A Asociación Enriqueta Otero convoca para o vindeiro 25N umha série de atos entre os que haverá um magusto, dança e obradoiros. Dará começo às 17h00 na praça Maior de Lugo. A assembleia de mulheres do Mádia Leva! colabora na organizaçom do evento.
Mais informaçom sobre a celebraçom desta data.

25 DE NOVEMBRO
O dia 25 de novembro, Dia Internacional da Nom Violência contra as Mulheres ou Dia Internacional contra a Violência de Gênero, foi escolhido para lembrar o assassinato brutal das irmás Mirabal, Minerva, Pátria e Maria Tereza, pola bravura de ?Las Mariposas?, ou Borboletas, como eram conhecidas, já que utilizavam este nome secreto nas atividades clandestinas, nas lutas pola busca da liberdade política do país, em oposição a Rafael Leônidas Trujillo, ditador sanguinário da República Dominicana, umha das mais violentas da América Latina, entre o período de 1930 a 1961. Por mor da sua atividade política as irmás foram presas junto com seus maridos mas, a prisom delas provocou umha comoçom popular obrigando ao ditador a libertá-las, para, em seguida, simular um acidente automobilístico matando-as quando voltavam da prisom dumha visita aos maridos. O 25 de novembro de 1960 membros do SIM (Servicio de Inteligencia Militar) assassinarom a paus as irmás.Seus corpos forom encontrados no fundo dum vale, estranguladas e cos ossos quebrados. Estas mulheres seriam conhecidas depois como "mariposas inolvidables" convertendo-se no máximo exponente da crise de violência contra as mulheres na América Latina.