Associa-te

    Palestina livre

    LNB 23/24

    Outro Garañón...

    Apoia-nos

    Audios

    Revista A Malha Nº 2

    Revista A Malha Nº 1

        Busca

      Encontro aberto preparando o 8M

      02-01-20

      O vindeiro sábado dia 11 de janeiro no centro social haverá um encontro aberto para preparar a jornada do 8 de março

      Escrito ?s 20:17:00 nas castegorias: album
      por SCMadiaLeva   , 20 palavras, 86 views     Chuza!
      Imprensa em galego no nosso centro social

      02-01-20

      Nós Diario é umha realidade e desde o 2 de janeiro de 2020 temo-lo no centro social. O Mádia Leva! acordamos apoiar o projeto subcribindo-nos. Une-se ao Novas da Galiza e ao jornal alternativo português O Mapa, projetos dos que fai tempo somos subscritores, como aposta decidida cos meios de comunicaçom independentes e em galego.

      Escrito ?s 17:02:00 nas castegorias: album
      por SCMadiaLeva   , 53 palavras, 94 views     Chuza!
      Já temos programa do Apalpador deste Natal

      18-12-19

      CS Mádia Leva junto com a Semente Lugo, a Mesa pola normalización Linguística, A Volta do Agro, Cántigas e Frores, O Xeito, Troupelear, Asoc. socio-educativa Antonio Gandoy, Tradescola, apresentamos neste mês de dezembro, com a colaboraçom da Concelharia de Cultura de Lugo, a Deputaçom de Lugo, as Librarias Trama e Biblios e a Biblioteca Pública Municipal de Lugo, um projeto de animaçom e socializaçom da figura infantil do Apalpador, para fomentar a participaçom da cidadania na visibilizaçom do gigante do Courel.

      Este projeto tem como objetivo dinamizar as semanas prévias à Bem-vinda do Apalpador com diferentes intervençons dirigidas a convocar a participaçom das famílias na Bem-vinda do Apalpador, na tarde de 21 de dezembro na Praça Maior a partir das 16h30.

      Estas intervençons som espaços dedicados ao Apalpador nas Librarias Trama e Biblos assi como na Biblioteca Pública Municipal de Lugo com recursos didácticos e produçom cultural editada acerca do Gigante Carvoeiro, durante todo o mês de dezembro.
      Nesta ediçom os comércios do centro histórico tamém participarám na promoçom da figura do Apalpador de umha forma muito ativa.

      Haverá muitas surpresas anunciando a saída do Apalpador do Courel e receberemo-lo à sua chegada a Lugo com obradoiros de música e dança tradicional.

      Escrito ?s 11:19:00 nas castegorias: album
      por SCMadiaLeva   , 201 palavras, 233 views     Chuza!
      Nom à emigraçom

      13-12-19

      O sábado 14 de dezembro a plataforma Via Galega da que fazemos parte convoca 43 concentraçons em todo o país dentro dumha campanha contra a emigraçom.
      Concentraçom em Lugo às 12h00 diante do concelho.

      Escrito ?s 20:00:00 nas castegorias: album
      por SCMadiaLeva   , 32 palavras, 147 views     Chuza!
      Aberto de Ribadeu.

      13-12-19

      O domingo dia 15 de dezembro 6ª jornada da liga de bilharda, e última do ano. Desta volta imos para Ribadeu.

      Escrito ?s 19:41:00 nas castegorias: bilharda, album
      por SCMadiaLeva   , 20 palavras, 118 views     Chuza!
      Cineclube: Panteras Negras

      09-12-19

      Esta sexta-feira 13 de dezembro última das projeçons do ciclo NegrX co filme Panteras Negras. Às 21h30 no centro social.
      Depois do filme, e para celebrar este ?fim do ciclo?, após a homenagem a Agnès Varda pincharemos música negra, (soul, R&B...) e em vinilo, para aquecer o corpo e combater o frio invernal luguês.

      Panteras negras

      É o ano 68 e Huey P. Newton, um dos fundadores do partido Panteras Negras, éjulgado polo assassinato dum polícia. Na contorna do Tribunal em Oakland, Califórnia, reúnem-se milhares de militantes do partido, vindos de todos os cantos do país, para pedir a absoluçom do revolucionário negro. Agnès Varda percorre as concentraçons e as manifestaçons entrevistando aos militantes anónimos e às líderes políticas como Kathleen Cleaver, recolhendo as intervençons de oradores do partido como Stokely Carmichael, ou o testemunho do próprio Huey na cadeia. Ao mesmo tempo, a voz em off de Agnès Varda conduze o fio narrativo do documental achegando-nos, em pouco menos de 30 minutos, as possiçons políticas, mas também as raíces culturais e sociais do poder negro, expressada nas cançons, nos gestos, e na estética dos seus militantes, sem esconder em nenhum momento a sua simpatia polo partido dos Panteras Negras.
      Agnès Varda foi umha das percusoras do movimento da Nouvelle Vague francesa, e o seu cinema radical e feminista abriu o caminho para várias geraçons de cineastas. No cineclube Mádia Leva, temos projetado a magnífica ?Sem teito nem lei?, e nom desaproveitaremos a ocassom para programar mais pérolas da sua extensa obra.

      Escrito ?s 20:03:00 nas castegorias: album
      por SCMadiaLeva   , 249 palavras, 177 views     Chuza!
      Apresentaçom do Nº 8 da revista Abordaxe

      04-12-19

      O 14 de dezembro teremos connosco a companheiras anarquistas da revista Abordaxe apresentando o seu numero 8. Falarám da longa trajetória desta revista acompanhado dumha palestra sobre a história da pirataria na Galiza.

      Escrito ?s 18:30:00 nas castegorias: album
      por SCMadiaLeva   , 31 palavras, 144 views     Chuza!
      Ser independentista nom é delito! Comunicado em solidariedade c@s encausad@s nas operaçons Jaro

      02-12-19

      A fiscalia da Audiência Nacional emitiu o seu escrito de acusaçom no marco das operaçons Jaro I e II contra as organizaçons Causa Galiza e Ceivar. Um total de 12 militantes enfrentam-se a umha petiçom fiscal de um total de 102 anos de prisom por desenvolver tarefas políticas e de solidariedade. Umha autêntica barbaridade que nom pode deixar a ninguém indiferente.

      O Estado espanhol volve mostrar a sua natureza antidemocrática. Fala-se já explícitamente de ilegalizar as formaçons que defendem o direito de autodeterminaçom e a independência, de ilegalizar organizaçons conhecidas polo seu trabalho público, e com caras reconhecidas por todas.
      Falam de democracia e nom o é. O estado está em crise e resposta como sempre fai, reprimindo toda dissidência. Nom podemos tolerar a ilegalizaçom do independentismo galego.Hoje som Causa Galiza e Ceivar ,e amanhá?

      Enfrentamos o que é a todas luzes um salto qualitativo na repressom que afeta em primeira instância o independentismo, mas aspira alcançar sectores sociais e políticos mais amplos do que aquele.
      Temos que somar todas as solidariedades e fazer frente unidas contra a repressom espanhola. Estaremos atent@s as convocatórias solidárias que se vaiam anunciando.
      Todo o nosso apoio às pessoas encausadas.
      Ser independentista nom é delito!

      Escrito ?s 13:57:00 nas castegorias: album
      por SCMadiaLeva   , 199 palavras, 231 views     Chuza!
      Magusto-foliada-vermú

      29-11-19

      O vindouro domingo dia 1 de dezembro magusto-foliada-vermú a partir das 12h00 no centro social

      Escrito ?s 16:50:00 nas castegorias: album
      por SCMadiaLeva   , 14 palavras, 128 views     Chuza!
      Cineclube: Fai a cousa certa

      19-11-19

      Esta sexta-feira dia 22 de novembro às 21h30 projetamos o segundo dos filmes do ciclo NegrX
      Fai a cousa certa
      Um filme de Spike Lee

      É o dia mais caluroso do verao em Brooklyn, o sol abrasa o pavimento desgastado do bairro e fai ferver o sangue e os ánimos dos seus moradores; a maioria dos quais pertencem a comunidade negra, que convive no bairro com a comunidade latina, asiática e umha minoria branca.
      Mookie é um negro de Brooklyn que trabalha de repartidor na Pizzaria de Sal, um ítalo-americano que trata com condescendência e paternalismo a sua clientela, negros e negras do bairro. Sal tem dous filhos, um deles simpatiza com Mookie mas o irmao maior, consumido polo racismo, odeia a morte a Mookie. A pizzeria de Sal convertirá-se no centro onde irá convergir toda a raiva contida, todo o ódio acumulado nas vidas maltratadas e humilhadas dos habitantes do bairro. O calor desata as baixas paixons dos moradores de Brooklyn, mas é a intervençom policial como agente da autoridade o detonante da revolta, aquilo que finalmente explica de onde procede todo esse ódio, toda essa raiva.
      Do The Right Thing converteu-se no primeiro filme rodado por um negro em conseguir um êxito massivo, tornando-se referencial para a juventude contestatária de meio mundo, que rapidamente se sentiu identificada com o microcosmos de Brooklyn. Se Charles Burnett, autor do outro filme que projetamos no ciclo, rechaçava todas as convençons para situar-se nas margens do cinema comercial, Spike Lee emprega todos os recursos ao seu alcance para impactar no espetador: a apropriaçom dumha estética pop e colorida, o humor autorreferencial através de clichés associados à comunidade afro americana, umha voz narradora (o dj dumha rádio local que fai de apresentador e de guia ao espetador e que coloca música negra para potenciar o significado das imagens), as referência cinéfilas como os dedos dumha mao compondo a palavra "ódio" na mao direita e "amor" na outra (prestada da "Noite do Caçador" de Charles Laughton), o parêntese no desenvolvimento da trama para que as personagens se dirijam a câmara em primeiro plano pronunciando insultos racistas e xenófobos...
      Mas todos os truques funcionam para fazer explodir a normalidade e a complacência que a sociedade tem assumido frente ao racismo que a devora; a violência policial que desencadeia a revolta nom é outra cousa que a manifestaçom institucional deste racismo. 30 anos depois, e a olhos do presente o filme continua plenamente vigente.
      O filme finalmente, é a denúncia enérgica, explosiva, (como o baile de Rossie Perez ao ritmo selvagem da música de Public Enemy que abre o filme), dumha situaçom opressiva; mas Spike Lee deixa que seja a consciência do espetador quem procure umha resposta: do the right thing, fai a cousa certa.

      Escrito ?s 14:01:00 nas castegorias: album
      por SCMadiaLeva   , 457 palavras, 192 views     Chuza!

      << 1 ... 21 22 23 24 25 26 27 28 29 30 31 ... 141 >>

        madialeva.gz@gmail.com
        Rua Serra de Ancares 18
        Horário
        De segundas-feiras (luns) a sextas-feiras (venres) de 19h30 a 22h30
        CIF:G-27360825
          powered by b2evolution free blog software