Durante o mês de julho manteremos o horário habitual de apertura do centro social. Assim mesmo também continuam neste mês os cursos de esgrima medieval, dança galega e gaita co mesmo horário.
Podes olhar a informaçom do resto das nossas actividades durante o verao (na columna da esquerda) às que iremos engadindo outras novas que se vaiam organizando e que ainda nom temos confirmadas.

Hoje, sexta feira dia 1, às 21h30 no centro social teremos umha das últimas sessons do grupo de estudos por este curso continuando co eixo temático da crise capitalista e como vinhamos fazendo nas últimas sessons cumha projecçom: "Crises no capitalismo" de Sérgio Lessa.

A projeçom acompanhará-se dumha ceia como vem sendo habitual co preço de 5 euros trabalhadores/as e 3 estudantes e desempregadas.

Mais um ano desfrutamos do lume novo ao pé da fogueira cum estupendo ambente de festa. Foliada, dança, jogos populares e queimada para fechar a noite que dá a bem-vinda ao verao.

Full story »

Lume novo amanhá desde às 19h em Sanxillao (Fontinhas justo em frente do Mercadona).

Desde o Mádia Leva! animamos a acudir à romaria tradicional que organiza o obradoiro de cultura tradicional lucense A Volta do Agro para este domingo dia 26 de junho a partir das 13h00 em Pena de Rodas (Outeiro de Rei). Cadaquem levará a sua comida e bebida para compartilhar na romaria.

No dia de onte apresentou-se a assembleia anticapitalista lucense num acto público que se celebrou na praça de Campo Castelo. No acto houvo umha representaçom teatral simbolizando a execuçom dos nossos direitos e liberdades por parte do sitema capitalista. A seguir deu-se leitura ao manifesto. De momento a assembleia anuncia que continuará a reunir-se semanalmente. A próxima juntança será a terça-feira, dia 28 às 20h00 no nosso centro social.

Full story »

O próximo dia 21 de junho, às 20h30 na praça de Campo Castelo.

O próximo dia 23 de junho, celebraremos a festa de lume novo. Haverá como sempre jogos, sardinhada e chouriços a preços populares, queimada de balde, foliada e muita festa ao pé da fogueira. Será em Sanxillao, como vimos fazendo os últimos anos, justo enfrente do Mercadona de Fontinhas.
Desde às 19h00 e até bem entrada a noite.

Full story »

A começos de mês conheciamos a intençom do empresário Juan Santos de organizar as touradas em Sarria durante as festas de Sam Joám. Logo dumha semana ainda nom está confirmado, como admitiu o próprio promotor.
Desde o Mádia Leva! participamos activamente na oposiçom as touradas no último ano que se celebrou, no 2009. Pensamos que nos anos que nom houvo touradas ninguem as botou de menos na vila. Sobram os motivos para rematar com esta mal-chamada festa: o trato cruel, a tortura e morte dos touros , a ligaçom co fascismo e coa direita espanhola, a oposiçom do povo galego a esta "festa" alheia a nossa cultura, o machismo que representa todo o espectáculo,etc.
A plataforma antitaurina galega Galiza, mellor sen touradas, vem de anunciar que convocará protestos o dia 26 se finalmente as touradas se organizam. Para a plataforma as touradas, só podem ter lugar com dinheiro público. Segundo indicam, quando o Concelho nom a financiou só se celebrou umha em 2009, apoiada por empresarios locais, que foi um claro fracasso económico e de assistência. Sinalam também que o organizador do espectáculo viveu do dinheiro público durante demasiado tempo. «Foi possívelmente o empresário mais subvencionado da localidade embora de nom criar nem um posto de trabalho estável na localidade».
Do Mádia leva! aderimos todas as acçons que se levem a cabo para rematar coas touradas em Sárria e na Galiza para sempre.

Full story »

Força Lugo. O domingo o C.D. Lugo joga-se o ascenso a 2ª divisom contra o Alaves, o jogo começa às 19h no Anxo Carro.
Este fim de semana abrimos o centro social co seguinte horário:
Sábado 11, desde às 19h00.
Domingo 12, desde às 15h00. Prévia ao encontro.