Na vindoura sexta 10 de Dezembro, fechamos as actividades deste trimestre do Grupo de Estudos do Mádia leva em colaboraçom coa Escola Popular Galega.

Depois de analisarmos -com alguns protagonistas dos feitos- as luitas antimilitarista, obreira e labrega, e depois de conhecermos a experiência dos nacionalistas na emigraçom, damos um espaço à solidariedade antirepressiva.

Com nós estará Marcos Regueira, um comunista corunhês que botou sete anos em cadeias francesas e espanholas, polo simples 'delito' de ser militante do ilegal PCEr. Acusado na França de 'associaçom de malfeitores', foi extraditado a Espanha, onde estivo preso três anos sem nengumha condena concreta.

Falará-nos da sua experiência no movimento associativo corunhês na década de 90, do seu passo polas maos dos repressores franceses, e da sua experiência solidária em cadeias espanholas.

A sessom começará às 21h00 com umha ceia que custa 3 euros. Os benefícios destinam-se às actividades do Grupo de Estudos e a EPG.

A próxima sexta-feira, dia 3 de dezembro, projectaremos no centro social o documentário de Michael Moore, "Sicko. SOS Saude". A projecçom será às 19h30 e haverá debate e ceia posterior. (Custa 3 euros).

A próxima sexta-feira participaremos na festa e actos polo VII Aniversário do centro social Revira de Ponte Vedra.
Parabens da nossa parte por todos estes anos e a seguir construindo o poder popular.

O julgado Nº1 de Lugo vem de paralisar as obras nas costas do parque Rosalia. O auto fai referência a possíveis delitos de prevaricaçom administrativa, prevaricaçom urbanística, conhecimento de ilegalidades na concesom da licença, omisom do dever de perseguir delitos e numerosas transgressons. No mesmo solicita-se informe à Guarda Civil sobre o custo que suporia executar a demoliçom do que já está construido.
Esta nova bem a dar a razom a luita da Asociación en Defensa do Parque que leva cinco anos protestando contra esta agressom urbanística. Desde o Mádia Leva! queremos parabenizá-los a eles em especial, e a todos os colectivos e pessoas que luitamos contra esta maré de cemento.
Rosalia nom se vende!

Sob o título "Emigraçom, sindicalismo e movimento galego" decorrerá no centro social a próxima sessom do grupo de estudos, em colaboraçom coa Escola Popular Galega.
Continuamos assim co ciclo sobre experiências militantes na Galiza contando nesta ocasom com Lois Losada e Inácio Hernando, militantes nacionalistas nos 70 e emigrantes em Espanha e no Pais Basco. Contarám-nos assim a sua experiência na emigraçom, continuando a sua militáncia noutras terras.
Será esta sexta-feira, dia 26, às 21h00. Haverá ceia por 3 euros para a que cumpre anotar-se antes no local.

Manhá, dia 25 de novembro, às 19h00 haverá umha concentraçom na praça Maior polo dia contra a violência machista. Será também um acto conmemorativo em memória das vítimas da violência de género, com especial recordo para Monserrat Labrada assassinada em Lugo no agosto passado.
O acto é organizado pola associaçom lucense Enriqueta Otero.
As cifras de mortes contínua e neste ano superam já às dos anteriores. As instituiçons seguem a ser cumplices recurtando gastos e mantendo umha dupla moral. No caso de Lugo olhamó-lo claramente nas reacçons políticas que se estám a dar pola operaçom "Carioca", pedindo presunçom de inocência para proxenetas e policias que teriam torturado e explotado de jeito selvagem a dúzias de mulheres.

Desde os movimentos sociais de Lugo vam-se realizar nesta semana e começos da que vem, diversos actos em apoio ao povo saaraui depois do selvagem assalto ao campamento de Agdaym Iciq, perto do Aaiúm, no território saaraui ocupado por Marrocos.
Denunciamos este novo atentado contra o povo saaraui na sua luita pola liberdade,condenando o imperialismo de Marrocos apoiado polo estado espanhol, a Uniom Europeia e os EUA.

-Mércores 17 Novembro 20:00h--->Concentración praza da Milagrosa
-Xoves 18 Novembro 20:30h--->Concentración diante dos sindicatos(coincidindo coa manifestación da CIG)
-Venres 19 Novembro 20:00h--->Concentración diante do Concello de Lugo
-Luns 22 de Novembro 20h00. Manifestación desde a Subdelegación do Goberno.