Associa-te

    Palestina livre

    LNB 23/24

    Outro Garañón...

    Apoia-nos

    Audios

    Revista A Malha Nº 2

    Revista A Malha Nº 1

        Busca

      Curso de plantas medicinais

      Curso de plantas medicinais

      22-04-16

      CURSO PLANTAS MEDICINAIS

      Duraçom: 8 horas, repartidas em sessões semanais de 2 horas cada umha (4 semanas).

      Preço: 25 euros por pessoa (20 soci@s do Madia Leva)

      Datas e hora:
      Sextas feiras 20 e 27 de Maio; 3 e 10 de Junho
      de 19h30 a 21h30

      + info e inscrições:

      687 913 857
      ervameira@tutanota.com
      facebook.com/ervameira.gal

      O objectivo de este curso é colocar um primeiro chanço orientado a adquirir certa autonomia a hora de procurar soluçons aos nossos pequenos (e nom tam pequenos) problemas de saúde, familiarizando-nos com as plantas medicinais mais comuns, as suas virtudes, a sua elaboraçom,...

      Descriçom do curso

      Das perto de 1.400 espécies de plantas silvestres que podemos topar na Galiza, ao redor de 200 tem consideraçom de medicinais e umha longa tradiçom no se uso farmacológico, desde a medicina popular ou tradicional até a moderna fitoterapia. O crescimento, as vezes exagerado, do uso de medicamentos de síntese, fixo com que se evidenciassem os seus múltiplos e indesejáveis efeitos secundários, e os interesses escuros que esconde a industria farmacéutica (o estudo e a elaboraçom de fármacos e excepcionalmente caro, exceptuando os remédios de origem natural, que, a sua vez, nom som patenteáveis).
      Se quadra por isto, se quadra por umha necessidade cada vez mais sentida de viver umha outra relaçom com os seres que nos rodeiam, a utilizaçom de plantas medicinais tiradas do nosso entorno ou cultivadas por nós, e a participaçom activa na nossa sanaçom e na das pessoas que queremos, está a tomar pulo e fazer-se um oco nas nossas consciências. Por todo isto, a medicina popular nom é, ainda hoje, somente história.

      O objectivo de este curso é colocar um primeiro chanço orientado a adquirir certa autonomia a hora de procurar soluções aos nossos pequenos (e nom tam pequenos) problemas de saúde, familiarizando-nos com as plantas medicinais mais comuns, as suas virtudes, a sua elaboraçom,...

      -Chuchamel, cecimbra, parietária, cedronha,... som ervas que nascem às portas das nossas casas, que muitas vezes nom sabemos nem nomear, menos as suas propriedades curativas. Como a melhor maneira de conhecer umha erva e vendo-a, cheirando-a, tocando-a, prescindiremos de inúteis projecções de fotografias, que criam em nós umha sensaçom frustrante frente a um mundo tam amplo como é o das espécies vegetais. Durante as oito horas que dure o curso veremos in situ por volta de 50 plantas medicinais, comuns no nosso entorno.

      - Introduçom à elaboraçom das plantas: colheita (momento do ano, luas,...), secado e conservaçom,.... Introduciremo-nos no mundo da alquimia elaborando alguns preparados básicos com ervas, desde os chás mais clássicos até tinturas, aceites, emplastos, bálsamos,... para ir dando forma ao nosso receitário pessoal.

      -Achegamo-nos a um dos momentos mais importantes para a botica tradicional, já que ao redor do Sam Joám apanham-se umha boa mao dos remédios mais importantes aos que recurriremos durante todo o ano. Adicaremos especial atençom à mágia do ramo de Sam Joám, e tentaremos dominar os conhecimentos suficientes para poder elabora-lo.

      -Para quem querer continuar a formar-se logo de este curso, facilitaremos muita outra informaçom: bibliografia, artigos, fotografias, web... e a possibilidade aberta para criar espaços ou canais de comunicaçom entre nós, para sentir evoluir o nosso conhecimento colectivo. O plantejamento geral será orientado com esta finalidade, partindo da elaboraçom de um quadro da saúde. Vamos tentar encontrar as ervas chave que precisamos e que comecem, a partir de aqui, a formar parte das nossas vidas.

      Escrito ?s 16:23:00 nas castegorias: cursos, album
      por SCMadiaLeva   , 547 palavras, 353 views     Chuza!

      Endereço de trackback para este post

      Trackback URL (clique direito e copie atalho/localização do link)

      Ainda sem comentários

        madialeva.gz@gmail.com
        Rua Serra de Ancares 18
        Horário
        De segundas-feiras (luns) a sextas-feiras (venres) de 19h30 a 22h30
        CIF:G-27360825
          open source blog