O próximo sábado dia 30 de outubro, co-organizaremos junto a AMAL (Agrupaçom de Montanha Águas Limpas, o roteiro pola Fraga da Marronda no Concelho de Baleira, Comarca de Burom. Depois de que fosse adiado no mês de agosto preferimos agardar ao outono para retomar esta actividade tendo em conta a fermosura desta fraga nesta época do ano. Quem queira vir deve avisar antes do dia 28 de outubro (no correio madialeva.gz@gmail ou bem no local sito na Rua Manuel Amor Meilám 18 res-do-chao). Combina-se às 8h30 no centro social. Há que levar bocata para o jantar.

A Fraga da Marronda, situada entre as entidades de Branha, Mendreiras, Martím e a estrada que une O Cádavo com Martím, é considerada a mai de todos os bosques de Baleira que, junto com outros bosques do município como son os de Freixido, Bosque do Eo, Monte Grande e Carvalhal, Bosque da Lastra e Bosque de Córneas entre outros, conformam umha extensom de mais de 30 quilómetros quadrados de bosque. A Fraga de A Marronda, cumha extensom de 1.239 Ha. constitue um magnífico exemplo de bosque autóctone Galego que aliás conserva um excepcional estado de conservaçom.

Mais info. em http://www.amarronda.com/index_galego.htm

Full story »

Continuam as sessons do Grupo de estudos com ceias-tertúlia sobre os movimentos sociais mais importantes da nossa Terra, dando voz aos seus e suas protagonistas.
Esta sexta-feira, dia 29 de Outubro falará Xosé Ramón Cendán, um dos impulsores do sindicalismo agrário nacionalista, na actualidade militante do Sindicato Labrego Galego.
A ceia começa às 21h00 é custa 2 euros.

Este vindouro dia 29 de Outubro teremos umha jornada organizada polas BAF Lugo, de lembrança dos últimos fussilados do franquismo no recentemente cumprido 35 aniversário do seu assassinato,o passado 27 de Setembro.
Às 19h00 Projecçom do documentário SETEMBRO DO 75.
Às 20h30 Concentraçom na Praça Maior de Lugo en recordo a estas e outras pessoas assassinadas durante a época franquista e para que nom seja outro setembro mais de impunidade por parte do Estado Espanhol.

Este e o primeiro de vários actos que organizarám nestes meses que adicados ao recordo destas victimas e do vivido durante a ditadura Franquista, por meio de concentraçons,charlas,documentários, etc.

Full story »

A Escola Popular Galega e o grupo de estudos do nosso centro social venhem de editar um livro titulado "Recessom ou colapso? A questom da crise nos Marxismos." No mesmo recolhem-se parte dos debates e textos sobre as teorias marxistas da crise capitalista, debates que tiverom lugar o curso passado nas sessons quinzenais do grupo de estudos.
O livro está disponível no centro social por 6 euros.

Já temos o segundo número da nossa revista pronta para a distribuiçom. Nela podes atopar os seguintes contéudos:

-Editorial: Vivamos como...
-Actividades realizadas.
-Estado de sítio na república billarda.
-Entrevista à Masa Crítica lucense.
-Nós parimos, nós decidimos.
-Notas breves.
-Memória histórica:A Revoluçom Galega. 1846.
-Receitas de cozinha galega.

Ver também boletim

Estes som os horários e preços dos curso que ofertamos este ano no centro social:

CURSOS:Matricula gratuita.

GAITA. Quartas-feiras (mércores). De 21h00 a 22h00. Umha hora semanal. Preço 20 euros/mês.
PANDEIRETA.Iniciaçom. As quintas-feiras (xoves) de 20h00 a 21h00.
ESGRIMA MEDIEVAL /DEFESA PESSOAL. Terças (martes)e quintas-feiras (xoves) de 20h30 a 21h30.
- 1 hora semanal (6 euros/mês)
- 2 horas semanais (12 euros/mês)

OBRADOIROS GRATUITOS:

COSTURA. Terças-feiras (martes).De 19h00 a 20h00. 1 hora semanal. Gratuito.
DANÇA GALEGA.Quartas-feiras (mércores).De 19h30 a 20h30. 1 hora semanal. Gratuito.
GALEGO. Sextas-feiras.(venres) De 19h00 a 20h00. 1 hora semanal. Gratuito.

O próximo domingo, dia 17, volta a Liga Nacional de Bilharda coa 2ª jornada, que se desputará em Lourençá. O Aberto da Faba será umha nova oportunidade para bater às experimentadas palanadoras e palanadores da Marinha.
No passado Aberto do nosso III Aniversário houvo novas iniciaçons ao mundo bilhardeiro que sorpreenderom a todas as presentes. Agardamos poder contar com umha boa expediçom lucense para o próximo domingo.
Se che interessa a bilharda e queres unir-te à equipa ainda estás a tempo.

A área de movimentos sociais da Escola Popular Galega, em colaboraçom com o grupo de estudos Mádia leva!, organiza cada 15 dias desde o 15 de Outubro: ?Experiências militantes na Galiza contemporánea? palestras-colóquio com protagonistas de várias luitas colectivas, desde os anos 70 até a década actual.
Esta sexta-feira 15 de Outubro ceia às 21h00 e palestra-colóquio posterior sobre "Luita anti-militarista e a insubmissom na Galiza".

O dia 11 de outubro teremos umha nova jornada reinvindicativa em solidariedade cos presos e presas políticos.
Às 19h00 haverá umha palestra na que um representante do Organismo Popular Anti-repressivo, CEIVAR, achegara-nos a situaçom actual dos presos independentistas galegos, com especial atençom a detençom estes dias de José Sánchez e Santi Vigo.
Às 19h30 projectará-se o documentário "Fugar-se do Inferno".Pequeno homenagem ao Xose Tarrio.
Às 20h00 depois do documentário teremos umha charla-colóquio sobre a situaçom nas prisons.
Às 21h00 CONCENTRAÇOM na praça Maior pola liberdade do presxs.
Às 22h00 concerto acústico do cantor punk BitxoBola.

Todas as actividades do dia serám no nosso centro social.

O dia 12 de outubro para fechar as festas da cidade organizamos jantar popular a base de polvo á feira, cachelos, pam e vinho. (10 euros cumpre confirmar antes do dia 10). Hora 14h30.