Deixamos algumha foto do Sam Froilam associativo deste ano celebrado o sábado 5 de outubro.

Pregom para o São Froilam Associativo 2013.

Vimos hoje a Lugo pregoar o São Froilam.
São Froilam Associativo que a toda a gente vai assombrar.
Tereis convosco ao povo unido
que quere trabalhar
por um mundo mais justo mais igual e mais cabal.
Somo as Associações do Lugo mais popular
Oferecemos a toda a cidadania
Vir conosco participar.

Trazemos a Lugo conosco
Jogos populares para as crianças
E gente grande animada.
Interessada
Na Cultura do País.
Nas praças e nos campos iremos juntos brincar.

Comercio Justo que vende produtos sãos
Elaborados nas condições de justiça e equidade.
Na Cova da Terra os podereis atopar.
As moças e moços do 15 M
Vão nos ajudar.

Vêm os Ecologistas de ADEGA para mostrar
Como podemos na Terra ao seu favor trabalhar.
Ela , a ?provinha? TAM maltratada e desprezada
Que precisa duma ajuda para andar de cabeça levantada.
Os rios estão sujos e os limpamos,
O Lixo queremos eliminar.

Hoje estamos com muito medo
Porque aló, pola serras e os vales
Pedreiras de morte,
De mega mineiria abertas ao ar,
a Terra querem matar.
Mas vamos cuidar do Planeta
Para que os nossos montes nada os faça queimar.

Aos despejos injustos
Que deixam na rua o pessoal
Sem casa nem abrigo
Vamos tratar de evitar.
Todos juntos
Bem unidos vamos por isso,
com todas as nossas forças, lutar.

Não esquecemos a cooperação generosa de ultramar
com os de AXUNICA que lá querem trabalhar.
Queremos uma renda básica que a todos de ?dignida?,
Queremos um mundo mais justo mais alegre e divertido
Em que a gente boa possa participar.

Numa roda viva bem grande
Que deixe a muralha coberta
De amizade e solidariedade.
Lugo vai ser mais associativo,
Madia Leva!
Neste nosso São Froilam .

O dia 8 iremos de foliada por Lugo saindo às 20h00 do centro social. Une-te a nós.

O vindeiro dia 5 e para dar começo as festas voltará a feira de associaçons de Lugo. Mádia Leva! participará junto com outros colectivos e associaçons durante todo o dia na praça de Santo Domingo. Haverá exposiçons, representaçons teatrais, a paródia "Marca España", jogos populares coa colaboraçom de Xostramu e mercadinho de troco.
Nom faltedes!

O 12 de outubro organizamos polvada. Celebramos o nosso indigenismo resistente o dia que rematam as festas de Sam Froilam cum bo jantar a base de polvo à feira, cachelos, pam e vinho.
Data limite para anotar-se o dia 9 de outubro. (Preço do jantar 10 euros)

O centro social Mádia Leva! organizará um novo curso este outono. Na linha de promover a aprendizagem da nossa música tradicional contaremos com aulas de percussom, tanto tradicional como de raiz ou étnica.

O curso será ministrado por Roi Adrio, multi-instrumentista de raiz, que forma parte dos grupos musicais Quempallou, Faltriqueira, Güintervan, Loaira e colabora em diversos projectos musicais, entre outros com Fuxan os Ventos e Pelepau.

A apresentaçom do curso será a quinta-feira (xoves) dia 17 de outubro às 20h00. Nesse dia em funçom da gente que se inscriba ficará fixado o dia e a hora das aulas. O preço será de 20 euros ao mês.

Se estás interessado/a nom tes mais que passar polo local esse dia e inscribir-te. Também no mail madialeva.gz@gmail.com

Deixamos alguns videos de Roi Adrio:
tamboril
tamboril e bombo
peitoque
pitos

Que nos contaría Carlos Marx se puidese volver ao mundo dos vivos apenas por unha hora? O seu corpo leva 130 anos baixo terra. O seu legado, o marxismo, que durante o século XX inspirou movementos políticos que se extenderon por todo o planeta, é hoxe unha especie en extinción. Desde a caída do Muro de Berlín, o comunismo xa non é un factor na actual ecuación dominada polo monoteísmo neoliberal. Marx está morto. Ou non está morto?

Hoxe protestamos (como fixo Marx) polas barbaridades do capital financeiro (que Marx denunciou) nesta enésima crise sistémica (que Marx predixo) causada pola acumulación da riqueza nas mans duns poucos (como Marx formulou) nun mundo convulso (que Marx anticipou). E o curioso é que non sabemos quen foi Marx. Cal foi a súa vida, a súa experiencia, a súa maneira de pensar?

Marx está morto. E continúan a matalo todos os días, porque o seu espírito -como aquel espectro sobón que percorría Europa- teima en revivir a cada pouco. Agora din que nunha especie de abdución metafísica, o espíritu de Marx materializouse no corpo dun anónimo cidadán galego bebedor de cervexa.

Será verdade? Pois haberá que ir ver que di. Cousa boa non, seguro.

Sexta 18 outubro. Centro Social Mádia Leva!. 20:30. Entrada 5 euros.(3? para sócias)

Marx no Soho - Versión en galego de Pepe Sendón

Despois de moito protestar, un comité de ultratumba permítelle a Karl Marx volver ao mundo dos vivos durante unha hora. Un erro burocrático provoca que o seu espírito apareza en Santiago, materializándose nun anónimo transeunte.Marx volve para limpar o seu nome e deixar as cousas claras. Vén disposto a falar das súas ideas e de como foron mal interpretadas. Da súa vida: persecución e desterro, penurias no Soho, traxedias familiares, libros, erros, debates sobre o que foi o comunismo, o que non foi e o que ha de ser. Moitas cousas que contar e pouco tempo para falar. Tempo abondo, aliás, para descubrir que entre a actual crise e os días que Marx viviu, a humanidade non cambiou tanto.

O Autor

Howard Zinn (1922 ? 2010) foi un escritor, historiador, profesor de ciencias políticas e activista norteamericano nacido en Brooklyn de emigrantes xudeus de clase traballadora chegados de Europa. A súa participación na II Guerra Mundial foi semente do seu posterior antimilitarismo. Participou activamente no Movemento de Dereitos Civís, contra as guerras de Vietnam e Iraq e é continuador da tradición socialista norteamericana. Autor de ducias de títulos sobre os dereitos civís, o antibelicismo e o movemento obreiro de Estados Unidos, a súa obra máis lembrada é ?A People's History of the United States?. ?Marx in Soho? foi a terceira e última obra teatral que escribiu.

A Obra

Howard Zinn escribiu ?Marx in Soho? en 1999 coa idea de perfilar a persoa antes que o mito. A peza é un monólogo (ás veces máis ben usoliloquio) que se centra na estadía de Marx no Soho londinense, onde chega escapado coa súa familia despois de ser expulsado de media Europa. Vive nun mísero apartamento de dous cuartos que aluga baixo un nome falso e non sempre pode pagar. Nesas penosas condicións, asiste á enfermidade da muller e á morte dun fillo tras doutro. Pero a loita diaria pola supervivencia non lle impide emprender, nun esforzo caótico e febril, a redacción da obra da súa vida: O Capital, unha análise crítica e científica da economía capitalista. Nesta peza teatral debúllanse as súas dúbidas sobre o resultado de tamaño esforzo, o apoio permanente do seu amigo Engels, as discusións cos colegas revolucionarios exiliados en Londres, a súa vida íntima como home de familia (a lealdade por Jenny, a súa esposa, a admiración por súa filla Leonor, as debilidades por Helena, a criada), as súas reflexións sobre os acontecementos da historia, mesmo do presente.

O resultado é unha nova visión de Marx, máis próxima ao home común que ao prometeo revolucionario. Un Marx que afirma: ?Eu non son marxista?. Concebida para ser escenificada sen ningún aparato escénico, Marx no Soho busca unha proximidade dialogante co público e é apta para ser presentada en calquera tipo de auditorio apto para a palabra. A duración da peza é de unha hora, aproximadamente.

Música:
Liska. "Sonhos de raiva" 8 euros.

Livros:
José Manuel Barbosa. "Bandeiras da Galiza" Atraves Editora. 18 euros.

Fernando V. Corredoira. "101 Falares com Jeito" Atraves Editora. 15 euros.

"Poemas no faiado" Antologia de poesia lusófona para crianças. Atraves Editora. 18 euros.

Xosé García Rodríguez. Baixo a lona preta. Xornal de viaxe dun brigadista na Bahia do MST. Estaleiro Editora. 8 euros.

Esta fim de semana arrinca umha nova tempada da Liga Nacional de Bilharda. Será em Burela o sábado 28.
E também este sábado 28 e mais o domingo 29 celebram-se as III Olimpiadas Populares Galegas na vila de Alhariz.

O passado sábado Mádia leva! participou no acto patriótico organizado por Xermolos e mais a Irmandade Manuel Maria.

Mais fotos