👉🏻Cursos 2024/25. O dia 2 de setembro começamos.
Mais info
madialeva.gz@gmail.com

Mais um ano voltaremos ao Festival de Pardinhas com o nosso chigre.
Lá nos vemos!
Dias 2, 3 e 4 de agosto

No mês de junho vimos de fazer um novo mural na porta do centro social.

A revista Nº 52 correspondente do terceiro trimestre de 2024 já disponível no centro social.

Este domingo dia 23 de junho a gente da Rede Associativa voltamos organizar o lume novo na cidade.

Neste ano dedicado a luita contra Altri e as celulosas!

🔥✊🏻 Vemo-nos na fogueira!

Esta sexta-feira dia 14 de junho, teremos no centro social umha ceia de apoio a campanha Ti podes paralos!
Umha atividade que organiza Adega para recadar fundos cos que procurar frear nos tribunais o projeto eólico Monte Contado, em Lugo e Castroverde.

Este sábado , dia 8 de junho, teremos no centro social umha jornada de convívio para conhecer a luita do Saara Ocidental.

Esta sexta-feira dia 7 de junho às 20:00 temos umha nova atividade com a legenda "O povo auto-organizado.Cinco décadas de resistência popular."
Fai-nos especial ilusom ter no centro social a duas associaçons que som referentes absolutos do tecido cultural de base do país: a Sociedade Cultural e Desportiva do Condado e a Asociación Cultural Xermolos de Guitiriz.
Som representantes também de dous festivais que racham com o modelo de macrofestivais imperante baseado no negócio e no consumo.
Festival da Poesia e Festival de Pardinhas.
Nom faltedes para conhecer de primeira mao a sua experiência.

As mulheres do Mádia Leva! queremos reivindicar as NOSSAS , aquelas mulheres que som referentes por múltiplas razons. Por suposto pola sua luita feminista mas também por dedicar as suas vidas a combater todas as opressons que sofrerom. Mulheres com as que conjurar-nos política e emocionalmente com o seu exemplo muitas vezes silenciado ou esquecido.

Luz Fandiño . (1931-2024) é a primeira das mulheres que reivindicamos dentro desta campanha ORGULHOSAS DAS NOSSAS. Esta mulher compostelana é exemplo de luita e compromisso.

Filha de mae solteira republicana e revolucionária na pós-guerra, tivo que luitar contra a miséria e emigrar fora da sua terra, mas isso nom minguou a sua fame de saber. No 1952, com 20 anos, vai para Argentina e anos mais tarde, em 1964, para Paris. Foi na Argentina onde entra em contacto com círculos galeguistas herdeiros da Sociedade Nazonalista Pondal e do grupo de exilados agrupados por volta do Conselho da Galiza; lá conheceu Galiza através da biblioteca do Centro Galego. Descobre a Cabanillas, Rosalia, Castelao e começa a escrever em galego. Voltará a sua Compostela natal em 1979 já com umha firme consciência identitária,linguística e de género.

Mulher nacionalista de coraçom, foi militante do nacionalismo popular nos anos da chamada transiçom. Solidária sempre com as presas e presos independentistas. Participou tamém ativamente nos movimentos sociais da capital galega ao longo da sua vida. Incansável na sua participaçom em atos, mobilizaçons e reinvindicaçons populares de todo tipo.

É reconhecido o seu destacado labor como escritora, especialmente no ámbito da poesía. A sua criaçom literaria destaca pola sua funda pegada social já que ela mesma se definia como a poeta analfabeta, pola sua condiçom proletária e como escritora autodidata. Colaborou em diferentes publicaçons galegas, nos coletivos culturais Redes Escarlata, Mulheres Transgredindo , Mar de Tinta, no programa Diario Cultural de Radio Galega, entre outras.

"Eu sei onde estou e nom renuncio ao independentismo, nem à naçom galega nem aos principios comunistas: Nom lim o Capital nem o Manifesto, mas a minha vida é realmente a dos povos oprimidos e a vida fijo-me comunista"

A sua trajetória foi objeto dum documentário intitulado "A poeta analfabeta", dirigido por Sonia Méndez e estreado em 2020. Desde 2022 inspira a organizaçom dum certame literário na sua honra, 'Luz poética'. No ano 2023, recebeu na modalidade "Trajetória", o Prémio "Begoña Caamaño" pola igualdade de género, concedido pola Deputaçom da Corunha.

Até os seus últimos dias continuou apoiando as manifestaçons populares mantendo sempre umha energia e otimismo de admirar. Mantinha umha confiança absoluta nos jovens sem duvidar que as futuras geraçons iram libertar o nosso povo.

"Tenho absoluta confiança na juventude. Temos uns moços e moças que estám a trabalhar muito bem. A minha visom é sempre otimista. Tenho muita fé na juventude e sei que ela fará da Galiza um país livre. Serám elas e eles as que verám um país libertado"

Luz Fandiño, corajosa.
Luz Fandiño, luminosa.
Luz Fandiño, generosa.
E nós, ORGULHOSAS!