Acudiremos mais um ano ao Pedregal de Irimia.

Mais um ano estaremos no festival de Pardinhas os dias 4, 5 e 6 de agosto. Vivam as festas galegas e populares!

O vindeiro dia 15 de julho voltaremos a Pastoriza para fazer o tradicional jantar prévio ao Dia da Pátria Galega. Será no mesmo lugar dos últimos anos coincidindo co festival da Chaira.
Este ano será um jantar comunitário. Cadaquem levará a sua comida e depois partilharemos. É preciso confirmar para organizar as viagens e os preparativos em madialeva.gz@gmail.com ou 627232479.

Chegamos ao número 26 revista do centro social correspondente ao trimestre de verao 2017 e na que podes atopar as últimas novas sobre as nossas atividades, comunicados, artigos e demais material relacionado co trabalho que desenvolvemos.

O dia 25 de junho ministrado por Ricardo Casás.

O vindeiro domingo ,dia 2 de julho de 20h30 a 22h obradoiro de instalaçom dum servidor web na rede Tor. Preço 5 euros. Inscriçom prévia em madialeva.gz@gmail.com
As interessadas devem traer ordenador próprio. Se nom o tenhem que o indiquem no momento da inscriçom para procurar-lhes um.

Os Centros Sociais galegos em Solidariedade com o CSOA Escárnio e Maldizer e contra a repressom policial

Os coletivos abaixo-assinados, integrantes do movimento popular galego e empenhados na construçom de espaços para a cultura contra-hegemónica e ao serviço do povo galego, declaramos:

1. A nossa solidariedade incondicional com o CSOA Escárnio e Maldizer, centro social ocupado com o qual trabalhamos em diversas iniciativas conjuntas, mostrando-se sempre como um coletivo comprometido com a construçom de alternativas ao embrutecimento e mercantilizaçom cultural dominantes.

2. O nosso apoio a um coletivo que foi vítima das forças repressivas por recuperar um espaço privado abandonado polos proprietários e que foi reconvertido num bem público. A defesa de tam elementar direito custou nom só um despejo violento do edifício, mas também ferimentos a várias pessoas e a detençom e acusaçom arbitrária de um vizinho.

3. A nossa condena à política de perseguiçom policial e mediática contra iniciativas nom controladas pola institucionalidade burguesa. A burda criminalizaçom e desprestígio induzidos polos principais meios de comunicaçom privados e mesmo públicos contra o CSOA Escárnio e Maldizer confirmam a necessidade permanente de auto-organizaçom popular em cada ámbito de luita social e de construçom nacional.

4. O nosso compromisso no fortalecimento e na criaçom de espaços que permitam avançar na galeguizaçom e desmercantilizaçom da nossa cultura, em coordenaçom permanente com outras entidades comprometidas com idênticos objetivos nos mais diversos ámbitos: laboral, político, feminista, comunicativo, ambiental, etc.

5. Apelamos ao movimento popular galego à unidade e à autodefesa, construindo novas ferramentas ao serviço dos interesses do nosso povo, combatendo a manipulaçom informativa e a repressom judicial-policial.

Galiza, 1 de junho de 2017

Ateneo Libertário A Engranaxe (Lugo)
Centro Social A Comuna (Corunha)
Centro Social A Galleira (Ourense)
Centro Social A Gentalha do Pichel (Compostela)
Centro Social A Revolta (Vigo)
Centro Social Fuscalho (A Guarda)
Centro Social Gomes Gaioso (Corunha)
Centro Social Madia Leva (Lugo)
Centro Social O Fresco (Ponte Areias)
Centro Social Xebra (Burela)
Centro Social Autoxestionado do Sar (Compostela)
Centro Social Ocupado A Insumisa (Corunha)
Coletivo Terra (Pontedeume)
Fundaçom Artábria (Ferrol)
Local Social Faisca (Vigo)

Celebraremos o mês das nossas letras cumha foliada aberta a sexta-feira ,dia 26 de maio, a partir das 21h00. Anima-te a vir tocar, dançar ou tomar-lhe umha. Haverá petiscos.