A começos de mês conheciamos a intençom do empresário Juan Santos de organizar as touradas em Sarria durante as festas de Sam Joám. Logo dumha semana ainda nom está confirmado, como admitiu o próprio promotor.
Desde o Mádia Leva! participamos activamente na oposiçom as touradas no último ano que se celebrou, no 2009. Pensamos que nos anos que nom houvo touradas ninguem as botou de menos na vila. Sobram os motivos para rematar com esta mal-chamada festa: o trato cruel, a tortura e morte dos touros , a ligaçom co fascismo e coa direita espanhola, a oposiçom do povo galego a esta "festa" alheia a nossa cultura, o machismo que representa todo o espectáculo,etc.
A plataforma antitaurina galega Galiza, mellor sen touradas, vem de anunciar que convocará protestos o dia 26 se finalmente as touradas se organizam. Para a plataforma as touradas, só podem ter lugar com dinheiro público. Segundo indicam, quando o Concelho nom a financiou só se celebrou umha em 2009, apoiada por empresarios locais, que foi um claro fracasso económico e de assistência. Sinalam também que o organizador do espectáculo viveu do dinheiro público durante demasiado tempo. «Foi possívelmente o empresário mais subvencionado da localidade embora de nom criar nem um posto de trabalho estável na localidade».
Do Mádia leva! aderimos todas as acçons que se levem a cabo para rematar coas touradas em Sárria e na Galiza para sempre.

Full story »

Força Lugo. O domingo o C.D. Lugo joga-se o ascenso a 2ª divisom contra o Alaves, o jogo começa às 19h no Anxo Carro.
Este fim de semana abrimos o centro social co seguinte horário:
Sábado 11, desde às 19h00.
Domingo 12, desde às 15h00. Prévia ao encontro.

Na vindoura sexta feira 10 de junho, projetaremos o documentário 'Crash course', umha aproximaçom académica e com certa carga crítica (que nom revolucionária) ao colapso financeiro. A certa mornura da posiçom deve-se ao facto de ser o seu autor Chris Matenson, um professor universitário norteamericano. Porém, este académico tivo a capacidade de sintetizar em três horas de filmaçom os principais riscos da decadência capitalista que andamos.
Nesta sessom veremos apenas a primeira hora do documentário.
A sessom começará com a habitual ceia de convívio às 21h30.

Diversas pessoas dos movimentos sociais da cidade juntarom-se nas últimas semanas para organizar umha resposta a esta crise desde uns parametros anticapitalistas. A assembleia anticapitalista vem-se reunindo semanalmente no nosso centro social. Podes ler a seguir o manifesto.
Mais informaçom www.asembleanticapitalista.blogspot.com

Full story »

O mês de junho voltam os preparativos da festa do lume novo, na noite do 23 de junho. Este ano queremos que seja ainda maior e com mais actividades que os anos anteriores. Por isso convocamos a quem queira participar na organizaçom a umha juntança aberta para a quinta-feira, 9 de junho, às 20h30 no nosso centro social.

Justo umha semana depois das Olimpiadas Populares Galegas, celebrou-se outro dos grandes acontecimentos desportivos de base do nosso pais coas finais de bilharda em Compostela.
Este domingo desputárom-se os Play Off Finais e já conhecemos os ganhadores/as deste ano. Este ano houvo novidades importantes como é que o ganhador absoluto do Play Off, o jovem Ivan de Bateas, foi coroado Coroceiro Nacional.

Full story »

Esta sexta-feira, dia 3 de junho, teremos umha nova sessom do grupo de estudos continuando co debate sobre a crise energética. Rematará-se de ver a projecçom do documentário "Colapso" e haverá debate a seguir.
Lembrar que a ceia começa às 21h00.

Full story »

Este domingo, 29 de maio, desputá-se o Play Off Nacional de Conxo, a finalíssima da Liga Nacional de Bilharda. Nestas finais participám os melhores palanadores e palanadoras de cada conferência, decidindo-se neste aberto os e as campioas nacionais do 2011.
O mundo da bilharda nom para nunca e prova disto é a apariçom de novas publicaçons relacionadas com este desporto. Podes ler e descargar aqui o primeiro número da Revista Bilharda.
Preme aquí

Esta semana nom haverá grupo de estudos como estava previsto. Adiá-se umha semana ficando pois para a sexta-feira, dia 3 de junho a seguinte sessom.

O Mádia Leva! participará na concentraçom do dia 17 de maio convocada pola Plataforma Queremos Galego.

Data: 17 de maio. Dia das Letras Galegas.
Lugar: Rua da Rainha em frente do Hotel Mendez Núñez.
Hora: 12h00.