Mais um ano Mádia Leva, junto com a Semente Lugo, a Mesa pola normalización Linguística, A Volta do Agro, Cántigas e Frores, O Xeito, Troupelear, Asoc. socio-educativa Antonio Gandoy, Tradescola, organizamos este 22 de dezembro, com a colaboraçom da Concelharia de Cultura de Lugo, a Deputaçom de Lugo, a Biblioteca Municipal e a Biblioteca Nodal a bem-vinda do Apalpador a Lugo.
Ruadas musicais polas ruas do centro começaram sobre às 17h30 rematando na praça Maior sobre às 18h00, onde haverá obradoiros de música e dança tradicional. Já às 19h10 chegará o Apalpador.
Se chove as atividades serám no soto da Praça de Abastos
Agardamos-te.

O dia 12 de dezembro temos umha nova jornada da Liga Nacional de Billarda em Ribadeu. Logo da ressaca de abertos lucenses de novembro voltamos despraçar-nos. Une-te a equipa do centro social.

O dia 11 de dezembro temos umha concentraçom em Lugo dentro das mobilizaçons contra a vaga eólica. Será às 12h00 diante da Xunta na Ronda da Muralha.
Video rolda de imprensa nacional
Mais info Sindicato Labrego Galego
Mais info Novas da Galiza
Mais info Nós Diário

Somamo-nos à campanha solidária com Chema Naia que enfrenta neste mês de dezembro um juízo no que solicitam 4 anos e meio de prisom e 4.000 euros de responsabilidade civil.
Nom imos transigir com discursos mediáticos, atestados policiais e sentencias judiciais encaminhadas a criminalizaçom da protesta social e a atemorizaçom das pessoas que luitam.

Onde imos jogar, um dia houvo umha enorme carvalheira que chamavam a Selva e também os mananciais e regos de Sesulfes. Em 2005 construirom um centro comerial que arrasou todo polo progresso escravo. Mas a história nom acabou, e hoje falam de que vam fazer o pionerio Barrio multiecológico biodinámico de milhons de euros nessa mesma zona. E nós dizemos: jogamos em terra sagrada que nom respeitastes e o som da fraga voltará soar em cada golpe da bilharda. Vinde ao abertinho/magusto/foliada como a mascote do Varal no cartaz, com vontade de subir mesmo ao alto dos prédios para luitar com a força do Kong contra os poderosos!!

O vindeiro sábado 27 de novembro temos umha nova jornada cheia de atividades. Em primeiro lugar organizaremos um mini-aberto de bilharda a celebrar no campo de Sesulfes, nas pistas que estám entre o centro comercial das Termas e o Lidl, que começará às 15h30. A seguir no centro social faremos um magusto e foliada aberta com castanhas e petiscos de balde no nosso local que começará às 19h00.
Para participar no aberto e facilitar a organizaçom inscreve-te em madialeva.gz@gmail.com

A quinta-feira 18 de novembro faremos a tradicional oferenda floral em homenagem à I Assembleia Nacionalista. Será o prelúdio dum fim de semana de reivindicaçom com epicentro na nossa cidade já que também Via Galega e Estreleira.gal organizarám atos os dias 20 e 21.

A Plataforma Via Galega, da que fazemos parte, convida a participar o 20 de novembro num ato público às 11h30 na rua da Rainha de Lugo.

No domingo 21 Estreleira.gal organiza a cadeia humana que pretende rodear a muralha cos nossos símbolos nacionais. A jornada do dia 21 incluirá, como nom pode ser de outro modo, um jantar popular que organizamos desde o centro social.Inscriçom para o jantar nesta ligaçom

Este sábado, 20 de novembro, Estreleira.gal organiza palestra sobre a Galiza estremeira no centro social.

O domingo 14 de novembro jogamos na casa. Organizamos o Aberto de bilharda do Minho, X torneio Cidade de Lugo. Será a terceira jornada da liga na Conferência Norleste.
Se queres participar podes contatar com nós para fazer a inscriçom. madialeva.gz@gmail.com
Adiante co Varal!

O próximo dia 8 de novembro às 20h00 organizamos apresentaçom das aulas de conversa em inglês com a professora nativa Kerry.
Todas as segundas-feiras (luns) de 20 a 21h
20 euros/mês (15 eur sóci@s)
Inscriçons e info em madialeva.gz@gmail.com

O dia 1 de novembro é dia de Defunt@s , ano novo celta ou Samaim. Acostumamos celebrar a passagem ao inverno conhecendo ou revisitando o nosso património ancestral e nesta ocasom iremos até a Ulhoa.
Primeiro pararemos no castro de Castromaior em Portomarim. A segunda parada será em Monterroso onde se celebra a feira de Santos umha mais antigas da Galiza. Por último visitaremos alguns dos petróglifos mais conhecidos de Antas de Ulha na serra do Farelo.
Recomendamos fazer incriçom em madialeva.gz@gmail.com para organizar a viagem em carros. Combinamos às 10h30 no centor social. Cada quem levará a sua comida.