Seguindo as instruçons das trabalhadoras da sanidade pública e num exercício de responsabilidade coletiva, decidimos manter o Centro Social fechado e adiar as atividades programadas até novo aviso.

Priorizemos as nossas vidas e as das nossas vizinhas com cuidados e responsabilidade

A exposiçom de Ceivar estará em Lugo no centro social desde o 10 até o 24 de março . O 20 de Março às 20h30 horas haverá a apresentaçom do livro

A sexta-feira 20 de março às 21h00 acolheremos no CS umha ceia e foliada solidárias enmarcada na campanha de solidariedade com as encausadas na Operaçom Jaro.

Às 20h30 companheiras de Ceivar apresentarám o livro e a exposiçom A nossa solidariedade é imparável 17 anos dando-lhe à cisalha.

Este sábado dia 7 de março às 15h30 desputamos mais umha jornada da Liga de Bilharda. Será o Aberto de Mondonhedo.

Este sábado 29 de fevereiro imos restaurar o mural de Manuel María que foi borrado antes do Sam Froilam. Ao rematar foliada e sessom vermute no centro social.

Em abril figemos um mural em homenagem aos Mártires de Carral. A imagem de Manuel María que escreveu Abril de Lume e Ferro, umha obra dedicada à Revoluçom de 1846, acompanhava a um dos seus poemas e a bandeira da Pátria. Este mural aos poucos dias cobrou um protagonismo inesperado polas críticas do concelheiro do PP Ameijide pedindo a sua retirada imediata.
O concelho daquela nom cedeu às críticas, entre outras cousas porque contavamos co seu permisso para realiza-lo. Assim chegamos a outubro, quando diante da nossa surpresa o mural aparece borrado com pintura branca justo antes do Sam Froilam. Sabemos que fôrom os serviços municipais que andiverom borrando pintadas nesses dias e imaginamos que considerarom que nessa categoria entrava também o mural. Nom é a primeira vez que os serviços de limpeza eliminam seletivamente propaganda política, tendo especial predileçom pola independentista e por aquela que lhe molesta ao concelho.
Se o tempo o permite este sábado voltará luzir.

O domingo dia 23 de fevereiro organizamos em colaboraçom com Adega-Lugo um roteiro que demos em chamar Mádia Leva 12 anos na história de Lugo . Esta atividade fai parte dum ciclo de roteiros chamado Tecendo Redes através dos quais diversas entidades, coletivos e plataformas mostram as suas reivindicaçons. À petiçom da organizaçom ecológista faremos este percorrido polos lugares da cidade que estám vinculados com o centro social e coas da luitas populares em defesa da Terra nas que dum ou outro jeito temos participado neste mais de 12 anos de andaina.
Info completa do roteiro aqui

Para participar é necessária inscriçom prévia antes da quinta-feira dia 20 de fevereiro.

Este sábado dia 15 de fevereiro às 15h30 desputamos mais umha jornada da Liga de Bilharda. Será o Aberto de Riotorto.

Este domingo dia 2 de fevereiro às 15h30 desputamos mais umha jornada da Liga de Bilharda. O Aberto de Meira leva desde fai três ediçons o nome dum dos seus impulsores: o Xosé da Flor. Ele deixou-nos em 2017 mas o seu nome sempre estará presente na tribo LNB.