Link: http://www.youtube.com/watch?v=--hJKqLNbPo

A S.C. Mádia Leva! celebrou esta quarta-feira 18 de Novembro a sua particular homenagem a I Assembleia Nacionalista. Primeiro saimos desde a praça do Campo fazendo um passa-ruas em defesa do galego polo casco velho. Durante o percurso fomos substituindo várias pracas de ruas adicadas a fascistas (Coronel Teijeiro e Comandante Manso) por nomes de patriotas galegos comprometidos co pais: o do escritor Uxio Novoneira e o independentista lucense Joám Quinhoa.

O acto rematou na rua da Rainha onde colocamos um feixe de cravos vermelhos na porta do Hotel Mendez Nuñez, como veu sendo habitual nos anos anteriores. O acto rematou coa leitua do manifesto da convocatória por parte dum dos companheiros do Mádia Leva!

Full story »

Depois da manifestaçom multitudinária do 18 de Outubro demostramos que nom imos deixar que destruam o nosso maior bem: a língua. Agora nas vilas e cidades cumpre continuar essa reinvindicaçom. Por isso mesmo chamamos a mobilizar-nos o dia 18 de Novembro. Dia no que fazer memória da nossa história, tomando folgos daquela primeira Assembleia Nacionalista celebrada em Lugo no ano 1918. Nesta data queremos manifestar:

Primeiro cremos na necessidade de apostar por umha Galiza só em galego. O bilingüismo nom é harmónico senom que significa a morte doce do nosso idioma. Os dados estám aí. Partido Popular, Galicia bilingüe e toda a calanha de espanholistas disfarçam de liberdades individuais o que é um etnocídio cultural em toda regra.

Segundo pensamos que é necessário juntar forças e reactivar o movimento normalizador de base. Foi o povo quem mantivo viva a sua língua nos séculos escuros, na longa noite de pedra do franquismo, e também tem que ser o povo quem a salve da política espanholista actual. O tempo corre na nossa contra no conflito lingüístico que estamos a viver.

Terceiro só com soberania política poderemos decidir questons trascendentais como as medidas que tomemos a respeito da nossa língua. Trinta anos de democracia espanhola e medidas institucionais autonómicas colocarom a nossa língua numha situaçom de perigo de morte.

Como em 1918 , quase cem anos depois seguimos em pé defendendo a nossa língua.

Berra com nós: na Galiza em galego!!

Brochura do 18 de novembro clicando cá'

Actos confirmados do dia 18 de novembro

Passa-ruas: Quarta-feira (mércores) às 20h30. Praça do Campo.
Oferenda Floral: .Diante do Hotel Méndez Nuñez. Rua da Rainha.

ASSEMBLEIA ABERTA Para preparar a oposiçom à ordenança municipal. Próxima terça-feira, 17 de Novembro, às 20h:30 no C.S. Vagalume. Rua Noreas.

O governo municipal do PSOE apresentou fai uns meses um borrador para criar umha Ordenança Municipal. Ainda que afirmam ter o consenso de toda a cidadania, o certo é que somos muitas as associaçons e colectivos que nem sequer fomos consultados.
Depois de analisa-la polo miudo opomo-nos a aceitar esta repressiva ordenança municipal.No próximo mês de Dezembro está prevista o seu debate e aprovaçom. De passar o texto tal e como está direitos básicos como a liberdade de expressom ou o uso do espaço público serám seriamente danados.
No fundamental esta ordenança caracteriza-se pola repressom mas nom atinge as verdadeiras razons dos problemas como acontece co chamado "botelhom", a venda ambulante ou a mendicidade.

Aqui apresentamos um breve texto onde se explicam as principais críticas a esta ordenança municipal clicando cá'

Organicemo-nos contra esta nova ofensiva aos nossos direitos e liberdades

Situado na rua Amor Meilam no número 18,este foi o primeiro local do Mádia Leva! desde setembro de 2007 até janeiro de 2012.

Fachada do local.

Biblioteca e sofas.

Full story »

Um reduzido grupo de pessoas acabou de pôr em andamento a associaçom cultural Fontaira com o objectivo de gerar este novo produto de selo exclusivamente galaico.

A importáncia desta ideia que os criadores da Galicola querem transmitir é tal que figura em primeiro lugar entre os pontos incluídos nos princípios fundacionais. Traduzido, isto quer dizer que ninguém vai lucrar com o novo refresco, e todo o ganho (o que restar depois do pagamento dos custos de fabricaçom, distribuiçom e salários) será destinado ao movimento normalizador.

Full story »

O próximo sábado,14 de Novembro, organizamos as I Jornadas Micológicas.

Às 16h combinamos no centro social para deslocar-nos até os montes próximos à cidade na procura dos preciados cogumelos.

A isso das 21h:30 jantaremos a nossa recolheita.

O próximo dia 12 de Novembro os Centros Sociais Vagalume e Mádia Leva! organizamos conjuntamente um magusto popular. Desde às 19h andaremos pola praça do Campo asando castanhas que serám de balde para toda a gente que se passe polo magusto.
Lá nos vemos.

Dia: Quinta-feira (xoves).
Hora: Desde às 19h:00.
Lugar: Praça do Campo.

Nesta sexta feira dia 13, no local do centro social, a Escola Popular e o Grupo de Estudos do Mádia Leva continuam o debate sobre a crise capitalista em andamento. Como todas as sextas feiras, a cea-tertúlia começará às 21:00h.

Depois dum primeiro bloco, dedicado à natureza das crises segundo o marxismo, passa-se a um segundo bloco: o debate surgido no movimento obreiro sobre a "teoria do colapso", que tivo o seu momento álgido nas primeiras décadas do século XX.

Para isto, manejará-se um texto de Giacomo Marramao, professor de filosofia política em Itália, e umha das figuras senlheiras do pensamento de esquerdas daquele país nos anos setenta. O documento intitula-se "Teoria da crise e problema da constituiçom" (publicada em Telos, no inverno de 1975).

As pessoas interessadas podem apontar-se no centro social ao longo desta semana.

A próxima sexta-feira, 6 de novembro, às 21:30h projectaremos no C.S. Mádia leva! o documentário "O efecto Iguazú".

SINOPSE Este documentário mostra a luita de mais de 1500 trabalhadores de Sintel durante os 187 dias (do 29 de Janeiro ao 3 de Agosto de 2001) que estiverom acampados no Passeio da Castelhana em Madrid. Estes operários fôrom expulsados da sua empresa, filial de Telefónica, depois de umha venda fraudulenta.

O Segredario Geral de CCOO saira um pouco mancado da manifestaçom do 1º de maio de 2003. Os trabalhadores de Sintel nom perdoarom a traiçom à sua luita por parte de CCOO e UGT.

Full story »

Passou a noite de defuntos e no Mádia Leva! celebramo-lo. Como nom fai tantos anos, voltamos a fazer nas cabazas rostos sinistros, para logo ir deixando-as polas ruas do casco velho. Cada vez colhe mais folgos a recuperaçom do que na tradiçom céltica a que pertencemos denominam Samaim, festa que marca o passo ao inverno e na que as defuntas e as suas animas visitam de novo o mundo dos vivos.
Como muitas outras tradiçons galegas um par de geraçons a viver no consumismo fôrom suficiente para erradica-las quase por completo. Agora o mesmo consumismo co seu marketing trouxo o Halloween (a versom do samaim que os irlandeses levarom a EUA) mas devem conhecer que aqui já tinhamos a nossa própria tradiçom.

Full story »