular a governar em Sárria e voltám também as touradas. Mas como em 2009, voltaremos a concentrar-nos contra esta barbarie de tortura animal totalmente alheia a nossa cultura e que eles chamam “Fiesta Nacional”. Como ficou claro em anos anteriores só o apoio com dinheiro público fai viável económicamente a celebraçom deste tipo de eventos que na Galiza nom tenhem nengum tipo de acolhida.
Tanto a gala que se suspendeu onte, como as touradas, dependem da Concelheria de Xuventude do PP com Manuel Sangil à frente e da Associaçom Juvenil Xaora como organizadores das festas.
Desde o Mádia Leva agardamos que, como aconteceu coa gala, as touradas sejam finalmente também suspendidas.
Por umha Sárria livre de machismo.
Por umha Sárria livre de touradas.
Pola defensa da nossa cultura.

Dia 8 às 20h30 reuniom aberta da Assembleia Anticapitalista de Lugo.
Dia 10 às 20h00 no local da Cova da Terra video-forum sobre a crise coa projecçom da "Doutrina do Shock".
Dia 11 às 20h30 grupo de estudos nova sessom dedicada ao debate sobre o carlismo na Galiza.
Dia 12 às 16h00 aberto de bilharda em Remourelhe (Ribadeu). Última jornada da liga regular na nossa Conferência.

Após o dia das Letras Galegas conhecerá-se o projecto polo galego ganhador do "III Concurso Ángelo Casal" convocado pola Galicola. Até o 17 de maio poderá-se votar mediante as etiquetas da Galicola por algum (ou vários) dos projetos apresentados nesta terceira ediçom do Concurso, entre os que se atopa o do nosso centro social.Também lembramos que no centro social podes deixar as tuas etiquetas-votos.
A seguir todas as candidaturas deste 2012.

Leia mais »