X Aniversário. Dez anos de independência.
Um ano depois de termos criado o Mádia Leva!, publicavamos umha editorial na nossa primeira revista co título "Quem dixo que nom merecia a pena?" Nesse artigo enumeravamos as muitas atividades que tinhamos feito em só um aninho. Hoje , com dez anos às costas, o relatório cronológico ocuparia umhas quantas páginas.
Dez anos de independência, porque erguemos neste tempo a bandeira da Galiza ceive que sonhamos. Também pola nossa capacidade para fazer o que queriamos por nós mesmas sem o apoio de qualquer instituiçom e co silenciamento dos médios locais. Nom envejamos esse funcionamento, acreditamos na autogestom. Graças a ela vivemos muitas boas experiências boas como montar o nosso posto no festival de Pardinhas todos estes anos. O que começou como um jeito de financiamento logo se convertiu num ponto de encontro da nossa gente.
Também trabalhamos por impulsionar a organizaçom do povo, intervir naqueles conflitos locais que entendemos afetam a todas, porque a nossa aposta é cultural mas também política.
Muitos esforços dedicamo-los a abrir e manter o centro social, primeiro na rua Amor Meilam que nos levou um verao intenso de trabalhos para inaugurar em setembro de 2007. Estivemos nele até janeiro de 2012. No mês seguinte, o 14 de fevereiro inauguramos o atual local na rua Serra de Ancares. Dez anos nos que mantivemos aberto um espaço de construçom nacional coas nossas maos e o nosso trabalho e luita militantes. Um espaço que também serviu ao movimento associativo comarcal.
Defendemos a nossa língua e luitamos por umha Galiza na que poidamos viver no nosso idioma. Para isso esta o nosso espaço servindo a normalizaçom do galego. Reconhecemos os nossos vínculos coa lusofonia e empregamos o galego reintegrado recolhendo o legado doutros coletivos locais reintegracionistas como Alto Minho e doutros centros sociais da Galiza.
Mas o nosso espaço sempre foi a rua, apoiando os conflitos em defesa da Terra que se derom nesta comarca como o das obras no Parque Rosalia, a luita contra a megaminaria ou o mais recente do dique no rio Minho. Somos um coletivo feminista, combatemos atitudes machistas tanto fora como dentro do coletivo. Somos também um espaço de reflexom, criando o grupo de estudos para melhorar a nossa formaçom.
Somos positivos e optimistas embora aos embates soubemos seguir em pé. Em dez anos conhecimos gente boa e aprendimos o verdadeiro valor da solidariedade. Temos a Antom e Maria na cadeia dispersados desde 2011, muitas companheiras do nosso coletivo sofrerom repressom polo seu compromisso co país, isso marcou-nos mas nunca nos escondimos.
Continuamos dez anos depois criando coletivamente umha realidade alternativa. Para nós o centro social é um lugar para produzir encontros emocionais, de cara a cara, um lugar que nos compromete, no que sementamos a irmandade. Contruimos um pequeno contra-poder, umha escola para aprender juntas práticas de resistência frente ao deserto que significam Espanha e o capitalismo.
Seguiremos fazendo por nós mesmas

Dias 18 e 19 de março.Curso intensivo de galego ministrado por Eduardo Maragoto, presidente de AGAL e mestre de português na Escola Oficial de Idiomas de Compostela.Preço 18 sócias e 20 nom sócias. Inscriçom prévia madialeva.gz@gmail.com

A próxima sexta-feira,dia 10 de março às 9h30 , terám que apresentar-se nos julgados nove ativistas da Plataforma Lugo Cara o Miño. De novo a nossa solidariedade estará presente.

O dia 10 de março o Teatro do Pichel apresenta a obra Agorafobia - Parálise sobre o medo
Na sua quarta montagem o Teatro do Pichel, aborda um texto da dramaturga contemporanea Clara Gayo. Umha inmolaçom dos pânicos de nove pessoas autoexiladas num piso de espaços pouco definidos. Umha exposiçom do medo como fronteira onde nada se move, nem mesmo o péndulo do relógio. Malia todo as exiladas seguem caminhando por riba de vidros, brasas, ou ruínas. Um caminho impossível cara dentro, na espera de encontrar muros protectores e acomodar-se na parálise.

Sexta 10 de março às 21h no nosso centro social.Rua Serras de Ancares 18, Lugo.
Entradas 3 euros para associadas. 4 para nom associadas.
Informaçom e reservas 636525497.

Após umha primeira convocatória em 5 de outubro do ano passado , o juízo às 12 acusadas era suspenso até o vindouro 13 de março, quando se presume que vam ser julgadas estas 12 pessoas por okupar, em novembro de 2011, este espaço emblemático da cidade de Compostela para uso cultural e desfrute de toda a cidadania; umha okupa pola que se passaram centos de pessoas durante os poucos dias em que estivo de portas abertas com um feixe de atividades para todos os públicos e umha gestom autogerida em assembleias numerosas e moi participativas, e isso depois de realizar umha limpeza e posta a ponto desse local. Hoje continua fechado.
O 4 de março conheceremos mais sobre a campanha solidária que se está desenvolvendo contra a criminalizaçom do ativismo social e cultural: somos nós mas poderiades ser vós?
#eutamenestivennasalaiago

Mais informaçom aqui

O dia 3 de fevereiro nova concentraçom solidária

Esta sexta-feira às 21h30 haverá umha ceia no centro social para apoiar à organizaçom da XI Marcha às Cadeias que organiza a Plataforma Que Voltem Para Casa o sábado 4 de fevereiro. Custa 5 euros e podedes avisar-nos polo mail madialeva.gz@gmail.com para confirmar.

O dia 20 de janeiro se tocam umha, tocam-nos a todas

O dia 10 de janeiro na EOI às 20h30 animamos-vos a participar.

O dia 29 de dezembro vem o Apalpador sairá do nosso centro social às 18h00