Este sábado, 11 de fevereiro às 12:30 no fundo da praça Maior.

📢 COMUNICADO CONTRA AS MULTAS DO CONCELLO DE LUGO NAS FESTAS POPULARES

👥 Quen somos?

Formamos parte da Rede Asociativa, unha entidade aberta dentro da cal diversos colectivos e asociacións sen ánimo de lucro confluímos de forma asemblearia coa finalidade de fortalecer o tecido asociativo lucense.

Que pasou para que protestemos conxuntamente?

🔥🪵 O 23 de Xuño de 2022 organizamos o Lume Novo Asociativo. Levamos facendo este evento hai polo menos 12 anos (só interrompido coa pandemia) porque un dos obxectivos da rede é promover as festas populares galegas como forma de convivencia. En todos estes anos nunca tivemos ningún incidente; sempre tramitamos o permiso para facer a fogueira, como en anos anteriores; sempre fomos respectuosos co espazo que estivemos a ocupar e nunca tivemos axuda do Concello de Lugo en canto a infraestruturas (auga, luz, baños públicos ?) a pesar de que as solicitamos.

👮‍♂️💰En novembro do ano pasado recibimos unha sanción de 300? da Policía Local a través do Concello. Aplícannos a ?lei mordaza? por ocupar a vía pública sen autorización municipal, cunha barra para vender tanto comida como bebida.

Que reivindicamos? ⬇️

▫️ Que tanto nós como o resto de asociacións sen ánimo de lucro de Lugo poidamos facer un uso real da rúa sen impedimentos absurdos por parte do Concello como é esta sanción que favorece o uso privado do espazo público fronte ás festas populares e autoxestionadas (unha multa desta magnitude supón un esforzo económico para os colectivos da rede, xa que non nos lucramos con estas celebracións).

▫️ Que isto sería posible simplemente con boa vontade por parte do Concello de Lugo. Xa se fixo coa cesión do espazo público de forma gratuíta para que os bares dispuxeran de terrazas e así paliar os efectos da pandemia. A nós por contrapartida múltannos por colocar unha barra para recuperar o gastado na organización do Lume Novo.

Resumindo: estamos totalmente en contra da privatización do espazo público. Esta é unha reivindicación intrínseca ás actividades que organizamos e a pesar das trabas nós imos seguir polo mesmo camiño.

Lugo non é máis seguro polo feito de que nos teñan posto esta multa, nin nós somos un perigo para a protección da seguridade cidadá, senón todo o contrario.

Non pretendemos convencerte de nada, pero si que teñas información do que pasa na túa cidade.

Saca ti as túas propias conclusións!

Centro Social Mádia Leva Avante LGBT+ Lugo Vagalume C.S-C.A. Asociación Ecoloxista ADEGA A Hedreira

Queremos celebrar o entruido na cidade. Esta segunda-feira, 13 de fevereiro, temos umha assembleia aberta a quem queira participar.

A bilharda presente no festival da Candeloria da mao da LNB e o do Varal.

Este domingo oitava jornada da LNB em Riotorto. Une-te a equipa Mádia Leva!

Este ano temos ganas de celebrar o entruido na cidade. Esta segunda-feira, 16 de janeiro, organizamos um obradoiro com Xosé M. Seixas , aberto a quem queira participar.

A revista Nº 46 correspondente do primeiro trimestre de 2023 já disponível no centro social.

A LNB chega a sua sétima jornada. Começamos 2023 em Castropol. Une-te a equipa Mádia Leva!

O 22 chega o Apalpador a Lugo!

CS Mádia Leva junto a Semente Lugo, a Mesa pola normalización Linguística, A Volta do Agro, Hedreira, Cántigas e Frores, Troupelear, Tradescola, Asoc Antonio Gandoy, organizamos com a colaboraçom do Concelharia de Cultura de Lugo, a Deputaçom de Lugo, a bem-vinda do gigante do Courel

Desde que se deu a conhecer -impulsionado em Compostela polo Centro Social do Pichel- o Apalpador converteu-se num dos principais referentes do Natal, presente por todo o país.

O Carvoeiro baixa do Courel a noite do solstício de inverno -em 24 de dezembro- e visita as crianças, deixando-lhes umha presa de castanhas e eventualmente algum presente, desejando um ano cheio de fartura e felicidade, apalpando-lhes a barriguinha murmurando ?Assim estejas todo o ano?

Desde às 17:30 haverá atividades, música e obradoiros e sobre às 19:00 está programada a chegada do Apalpador.

Organizamos em Lugo a apresentaçom do livro "Mi Yugoslavia tan incomprendida" de Koldo Tellitu -Lehendakari de Ikastolen Elkartea-.