10-M: NOM À JURA
Desde o Mádia Leva queremos manifestar o nosso rejeitamento a organizaçom dumha nova Jura de bandeira civil .
O evento que se vai celebrar o dia 10 às 12h00 no Parque Rosalía está inserido numha campanha de propaganda da Guardia Real desde há semanas na cidade . Pretendem chamar a atençom com exibiçom de carros, domas de cavalos e demais circo ocultando a verdadeira faciana dos corpos repressivos.
Estám a defender com todos os seus meios, que nom som poucos (propaganda, leis, polícia, exército) e a pagar com o nosso dinheiro a apología do militarismo espanhol. Lembrar que Vigo acolherá o Dia de las Fuerzas Armadas a finais de maio enviando mais de 3000 efetivos.
Estamos num momento de escalada belicista e imperialista no que o estado espanhol comprometeu miles de milhons em gasto militar para cumprir cos objetivos da OTAN. Normalizar a presença dos militares nas nossas ruas é das suas funçons "sociais" e "humanitárias" é indispensável para continuar nessa carreira.
Lembramos que o nosso firme compromisso com os nossos anseios de liberdade nacional e libertaçom social num modelo próprio é representado pola bandeira tricolor, branca, azul e vermelha. Por todo isto, nós, galegas e galegos de naçom e de adopçom, rejeitamos esses atos de homenagem à bandeira imposta espanhola e exigimos medidas reais para termos umha vida digna no nosso País e na nossa cidade.