O número 2 da Malha já está disponível.

O domingo dia 26 de junho participamos em Ourense no I Desfile pola República Galega organizado por Estreleira. A iniciativa levou a mais dum centro de pessoas que percorrerom o casco velho da cidade portando , quatro bandeirons gigantes ,os brasons comarcais e bandeiras de organizaçons patrióticas históricas.

Este é o brasom comarcal que elaborarom para Lugo.

Neste caso, com o assessoramento do especialista em heráldica Héitor Picallo, e a plasmaçom da desenhadora @pelenukkk, acometerom umha das revisons mais atrevidas da nossa simbologia tradicional. Estas som as razons da escolha:

O cáliz e a hóstia falam-nos do privilégio papal concedido à catedral de Lugo para expor, desde o século XV, e de jeito permanente, o santo sacramento, ao que as sete capitais do Antigo Reino rendiam homenagem cada ano.Este cáliz está presente nas armas da Galiza e da cidade de Lugo, e alude, além disso, à lenda do Milagre do Cebreiro, que escritores modernos como Cabanilhas ligárom com os mitos celtas e artúricos.

Estám também presentes o dragom verde e o leom vermelho que, segundo crónica de 1669, constituíam o pendom do reino suevo, e que o independentismo moderno recuperou como emblema.Nos lindes da antiga Gallaecia, também a cidade portuguesa de Coimbra apresenta um emblema municipal com dragom e leom suevos.

A comarca de Lugo, encabeçada pola cidade mais antiga do País, tinha que ter um emblema abertamente ligado com o Reino da Galiza.

A tempada regular 2021-2022 rematou em Remourelhe e no aberto de Riotorto deixando um bo sabor de boca para todas. Retomavamos algo muito anelado logo de dous anos de suspensom: colher o palám e a bilharda de novo.

Aliás a nossa equipa renasceu justo no 2019, logo de vários anos sem participar, juntando um bo feixe de gente. Mas essa tempada truncou-se e ficava a incógnita de que ia deparar este 2021 logo da pandemia.

A verdade é que nom puido ser milhor, e nada mais começar o curso, tivemos novas incorporaçons. Chegamos às 20 palanadoras e palanadores. 9 mulheres e 12 homens , das quais 5 som crianças.

Também é destacável o compromisso amostrado durante a liga com umha boa média de participaçom em cada aberto, com muitos deslocamentos.

Outra novidade foi que tivemos treinamentos umha vez por semana. Variamos diferentes lugares de Lugo, sempre tratando de ser visíveis , como em Sesulfes ( a carom do Lidl) , no polígono das Gandaras ou em Montirom. Ou memso fora de Lugo em Robra (Outeiro de Rei)

Por último destacar a nossa linha gráfica e audiovisual que deixou uns quantos cartazes e videos para o recordo. Continuamos o bo trabalho que começou com o desenho do escudo que levamos na equipaçom.

Por suposto a nossa equipa mantém a mensagem antifascista por exemplo com o prémio do palám feito polo Rato Fumador para o abertinho do Magusto.

Continuaremos coa bilharda no verao, festival da Chaira, Pardinhas, Begonte. E por suposto também nos treinos em Lugo.

Isto nom para. Bilharda sempre, adiante co Varal!

A revista Nº 44 correspondente do terceiro trimestre de 2022 já disponível no centro social.

Logo de dous anos sem poder fazer a fogueira este ano voltamos organizar o lume novo dentro da Rede Asociativa. Haverá empada vegana, chouriços, sardinhada a preços populares e queimada de balde.
Contaremos coa foliada da mao de Son de Lugh sobre às 22h.
A ubicaçom é a mesma que em anos anteriores no Passeio dos Estudantes a carom da Escola de Idiomas.

O sábado dia 18 às 20h00 o Comité Galego de Apoio ao Donbass organiza umha palestra sob a legenda "OTAN: Todo polos interesses dos EE.UU.Contaremos com a presença do ativista e ex-eurodiputado Javier Couso .

O 18 de junho os grupos de pandeireta e baile do centro social participam na foliada de Orbazai.

O 3 de junho organizamos esta palestra sobre a guerra em Ucránia na que participará Alberto Cruz.

Ele é colaborador do blogue do Frente Antiimperialista Internacionalista (FAI). Investigador do Centro de Estudios Políticos para las Relaciones Internacionales y el Desarrollo (CEPRID). Jornalista, politólogo e escritor. Autor de vários livros, innumeráveis artigos e ensaios, a maioria dos quais podem ler-se em diferentes meios de comunicaçom alternativos, é um grande conhecedor da situaçom da Ásia. Escreveu "La violencia política en la India" e "Las brujas de la noche", entre outros livros.