Avante a construçom nacional e de base.
Galizalivre/ Pessoas vinculadas a coletivos autogestionados de todo o país (centros sociais, educaçom popular, decrescimento, cooperativas...) venhem de realizar umha convocatória de assembleia para o vindouro Dia da Pátria, para porem experiências em comum e valorizarem a possibilidade de criar um projeto global para que "o povo, diretamente e desde baixo, tome o destino polas suas maos". Será no Centro Social O Pichel, às 17h30 do 25 de julho, numha assembleia aberta. Destacam a existência na Galiza de muitos projetos situados nesses parámetros, que pretendem viver desde já noutras coordenadas opostas às que impom o Estado e o Capital. Sinalam a Cooperativa Integral Catalá como experiência valiosa, mas recusam a cópia acrítica, assim, sinalam que "para nom condicionar a assembleia", preferem "nom definir nesta convocatória o que entendemos por cooperativa integral, pois é algo que deveria ser discutido e acordado de forma aberta e debatida". Reproduzimos a continuaçom a carta da convocatória enviada polo grupo promotor:

Cara/o companheira/o,

nos últimos anos surgírom na Galiza umha grande quantidade de iniciativas sociais que tenhem em comum a vontade de autogestom de muitas fasquias da vida, desde umha alimentaçom local e ecológica, até escolas populares, comedores, centros sociais, coletividades rurais, grupos de consumo, redes de troco e bancos de tempo, hortas comunitárias, redes de intercámbio de sementes, etc.

O colapso da economia capitalista, incapaz de soster-se em pé apesar de devorar os recursos naturais do planeta, impom também umha mudança de rumo que supere o consumismo e a guerra de todos contra todos e contra a natureza, construindo umha nova forma de vida baseada na ajuda mútua e no respeito ao entorno. Nom podemos contar com que o Estado nem o Capital ajudem nesta transformaçom social, e polo tanto apostamos porque seja o povo, diretamente e desde baixo, quem tome nas suas maos o seu destino.

Ao mesmo tempo, o projeto catalám da Cooperativa Integral atraíu a olhada de muitas/os de nós, porque parece ser umha ferramenta mui efetiva para impulsionar projetos deste tipo, englobando-os num movimento de transformaçom social de grande alcanço.

Os militantes que assinamos esta carta pensamos que seria mui interessante que umha assembleia aberta de pessoas envolvidas nestas iniciativas nos juntássemos para avaliarmos a possibilidade de impulsionar um espaço de encontro similar, umha cooperativa integral galega. Por isso decidimos convocar umha reuniom, que é aberta a qualquer pessoa que participe ou queira participar em projetos de autogestom (polo que podes convidar ti mesmo a quem se che ocorra e que a nós se nos tenha esquecido).

A assembleia terá lugar a quarta-feira 25 de julho, às 17:30 horas no centro social O Pichel, em Santiago de Compostela. As pessoas que a convocamos pensamos que nom deve ser umha assembleia de tomada de decisons, senom um simples diálogo para conversar, perguntar e compartilhar ideias entre nós. Em qualquer caso, a nossa ideia é que, se na assembleia se vê que existe vontade de apostar polo cooperativismo integral, poderiam criar-se grupos de trabalho que vaiam preparando umha juntança posterior na que se constitua realmente a cooperativa integral galega.

Seja como seja, nós nom pomos nengumha premissa nem ordem do dia à assembleia, que queremos plenamente aberta e livre.

Esperamos que a cita che pareça tam importante como a nós.

Um abraço irmandinho,

Carlos Taibo, professor e ativista social

Ugio Caamanho, do Centro Social A Revolta de Vigo

Olalha Couso, do Sindicato Labrego Galego

Paulo Tobio, da Associaçom Galega de Maes e Pais Agarimar

Paz Romai, de Acolá S. Coop. Galega

Xosé Doldán, professor e ativista social

Antón Gómez-Reino Varela, de Hábitat Social Coop. Galega

Júlio Saiáns, da Agrupaçom de Montanha Augas Limpas

Olga Romasanta, do Centro Social Mádia Leva! de Lugo

Marcos Abalde, de Estaleiro Editora

Miguel Garcia, do Centro Social Sem um Cam de Ourense

Carlos C. Varela, do jornal digital galizalivre.org

Manuel Casal Lodeiro, de Véspera de Nada

Brais Zas, da Revoldaina Cultural da Beira de Bergantinhos

Júlio Teixeiro, da Escola Popular Galega

P.S. Para nom condicionar a assembleia preferimos nom definir nesta convocatória o que entendemos por cooperativa integral, pois é algo que deveria ser discutido e acordado de forma aberta e debatida. De todas as maneiras, a experiência catalá é umha fonte de inspiraçom para nós, e quem queira pode consultá-la na rede (cooperativa.cat).

Esta quinta feira, 12 de julho, às 20h30 na Praça de Santa Maria organiza-se umha charla-debate sobre a problemática legal e económica dos despejos.
Este acto servirá para apresentar o colectivo Stop Desafiuzamentos Lugo.

Full story »

O Prémio Ângelo Casal 2012, organizado pola AC Fontaira, distribuidora da Galicola, foi ganhado nesta ediçom polos projetos apresentados polo nosso colectivo e mais polo CS Arredista de Compostela. Após o reconto de etiquetas depositadas nas urnas dos centros sociais, e enviadas ao endereço da Galicola, saiu como projecto mais votado o do Mádia Leva! (acondicionamento e mudança de local) com mais de 500 votos e em segundo lugar o CS Arredista de Compostela (curso de galego para migrantes).
Informaçom em PGL e Sermos Galiza

O dia 6 haverá mais umha foliada no local. Por volta das 20h00 juntaremo-nos como despedida dos cursos, já que alguns deles como o de gaita rematam até depois do verao.

O dia 5 de julho às 20h00 juntaremo-nos no clube de leitura em português. O livro escolhido foi "O Planalto e a Estepe" do escritor angolano Pepetela.

Este sábado celebrou-se a palestra sobre o nascimento e morte dignas, na que intervirom Lucía Titán, representando a Fundaçom Eomaia e do médico anestesista Luis Montes presidente a sua vez da Associaçom
Polo Direito a Morrer Dignamente (DMD). Agradecer-lhes desde o nosso colectivo a sua presença no centro social.
Ligaçom a imprensa.

Finalmente a projecçom das jornadas que estava prevista para onte no Vagalume , mudou-se para esta sexta-feira dia 29 às 20h00. Depois sobre as 21h00 haverá ceia vegana.

As jornadas sobre morte e nascimento dignas terám lugar os dias 27, 28 e 30 deste mês. No primeiro dos actos apresentaremos as jornadas no centro social Vagalume cumha projecçom-debate. O documentário deste dia é "A morte no cinema" que elaborou a gente de DMD Direito a Morrer Dignamente. O dia seguinte na Cova da Terra projectaremos dous documentários sobre partos na casa "Nascer contigo" e "Parto na Casa" e o debate será ao redor do nascimento.
O dia 30 terá lugar no nosso centro social o acto central destas jornadas coa presença da doula Lucía Titán, representando a Fundaçom Eomaia e do médico anestesista Luis Montes presidente a sua vez da Associaçom
Polo Direito a Morrer Dignamente (DMD).
As projecçons do 27-28 serám às 20h00 e a charla do 30 às 19h00. No dia 30 posterior a charla haverá umha ceia para a que é preciso confirmar assistência.

Três anos depois voltarom as touradas. Sobre às 17h já se começava a juntar gente pola zona da praça móvel, que situarom nesta ocasom bastante afastada do centro da vila (para maior provocaçom na rua Castelao).Diversos colectivos se somarom as duas convocatórias que se figerom públicas , tanto a de Sarria anti-taurina como a de Galiza Nova. Também apoiou a plataforma Galiza Mellor Sen Touradas.

O caso é que huvo umha forte presença policial, mais em concreto da Guarda Civil. Uns 8 vehículos e um bom número de antidisturbios. Era de prever logo de que a imprensa qualificasse a tourada como de elevado risco.(Sobretodo para os touros). Houvo constantes identificaçons as concentradas mas como sempre respondiam a ordens de arriba. Polo contrário nengum se preocupou de identificar aos espectadores que iam com crianças. Como se comentou depois também puido ser a razom de que muita gente decidisse nom acudir a concentraçom ou manter-se a certa distáncia. Esta intimidaçom foi constante por parte da Guarda Civil já nos dias prévios.

Por outra parte esta o papel dos meios. A imprensa empresarial de hoje optou por ocultar a protesta e falar do éxito da volta das touradas a Sárria. Mas as suas informaçons som contraditórias já que afirmam que só mil pessoas participarom no evento. Assim na Coz reconheciam que os "enormes desejos" que hávia em Sárria polos touros nom se corresponderom coa assistência que nom chegou nem as mil pessoas. Lembramos que estavam à venda mais de 3000 entradas. Como sempre deficitário.

A concentraçom tivo-se que fazer no passeio já que nom permitirom achegar-se a praça.Desde fora berrou-se contra os assistentes como cúmplices desta barbarie. "Há que ser pailám para ir aos touros nas festas de Sam Joám", "Quanto nos custa esta barbarie", "Mais educaçom e menos touradas", "Os quartos dos toureiros que vaiam pros mineiros" ou "Partido Popular, maltrato animal", estas fôrom algumhas das consignas. Sinalou-se também o feito da ilegalidade de levar crianças as touradas já que houvo muitas que assitirom. Mas a Guarda Civil nom moveu um só dedo a este respeito. Ao matar o primeiro touro olhamos como umha nena saiu chorando do recinto. Também houvo berros contra o alcalde, o concelheiro Manuel Sangil e a Associaçom Juvenil Xaora ,ligada ao PP e organizadora das festas
Neste ano o cordom da Guarda Civil e mais a colocaçom da grua impediu olhar como se levavam os touros mortos. Muitas vezes vale mais umha imagem que mil palavras para fazer entrar em razom a quem sigue permitindo, promovendo e subvencionando isto. Na seguinte ligaçom podes olhar mais informaçom aparescida na imprensa nestes dias. El Pais . Praza
O mais provável é que mentres dure o governo do PP em Sárria continuem as touradas. Mas também continuará a oposiçom.
Por umha Sárria livre de touradas.

O sábado 16 e domingo 17 em Teu as II Olimpiadas Populares juntarom até 17 equipas entre elas a do Mádia leva! Podes olhar nesta ligaçom de Galiza Contrainfo umha galeria de imagens das distintas provas. Aqui o video.A equipa ganhadora foi Kurmandinhas.
Também esta fim de semana organizamos a fogueira de lume novo. Este ano mais celta que nunca por coincidir co Arde Lucus. Como sempre sardinhada, chouriços e lume e festa até bem entrada a noite.

Full story »