Apoia-nos

    Revista A Malha Nº 1

    Defendamos o Minho

          Busca

        Fora honras ao Borbom nas ruas de Lugo

        Fora honras ao Borbom nas ruas de Lugo

        15-09-20

        Esperamos que seja atendida esta proposta que apresentamos ao registro do concelho de Lugo este mês de setembro.

        Porque a Fonte do Rei
        passe a chamar-se
        Fonte da Sanidade Pública

        Nos últimos anos e seguindo os ditados da Lei da Memoria Histórica, em Lugo fôrom-se mudando os nomes do nosso rueiro, algumhas vezes com acerto e umhas outras com nom tanto, mas com o ânimo de borrar da nossa cidade a lembrança de pessoas que fôrom parte ativa de aquele Golpe de Estado do 1936.
        Agora vemos, com satisfaçom que noutras vilas e cidades galegas e mesmo do resto do Estado, estám-se a mudar e propor o troco de ruas, praças, avenidas que tenham que ver com Juan Carlos, o rei fugado.

        Segundo umha listagem do INE, elaborada a petiçom do Senador de Compromís Carles Mulet, à Galiza cabe-lhe a honra de ter só seis avenidas, umha praça e um porto adicados a Juan Carlos, melhoremos logo essa listagem borrando esse nome dessa fonte.

        Desde o Madia-Leva queremo-nos somar a essa vaga de iniciativas e mudar o nome da Fonte do Rei, na Avda. de Madrid, construida em junho de 1991, lugar frequentado e típico de celebraçons desportivas. O nome que propomos, Fonte da Sanidade Pública, é muito acaido com estes tempos de pandemia em que tanta evidência houvo e há da necessidade de investir numha verdadeira Sanidade Pública ao serviço do povo galego e sem áreas, serviços e atividades privatizadas. A sanidade nom tem que ser um negócio!

        É sabido que a monarquia espanhola é herdeira desse franquismo surdido naquele 18 de Julio do que falavamos antes e que já por isso nom merece nenhuma honra, mas menos ainda esse senhor, presunto delinquuente, suspeitoso de fuga de capitais, de cobro indevido de comissons, de malversaçom de fundos públicos. Nom há que esquecer que em anos de crise, com graves problemas dumha grande parte do nosso povo, com paro, desmantelamento de empresas, pérdida de caladoiros, restriçons á produçom dos nossos gandeiros e gandeiras, cumha mocidade galega forçada à emigraçom igual que às geraçons anteriores..., esse Chefe de Estado, com altas doses de patriotismo, adicou-se a amassar umha fortuna fora do controlo do seu próprio Estado. Propostas similares tenhem-se feito polo menos em Ponte Vedra, Compostela, Sam Genjo e Ponferrada, por citar só as mais cercanas.

        Por isso reiteramos a nossa proposta de mudar o nome dessa fonte. Do mesmo jeito é esta umha boa ocasiom para que desapareça esse título anacrónico, artificial e inventado por esse mesmo rei fugado. Falamos do título de Duques de Lugo, assim como, em coerência, a Avda. Infanta Elena Duquesa de Lugo.

        Escrito ?s 23:35:00 nas castegorias: album
        por SCMadiaLeva   , 434 palavras, 135 views     Chuza!

        Endereço de trackback para este post

        Trackback URL (clique direito e copie atalho/localização do link)

        Ainda sem comentários

          madialeva.gz@gmail.com
          Rua Serra de Ancares 18 Horário De segundas-feiras (luns) a sextas-feiras (venres) de 19h30 a 22h30 CIF:G-27360825
            powered by b2evolution