A Plataforma Sarria Libre de touradas da que fai parte o Mádia leva convoca manifestaçom contra as touradas em Sárria. Às 17h00 desde a praça da Vila.
Informaçom anterior.
O concelho de Sárria volta organizar touradas na vila depois de retoma-las o ano passado. Mantiveramos certa esperança de que isto nom acontecesse logo das analises feitas polos organizadores a respeito dos resultados em 2012. O concelho e Asociación Xuvenil Xaora reconhecerom em rolda de imprensa de agosto de 2012 perdas económicas de 8000 euros e uns gastos totais de 58000 euros. Xaora, associaçom promotora ligada ao PP, e o concelheiro Manuel Sangil, afirmarom entom que nom organizariam mais a corrida, a nom ser que se implicassem agentes privados na financiaçom.
Estas declaraçons demostravam naquela altura umha cousa. Sárria foi um exemplo do que está a acontecer na Galiza coas touradas com pouca assistência ainda regalando entradas, perdas económicas que as fam deficitárias sem os quartos públicos e protestas cada vez maiores diante das praças.
Hoje, olhando que o dia 23 de junho haverá de novo touradas, que virá mesmo Jesulim, que o concelho as apoiará de novo e que será de novo o empresário Juan Santos o organizador, consideramos ainda mais lamentável a posiçom dos governantes de Sárria e nomeadamente do concelheiro de "cultura", Manuel Sangil. Fôrom eles mesmos os que reconhecerom as perdas económicas, polo que é umha teima que só se compreende no profundo auto-odio e espanholismo rançoso do PP.
Desde que o Partido Popular voltou ao poder com maioria absoluta em Sárria no 2011 era previsível que as touradas tornassem, custar ou que custar. Na defesa da rançosa Espanha e os seus símbolos, o PP nom entende de recurtes nem austeridade.
Por outra parte temos que sinalar a responsabilidade de que a principal marca de cerveja da Galiza apoiasse as touradas de Sárria como puidemos olhar nos cartazes no 2012. Como puidemos saber A plataforma Galicia, Mellor Sen Touradas acadou o compromisso da empresa de nom patrocinar nem participar mais nas touradas.
Nós e todos os colectivos que nos manifestamos abertamente contra as touradas devemos continuar coas protestas e concentraçons. Sabemos que a sua posiçom cada vez está mais debilitada e será questom de tempo rematar coa barbarie.
Este ano toca de novo irmos a Sárria. Atent@s as convocatórias.
