Remata o ano e queremos deixar aqui um pequeno resumo da actividade do nosso centro social no 2011. Celebramos as nossas festas, o entruido, o lume novo, o samaim, os magustos,...Trouxemos mais um ano ao Apalpador, conhecimos a nossa comarca, figemos o grupo de estudos debatindo sobre a crise na Galiza e também sobre a nossa história, participamos na Liga Nacional de Bilharda, colaboramos co associacionismo lucense. O nosso local acolheu coletivos cidadáns e plataformas que luitam por um Lugo, por umha Galiza e um mundo mais justo. Todo isto sem receber por suposto, nem um peso das instituiçons, dependendo exclussivamente do nosso trabalho voluntário.
Em definitiva trabalhamos dum jeito aberto e plural, como vimos fazendo nos últimos quatro anos, polo bem da nossa cultura, da nossa língua e dos direitos do nosso povo. Assim queremos continuar, ainda que alguns teimem em manipular e mentir sobre nós. Sabemos que o que lhes amola é o nosso compromiso e a nossa existência.
Seguiremos também berrando com força: Antom e Maria liberdade! Liberdade independentistas!
No 2012 seguiremos adiante. Mais um ano contruindo Galiza e contruindo poder popular.
A seguir podes olhar alguns cartazes das actividades feitas neste ano.

Full story »

O Apalpador baixou do Courel a passada sexta-feira até Lugo, convidado polo Mádia Leva! e mais a Cova da Terra. Gostou como poidemos saber de ter participado neste evento que promovia um consumo responsável, porque como sabemos ele nom gosta do consumismo destas festas.

Full story »

Manhá 23 de dezembro co-organizamos umha feira de consumo responsável junto coa Cova da Terra. O Apalpador visitará nesse mesmo dia a cidade de Lugo. Às 18h00 da tarde na praça Maior temos umha cita co gigante carvoeiro do Courel.
Ao mesmo tempo haverá diversas actividades como obradoiros de brinquedos reciclados, chocolate quente, castanhas e jogos para crianças,etc. Também teremos mesas de material e diversa informaçom das associaçons.Como em anos anteriores o Apalpador fará a sua visita acompanhado de trasnos e de foliada polo que animamos à gente a que traia os seus instrumentos.
Neste evento colaboram também a Fundación Preescolar na Casa e a Granxa Garabullos.

Full story »

Siareir@s Galeg@s organizará manhá o jogo da nossa seleçom nacional. Galiza apesar da oposiçom das instituiçons voltará a jogar e fará-o graças ao esforço e compromisso de Siareir@s que celebram aliás o seu XV aniversário. Continua como os anos anterios a solidariedade internacionalistas já que o "rival" da Irmandinha será a República Árabe Saaraui Democrática (RASD), neste dia 23 de dezembro em Teu.
Verónica Boquete, declarada a melhor jogadora de futebol do mundo segundo a Women´s Professional Soccer (o máximo reconhecimento da melhor liga mundial de futebol feminino, a dos Estados Unidos), será a capitana da seleçom nacionaL.
O saque de honra do partido será efectuado polo ciclista Ezequiel Mosquera, natal de Cacheiras. O amistoso terá lugar em Cacheiras, paróquia natal de Mosquera, no concelho de Teu.

O passado sábado, 17 de dezembro, umha representaçom do centro social participou nos actos de homenagem ao Marechal Pardo de Cela organizados pola Liga Céltica Galaica. O acto tivo lugar na Frouseira em honra às pessoas que faleceron na batalha contra tropas castelás fai 528 anos.
A seguir o texto da convocatória.

Full story »

Manhá dia 20 às 19h00 haverá um obradoiro de brinquedos reciclados na Cova da Terra. Os mesmos serám apresentados o dia 23 na feira de consumo responsável, umha jornada que co-organizamos e na qual contaremos coa presença do Apalpador. Lembramos que também manhá às 20h30 no Mádia Leva! haverá umha assembleia aberta para preparar a bem-vinda ao Apalpador, ensaiar as cantigas, preparar os jogos, confeccionar as vestimentas,etc.

No dia de onte apresentou-se no centro social o Arquivo Digital e mais os Clássicos da Galiza da AGLP (Academia Galega da Língua Portuguesa). No ato intervirom três membros da Academia. Fernando Corredoira e Ramom Reimunde apresentarom os Clássicos, entre eles Cantares Galegos de Rosalia de Castro e Queixume dos Pinhos de Eduardo Pondal. Vitor Lourenço foi o encarregado de expôr o Arquivo Digital.

Full story »

A sexta-feira, dia 16 de dezembro, às 20h30 terá lugar no nosso centro social a apresentaçom da Associação Pró-Academia Galega da Língua Portuguesa. A Associação Pró-Academia Galega da Língua Portuguesa foi constituída em 1 de Dezembro de 2007, dia da Restauraçom da Independência e aniversário do primeiro acto público de Nunca Mais. Cerca de 20 pessoas de diferentes âmbitos da defesa da língua reuniram-se na cidade de Compostela com um objectivo comum: apoiar a criaçom duma Academia Galega da Língua Portuguesa.
No acto intervirám:
-Vitor Lourenço, apresentando o arquivo digital
-Fernando Corredoira, apresentando a ediçom dos clássicos.
-Ramom Reimonde, colaborando com Corredoira na apresentaçom da ediçom de Queixume dos Pinheiros.

Esta quarta-feira, dia 14 de dezembro, às 20h00 teremos umha charla-debate sobre o decrescimento. Esta charla é organizada pola Escola Popular Galega e contará coa presença de Xoán Doldán , representando o colectivo decrescentista Véspera de Nada. Também intervirá um representante da EPG.
Xoán Doldán é professor de Economia Aplicada na USC, especialista em Economia Ecológica e activista ambientalista.
A palavra de ordem 'decrescimento' tem como principal meta enfatizar fortemente o abandono do objetivo do crescimento ilimitado, com consequências desastrosas para o meio ambiente e portanto para a humanidade. A Escola Popular leva promovendo o debate nos últimos meses através de diversas palestras e debates nas que se confrontavam as posturas de defensoras e detratoras do decrescimento, que aliás tiverom continuidade na rede.

O organismo popular anti-repressivo CEIVAR fai um chamamento a todas aquelas pessoas e colectivos solidários a se mobilizar no próximo Domingo dia 11 de Dezembro, às 12:00 na compostelana Praça do Toural. Para expressar a nossa vontade firme de continuar a trabalhar dia a dia por essa Galiza livre e rebelde que Espanha quer encarcerar; para dizer-lhes a Eduardo, a Maria, a Teto e a Antom que nom estám sós.

Tod@s a Compostela!
Liberdade independentistas!!