As mulheres do Mádia Leva! queremos reivindicar as NOSSAS , aquelas mulheres que som referentes por múltiplas razons. Por suposto pola sua luita feminista mas também por dedicar as suas vidas a combater todas as opressons que sofrerom. Mulheres com as que conjurar-nos política e emocionalmente com o seu exemplo muitas vezes silenciado ou esquecido.

Luz Fandiño . (1931-2024) é a primeira das mulheres que reivindicamos dentro desta campanha ORGULHOSAS DAS NOSSAS. Esta mulher compostelana é exemplo de luita e compromisso.

Filha de mae solteira republicana e revolucionária na pós-guerra, tivo que luitar contra a miséria e emigrar fora da sua terra, mas isso nom minguou a sua fame de saber. No 1952, com 20 anos, vai para Argentina e anos mais tarde, em 1964, para Paris. Foi na Argentina onde entra em contacto com círculos galeguistas herdeiros da Sociedade Nazonalista Pondal e do grupo de exilados agrupados por volta do Conselho da Galiza; lá conheceu Galiza através da biblioteca do Centro Galego. Descobre a Cabanillas, Rosalia, Castelao e começa a escrever em galego. Voltará a sua Compostela natal em 1979 já com umha firme consciência identitária,linguística e de género.

Mulher nacionalista de coraçom, foi militante do nacionalismo popular nos anos da chamada transiçom. Solidária sempre com as presas e presos independentistas. Participou tamém ativamente nos movimentos sociais da capital galega ao longo da sua vida. Incansável na sua participaçom em atos, mobilizaçons e reinvindicaçons populares de todo tipo.

É reconhecido o seu destacado labor como escritora, especialmente no ámbito da poesía. A sua criaçom literaria destaca pola sua funda pegada social já que ela mesma se definia como a poeta analfabeta, pola sua condiçom proletária e como escritora autodidata. Colaborou em diferentes publicaçons galegas, nos coletivos culturais Redes Escarlata, Mulheres Transgredindo , Mar de Tinta, no programa Diario Cultural de Radio Galega, entre outras.

"Eu sei onde estou e nom renuncio ao independentismo, nem à naçom galega nem aos principios comunistas: Nom lim o Capital nem o Manifesto, mas a minha vida é realmente a dos povos oprimidos e a vida fijo-me comunista"

A sua trajetória foi objeto dum documentário intitulado "A poeta analfabeta", dirigido por Sonia Méndez e estreado em 2020. Desde 2022 inspira a organizaçom dum certame literário na sua honra, 'Luz poética'. No ano 2023, recebeu na modalidade "Trajetória", o Prémio "Begoña Caamaño" pola igualdade de género, concedido pola Deputaçom da Corunha.

Até os seus últimos dias continuou apoiando as manifestaçons populares mantendo sempre umha energia e otimismo de admirar. Mantinha umha confiança absoluta nos jovens sem duvidar que as futuras geraçons iram libertar o nosso povo.

"Tenho absoluta confiança na juventude. Temos uns moços e moças que estám a trabalhar muito bem. A minha visom é sempre otimista. Tenho muita fé na juventude e sei que ela fará da Galiza um país livre. Serám elas e eles as que verám um país libertado"

Luz Fandiño, corajosa.
Luz Fandiño, luminosa.
Luz Fandiño, generosa.
E nós, ORGULHOSAS!

O dia 26 de maio em Compostela celebrará-se a final da Liga Nacional de Billarda.
Logo de dar por rematada a tempada 23/24 com o clássico aberto de Remourelhe, chega agora o Gran Aberto Nacional da LNB. O máximo orgulho de qualquer palanadora é ganhar esta final e vestir a coroça nacional.
A nossa equipa vem de conseguir meter-se por vez primeira no podium por equipas da nossa conferência ficando terceiras, conseguindo também o primeiro e segundo posto na categoria Infantil. Vimos de pelejar também polo prémio de varados e de conquistar o nosso primeiro aberto em Muimenta. Aqui pode-se ver a classificaçom definitiva da liga
Toca logo irmos a Compostela com toda a ilusom e como nom desfrutar mais um ano da grande festa da bilharda com toda a tribo do Varal.
Bilharda sempre!

O dia 19 de maio

O dia 15 de maio

Editamos novo autocolante contra a celulosa de Altri.

O dia 26 de maio chamamos a participar na manifestaçom contra este projeto convocada pola Plataforma Ulloa Viva em Palas de Rei.

O dia 2 de maio às 20:30.

O dia 4 de maio
Organizamos junto ao Sindicato Labrego Galego e Ardora esta Jornada de Agro Cultura sustentável (e em galego)

-Às 12h terá lugar a palestra Quando comer, também, é um ato político, onde participarám Estefanía Jacinto e María Osorio, canda Amanda López e Marcos Besada.

Logo haverá sessom vermú ( com DJs Extra-parlamentares) e jantar agroecológico (é preciso anotar-se em madialeva.gz@gmail.com ou no 664207010).

-Pola tarde continuará a jornada coa Mesa Redonda sobre Criaçom e Produçom cultural, na que intervirám Irene Pin, Sergio Marey, Bastiana, Fiz e Miguel.

Durante toda a jornada haverá feira com Bastiana Editora e Ardora (s)ediçons anarquistas.

👉🏻Anunciamos nova atividade polo 50⁰ Aniversário da Revolução dos Cravos.

📌A sexta-feira, dia 3 de maio às 20:00.

Apresentaçom do livro

🇵🇹 "A Revolução dos cravos pretos. Ensaio histórico no 50⁰ aniversário do 25 de abril de 1974" com a presença dos seus autores Xoán Fco. López e Rafael Aguirrebengoa.

🌹✊🏻25 de abril sempre!

👉🏻O dia 20 de abril às 20:00 no centro social.

Conversa com Iñaki Gil San Vicente. Nom perder!

O histórico militante comunista e independentista basco estará no nosso centro social nesta visita à Galiza. Irá oferecer uma série de palestras nas que, desde uma perspetiva crítica e comprometida, aprofundará no contexto política atual, apresentando-nos um panorama de desafios e oportunidades por trás de todas essas dinâmicas políticas que moldam a nossa realidade.

Com a experiência de anos de militância comunista e independentista no País Basco, assim como uma vocação internacionalista arraigada, mergulharemos nas águas turbulentas da atualidade política. Analisaremos como se delineiam os caminhos para a emancipação e à justiça social, tanto no contexto do estado espanhol como no âmbito global.

O marxismo, como ferramenta de análise e praxe revolucionária, servi-los-ão de guia nesta viagem de reflexão e ação. Exploraremos a sua relevância na compreensão das estruturas de poder e na busca de alternativas transformadoras.

Alén disso, prestaremos atenção especial a localização da militância galega no complexo palco geopolítico atual. Desde a defesa da identidade cultural hasta a luta pela autodeterminação, examinaremos todos os desafios e estratégias dos movimentos políticos na Galiza.

Une-te a esta conversação sobre o presente e o futuro da militância política galega e mais alá. Todos podemos construir um mundo mais justo, solidário e livre. Esperamos-te!

:!:👉🏻 O dia19 de abril às 20:00.
Projeçom e mesa redonda.

A Rede de Escolas Semente apresenta no nosso Centro Social o documentário " Aprender na língua própria.Das Escolas de Ensino Galego à Semente"