Estas som a datas dos cursos:
4ª-feira 14 (mércores)às 20h30: Apresentaçom do curso de pandeireta.
5ª-feira 15 (Xoves) às 20h15: Inicio do curso de Esgrima medieval.
6ª-feira 16 (Venres) às 19h30: Inicio do curso de Gaita.

Este domingo imos a Lourença onde se celebrará o Aberto da Faba. Esta é a segunda jornada puntuável da Conferência Norleste da LNB. Depois da bo estreo em Vilamartim Pequeno nom podemos faltar. O Mádia Leva! somos segundos em pontos. Já estamos baralhando a ideia de fazer umha equipaçom própria para a equipa do Mádia Leva!
O aberto começa às 16 h e sairemos umha hora e quarto antes desde Lugo. Pom-te em contacto se queres participar. Une-te a revoluçom da bilharda.

Na jornada de ontem organizou-se na praça Maior de Lugo umha protesta em contra do trato que recebem os inmigrantes que nestes dias de festas do Sam Froilam fam o seu trabalho. O acoso e perseguiçom policial contra o colectivo de inmigrantes foi a consigna dada polo concelho de Lugo, mentres a meirande parte da sociedade luguesa nom percebe que mal se fai co top manta. Já o ano passado foi muita a gente que increpou e impediu a detençom polo siples feito de estar na rua a ganhar-se a vida como podem.
A protesta consistiu no despregamento de "top mantas" onde se denunciava a situaçom do colectivo de inmigrantes, a repressom policial,etc. O apoio a protesta foi muito alto e a gente de seguida lhe prantou cara a policia local que tentava confiscar o material que vendiam os manteiros.
Ontem nove pessoas fôrom identificadas e é muito provável sejam denunciadas pola policia municipal polo feito de defender a dous inmigrantes que vendiam cd´s na rua. Mentres a pirateria é algo que todos e todas fazemos na nossa casa sem maior problema, os inmigrantes tenhem que padecer a repressom policial,detençons, e requisa do material que vendem. Nalguns casos o Código Penal actual pode impor mais pena por expor um Cd pirata na rua para sobreviver que por cometer um roubo com intimidaçom em determinados supostos.
Para denunciar esta situaçom repressiva hoje repetirá-se a protesta às 18h diante do Concelho. Aliás vam-se recolher sinaturas. No nosso centro social já as temos para assinar.

O dia 12 de Outubro nós celebramos o Sam Froilam jantando como é tradicional nas festas o polvo à feira. Agardamos-te no local para jantar e fazer umha foliada depois polas ruas da cidade.Se te animas trae o teu instrumento. Aliás a noitinha actuam na cidade Fuxam os Ventos.
Para os imperialistas espanhóis que nos imponhem o seu calendário de feriados, o 12 de outubro celebram a "hispanidade". Nesta data conmemoram o descobremento de América e o nascimento do império espanhol. Disfarçam de encontro de civilizaçons o que historicamente significou um genocídio brutal contra dos povos indígenas. Só no Estado espanhol é que se celebra esta hispanidade, mas em nengum pais americano se laiam de ter acadado a independência. Galiza deve seguir o seu caminho.

Na Galiza o único dia nacional que temos é o 25 de julho, dia da Pátria Galega.

Para o jantar há que confirmar antes do dia 10 de outubro,bem no telefone 664207010,bem no mail madialeva.gz@gmail.com. O custo é de 10 euros. Polvo à feira, cachelos,vinho, sobremesa. A hora do jantar é as 14h:30.

Um ano mais começam os cursos oferecidos por o C.S Mádia Leva!. Além o periodo estival de verao queremos-nos juntar a 4ªF (mércores) 7 de Outubro por volta das 19h30 com o motivo de concretarmos os horários, conteúdos, grupos ... e dar começo dos mesmos.
Animamos a tod@s os sóci@s e nom sóci@os a participar !!!!!!!!!

CURSOS:
Esgrima medieval
Gaita
Pandeireta
Guitarra

Toda as 4ª-Feiras (mércores) realízase no Centro Social um COMEDOR POPULAR por volta das 14:30. Em eles está convidada toda a gente que deseje compartilhar esse tempo, e mais aportar o seu grao de area em forma de trabalho comunitário, jà seja ponhendo a mesa, fregando a louça, ajudando na cocinha ... .
A ementa decidese por os distintos comensais de umha semana para outra, e se o desejar cada quem pode trazer da sua casa umha ementa própria do seu gosto e compartilha-la.
Os gastos correm por conta do grupo de participantes que serám a suma dos ingredientes do jantar.
Quem queira apontarse deverá comunicalo no Cenro Social ou bem escrever o correio electronico madialeva.gz@gmail.com
BOM PROBEITO A TODAS

O domingo de tarde chegamos a paróquia de Vilamartim Pequeno no Concelho marinhao de Barreiros para desputar o Primeiro Aberto da Tempada Regular.Arrancamos a nossa participaçom na Conferência Norleste da LNB com quatro palanadores e umha palanadora. Apresentamo-nos na pista com muita ilusom mas sem pensar em chegar muito longe. Afinal classificamos dous palanadores que se baterom entre eles nas semifinais,polo que tivemos um representante na final a quatro. Nom conseguimos o requeijom, que era o prémio ao ganhador, mas marchamos com muitas boas vibraçons e coa ideia de melhorar a nossa equipa. Muito bo ambente pola Marinha mas tivemos que ir embora sem quase degostar os torrezmos a pé de pista.A segunda é dia de garabulhos.
A bilharda cravou-se de jeito firme na cidade de Lugo este fim de semana.Primeiro o aberto do II Aniversário que serviu de estreio na bilharda de muit@s companheir@s,logo o domingo a LNB. Pronto haverá novas incorporaçons.

Clasificaçôes:

Full story »

O sábado tivemos a jornada de celebraçom do nosso 2º Aniversário.Agora começa o curso e com ele a volta ao horário de sempre. Abrimos todos os dias menos os domingos (de 19h:30h a 22h:30h).Aqui vam umhas fotos do jantar , o Aberto de bilharda e mais do Zumbanocoiro.

Full story »

O plano urbanístico das costas do Parque Rosalia foi anulado polo Julgado do Contencioso de Lugo. A justiça dá a razom à Associaçom em Defesa do Parque Rosalia,embora a Conselheira de Urbanismo e o próprio construtor, tenhem pensado recurrir esta sentência. Ainda nom é suficiente para fechar a boca aos especuladores mafiosos. Da-lhes igual que está obra seja ilegal, mas cada vez o tenhem mais díficil.
Somos conscientes de que sem a pressom popular exercida nestes anos pouco ou nada poderiamos fazer para evitar estas desfeitas. Agora devemos seguir até que paralisem definitivamente as obras.

Parabens à Associaçom em Defesa do Parque e a todos e todas as lucenses.
Rosalia nom se vende!
Galiza nom se vende!

Este sábado 26 celebramos dous anos de vida do nosso Centro Social, embora a associaçom tenha alguns meses mais, o C.S. foi inaugurago em setembro de 2007. Desde entom trabalhamos atreu na construçom nacional, servimos de espaço de encontro para muitos projectos e luitas, formamo-nos e divertimo-nos.

Além de celebrar todo o feito, queremos começar o curso com força juntando-nos todos e todas neste dia. Este ano temos muitas novas ideias para fazer, já para este mês estamos a argalhar a participaçom na Liga Nacional de Bilharda, preparando os cursos diversos que começaram em outubro, a volta ao horário habitual abrindo todos os dias...

Em quanto ao aniversário, a isso das 12h30 começa a sessom vermú com relevância para as reformas feitas no local assim como a inauguraçom do 1º andar. As 14h30 o jantar (há que anotar-se antes da sexta-feira 25 no local ou no tlf. 664 20 70 10 e o preço seram 5 ouros). Pola tarde participa no incrivel aberto de bilharda sobre erva, como prévio ao começo da LNB (o domingo em Barreiros). Aliás da foliada que se organice no local, às 19h00 imos dar por rematada a nossa festa para achegar-nos ao Zumbanocoiro, festival de música tradicional, organizado pola Volta do Agro, que contara com as actuaçons d´A Volta do Agro, Bouba Pandereteiras, O Tear de Llerena e A Gaita de Sarandón, celebrará-se na praça de Campo Castelo.