Do Mádia Leva! queremos mostrar o nosso apoio e solidariedade co L.S. Aturuxo frente ao intento de feche por parte do governo do PP local.
Ler comunicado a seguir

Full story »

O próximo domingo, 3 de junho, organizamos um roteiro dentro do ciclo "Conhece a tua comarca" nesta ocasom em bicicleta. Embora termos planificado em primeiro termo ir até Friol finalmente este será o percorrido.(Um pouco mais levadeiro por ser o primeiro desta primavera)
O roteiro será integramente por estrada menos um tramo de caminho de terra de 1 km nos lagos de Teixeiro, polo que é apto para todo tipo de bicicletas.

Saída : às 10 h desde o centro social


1ª parte: Lugo - Lagos de Teixeiro - Ludrio - Castro de Ribeiras do Lea (35 km, desnivel acumulado : 333 m)

Em Castro de Ribeiras do Lea jantaremos sobre as 14:30 h (cada pessoa deve levar bocatas ou similares)

2ª parte: Volta a Lugo con duas possíveis alternativas, que decidiremos no momento segundo tenhamos as nossas forças.

a : Castro - Bonxe - Lugo (20 km, desnivel acumulado: 198 m, e moita estrada grande)

b : Castro - Ceao -Lugo (17 km, desnivel acumulado: 250 m, e estradas
pequenas)

Hora de chegada aproximada : 19 h

(Prega-se confirmar assistência)

O centro social Mádia Leva! organizamos o vindeiro sábado 26 de maio umha actividade dirigida a nenos e nenas que leva por título "criando e brincando a redor da música".
Este obradoiro musical dará começo às 17h00 e depois teremos umha merenda.
Pregamos confirmar assistência durante a semana no telefone 664207010 ou no local.

Olha o espectacular video para apresentar as finais de bilharda do 2012

Lembramos que hoje, dia 18 de maio, às 20h30 teremos a sessom do grupo de estudos dedicada ao debate do carlismo na Galiza.
Se queres recibir os textos de debate desta e/ou das anteriores sessons envia-nos um mail.

Este 17 de maio voltaremos viver umha nova jornada de defensa do galego coa manifestaçom convocada pola plataforma Queremos Galego em Compostela.
Do Mádia Leva! chamamos a secundar esta manifestaçom como mais um passo na defensa sem tregua da nossa língua.
Na Galiza em galego!
Participa! 17 de maio às 12h00 na Alameda de Compostela.

A quarta-feira, dia 16 de maio, celebraremos umha foliada no centro social a que combidamos a participar. Desde às 20h30 em adiante começa a festa.Trae o teu instrumento!

A segunda das leituras propostas é "Grabiela, Cravo e Canela" do escritor brasileiro Jorge Amado.


O clube de leitura em português do centro social Mádia Leva! botou a caminhar no mês das nossas Letras no 2012. Decidimos começar coa leitura do livro O Planalto e a Estepe do escritor angolano Artur Carlos Maurício Pestana dos Santos, conhecido polo pseudónimo de Pepetela.
A sessom do clube sobre as leituras desta obra fôrom o dia 5 de julho.

O sábado, dia 12 de maio, é a 11ª jornada de liga na conferência norleste. Este aberto a celebrar em Remourelhe (Ribadeu) fecha a tempada regular conhecendo-se os e as escolhidas para as finais nacionais em Compostela o dia 27 de maio.

Esta manhá conheciamos pola imprensa que o concelho de Sárria decidiu suspender a gala que tinha prevista para esta sexta-feira onde se ia elegir a Rainha das Festas. Esta decissom foi motivada pola pressom de grupos feministas entre os que destaca as Mulheres Nacionalistas Galegas, que emitirom um comunicado criticando este acto machista financiado e promocionado por umha instituiçom pública como é o Concelho de Sárria.
Este sucesso vem só uns dias depois da polémica organizaçom da feira de abril nesta vila, um espectáculo alheio a nossa cultura novamente financiado com quartos públicos.
A gestom cultural que está a fazer o Concelho de Sárria continuará coas touradas que estám programadas para o dia 24 de junho. Logo de três anos, voltou o Partido Popular a governar em Sárria e voltám também as touradas. Mas como em 2009, voltaremos a concentrar-nos contra esta barbarie de tortura animal totalmente alheia a nossa cultura e que eles chamam ?Fiesta Nacional?. Como ficou claro em anos anteriores só o apoio com dinheiro público fai viável económicamente a celebraçom deste tipo de eventos que na Galiza nom tenhem nengum tipo de acolhida.
Tanto a gala que se suspendeu onte, como as touradas, dependem da Concelheria de Xuventude do PP com Manuel Sangil à frente e da Associaçom Juvenil Xaora como organizadores das festas.
Desde o Mádia Leva agardamos que, como aconteceu coa gala, as touradas sejam finalmente também suspendidas.
Por umha Sárria livre de machismo.
Por umha Sárria livre de touradas.
Pola defensa da nossa cultura.