O sábado 21 de fevereiro às 20h00 como parte do roteiro por Galiza a escritora feminista Itziar Ziga estará no centro social Mádia Leva! apresentando o seu último trabalho: 'Malditas: umha estirpe transfeminista'.

Un livro de vidas escrito para negar essa história única do feminismo na que as mulheres mais oprimidas tenhem um papel secundário e passivo. Mulheres pretas, anarquistas, transexuais, lesbianas e pobres de todos os tempos consagrarom a sua vida a umha luita feminista radical que nom só combatesse a opressom de género senom todas as opressons que atravessarom as suas vidas. Valerie Solanas, Sojourner Truth, Sylvia Rivera, Louse Michel, Anne Sprinkle, Olympe de Gouges, Kathleen Hanna e Laura Bugalho pertencem a umha estirpe bastarda, dispersa e guerreira que Itziar Ziga quere agrupar, analisar e conjurar para produzir umha genealogia política e emocional que empodere às atuais guerreiras e malditas.

Despedimos onte entruido cumha gostosa foliada no local, demostrando as boas maneiras do pessoal que participa nos nossos cursos e aqui deixamos também algumhas imagens do nosso passo por Santiago de Arriba para desfrutar como picaros e picaras do entruido ribeirao. Desde aquí vaia o nosso agradecimento pola boa acolhida que nos derom.

Combina-se o dia 17 às 12h00 no centro social para sair em carros até Santiago de Arriba em Chantada. Prega-se confirmar antes do dia 14 para organizarmos os carros e para confirmar o jantar. Também cumpre avisar do número de crianças porque haverá um presente pra elas.

Por culpa da nevarada a charla de hoje vai-se suspender até novo aviso, já que o companheiro Xose Manuel Seixas nom vai poder achegar-se hoje.

Publicamos o comunicado em apoio a manifestaçom da Plataforma Queremos Galego do próximo 8 de fevereiro.

O dia 8 de fevereiro sairemos mais umha vez em manifestaçom em Compostela na defesa do galego; ?POLAS FILHAS DOS NOSSOS FILHOS?.

Resulta polo menos paradoxal ter que sair à rua na defesa do nosso idioma na nossa Terra.

Nom se pode consentir que o governo galego, o PP porque é quem governa agora, mas também o PSOE polos concelhos onde governa, nom tenham umha postura firme e a favor da língua galega.

É inaceitável que a RAG (Real Academia Galega), que deveria ser a máxima valedora da nossa língua, seja tam excessivamente prudente, por usar palavras amáveis, e admitir com derrotismo o final dramático, segundo palavras do seu Presidente, e irremediável do nosso idioma.

É umha burla que a Fundación Camilo José Cela, resgatada com fundos públicos da sua má administraçom, convoque um concurso literário para obras em espanhol.

É injusto e colonizador o Decreto polo que se reduce ou elimina o tempo de ensino em galego nas nossas aulas.

Curiosa coincidência com aquele outro 8 F do 2009, no que a organizaçom galegófoba Galicia Bilingüe convocou umha manifestaçom em Compostela em defesa do espanhol co apoio do PP, UPD e Falange Española. Depois daquela manifestaçom a justiça espanhola desatou umha caça de bruxas contra cidadaos e cidadás da Galiza por contramanifestar-se. O ano passado depois de vários adiamentos, celebrou-se o juízo político contra 12 pessoas para as que se pediam 45 anos e mais as penas económicas. A sentença reduziu essa petiçom a 11 anos para 6 pessoas, pena totalmente injusta e desproporcionada, por defenderem o uso do galego na Galiza. Diante disto só nos fica berrar ?DEFENDER A LÍNGUA NOM É DELITO!!?.

O nosso país, Galiza, está afeito a sofrer agressons, na sua soberania, na sua economia, na sua industria, na sua pesca, na sua gadaria, nas suas aldeas e paróquias, no seu jeito de viver e de sentir, na sua cultura, no seu idioma.

Temos duas opçons, ou ficamos sentadas esperando a nossa fim como povo ou nos erguemos e colhemos o testemunho de todas as geraçons anteriores que luitarom para deixar-nos esta herdança que nom podemos nem devemos estragar; é a nossa obriga deixa-la e milhora-la às nossas filhas e aos seus filhos.

Este ano temos as seguintes actividades para celebrar o entruido.
-A vindeira quinta-feira 5 de fevereiro às 20h30 organizamos umha palestra sobre o entruido tradicional na Galiza na que falará Xosé Manuel Seixas.Achegaremo-nos deste jeito aos entruidos mais populares do pais, as suas máscaras principais ,etc. Também servirá para conhecer o entruido que visitaremos na seguinte actividade programada.
-A terça-feira de entruido, 17 de fevereiro, organizaremos umha visita ao tradicional Entroido Ribeirao em Santiago de Arriba (Chantada).Cumpre anotar-se para organizar a viagem.

Este vindeiro sábado haverá mais umha ediçom da Marcha às Cadeias que organiza a plataforma Que Voltem para Casa. O itinerário da coluna Norte que fará parada em Lugo às 02h00 diante do edifício da Xunta na Ronda da Muralha. Esta coluna irá ao Centro Penitenciário de Dueñas, Palencia, onde está Antom Santos. Finalmente, as três colunas juntarám-se no Centro Penitenciário de Mansilla de las Mulas, León, onde se atopam Raúl Agulheiro e Maria Osório.
Participa ficam poucas praças.
2015: Rematar com a dispersom, traze-las para a casa.

O curso de baile tradicional aumentará horários a partir de fevereiro. Será todas as segundas-feiras (a partir do dia 2) de 20h00 a 20h45 por 15 euros ao mês. As aulas que se venhem dando as quartas-feiras também se manterám co mesmo horário.

Despedimos o 2014 fazendo mais umha ceia solidária coincidindo coa concentraçom mensal em apoio as reivindicaçons d@s pres@s independentistas a sexta-feira 26 de dezembro.A ceia dará começo às 21h30 depois da concentraçom às 20h30 na praça Maior. Custa 6 euros.