Associa-te

    Palestina livre

    LNB 23/24

    Outro Garañón...

    Apoia-nos

    Audios

    Revista A Malha Nº 2

    Revista A Malha Nº 1

        Busca

      Viva o Dia da Pátria Galega.

      Viva o Dia da Pátria Galega.

      23-07-14

      Mais um ano do Mádia Leva! fazemos um chamamento a acudir a noite do 24 e o próprio dia 25 a Compostela para reivindiar umha Galiza Ceive. Programa de actos do 24 e 25 de julho. Info de Diário Liberdade.
      A seguir podes ler o discurso preparado para o jantar de irmandade encorajando-nos para um novo Dia da Pátria.


      E vam sete anos deste jantar de irmandade no que nós preparamos para o Dia da Pátria Galega. Paro-me a pensar na quantidade de cousas que tedes/temos feito e som a óstia. Já há que ter memória para levar a conta. Agora até custa lembrar-se de todas as que há cada semana.
      Sabendo que ia dizer estas palavras ontem lembrei a primeira revista que sacaramos, tem a honra de ser a única cousa que se fixo subsidiada, o nosso nunca foi o de tratar com as instituiçons espanholas. Nessa revista, com só ano e meio de vida e apesar das dificultades, da repressom que acompanha as luitas e dos ouvidos surdos quando nom anti-independentismo direto desde o nacionalismo institucional, afirmavamos que essa breve experiência já demostrava que a implicaçom social, cultural e política merecia a pena.
      Sempre tivemos claro que somos umha minoria social e política mas cientes que a luita trae consigo pequenas vitórias e umha vida digna.
      @s independentistas somos umha minoria, nom se pode escapar dessa teimuda realidade, mas somos dessas que transformam o mundo, que mantenhem o facho acesso.
      Na última década vimos morrer o autonomismo e como a reivindicaçom da República Galega somam-se mais pessoas e organizaçons galegas, graças ao trabalho sostido , toda moça e moço ciente da sua condiçom nacional hoje é independentista e o esforço titánico de militantes como Maria Osório participa disso. Criamos escolas populares, centros sociais, meios de comunicaçom, ligas desportivas próprias e consolidamos um humilde movimento e luita popular, de construçom nacional, de valores como a solidariedade, que nom deixa nunca de sinalar aos responsáveis, que nom se vende nem poderá faze-lo jamais. É irreconciliável com Espanha.
      Algum dia seremos maioria e venceremos pois nom podemos acreditar na alternativa: sermos colonizados com volta de nom retorno. Incluso quiças deixemos de ser minoria mais cedo que tarde pois a situaçom de emergência nacional que vivemos é impossível de gerir para as instituiçons que a mantenhem como a Xunta ou a RAG. Espanha perde legitimidade mostrando-se como um aparelho ladrom e corrupto, cárcere de povos que é. Sabemos que o povo galego vai sobreviver, só temos que aproveitar o tempo, faremos da luita de libertaçom nacional a saida do buraco económico e cultural no que nos tenhem metido.
      Temos fé em que o nosso povo quer sair, nom vai ficar na história contada polos inimigos pois ainda há gente e afouteza suficiente. Porque temos fé no nosso povo e muito logo o nosso povo terá fé em nós. Viva Galiza Ceive!

      Escrito ?s 13:06:23 nas castegorias: opinióm
      por SCMadiaLeva   , 474 palavras, 346 views     Chuza!

      Endereço de trackback para este post

      Trackback URL (clique direito e copie atalho/localização do link)

      Ainda sem comentários

        madialeva.gz@gmail.com
        Rua Serra de Ancares 18
        Horário
        De segundas-feiras (luns) a sextas-feiras (venres) de 19h30 a 22h30
        CIF:G-27360825
          blog tool