Nesta sexta feira dia 27, no local do centro social, a Escola Popular e o Grupo de Estudos do Mádia Leva continuam o debate sobre a crise capitalista em andamento. Como todas as sextas feiras, a cea-tertúlia começará às 21:00h.

Depois dum primeiro bloco, dedicado à natureza das crises segundo o marxismo, passa-se a um segundo bloco: o debate surgido no movimento obreiro sobre a "teoria do colapso", que tivo o seu momento álgido nas primeiras décadas do século XX.

Continuaremos na reflexom sobre a segunda parte do texto de Giacomo Marramao, "Teoria da crise e problema da constituiçom" (publicada em Telos, no inverno de 1975).

As pessoas interessadas podem apontar-se no centro social ao longo desta semana.

O dia 12 de Outubro tivo lugar no Centro Social umha polvada contra a hispanidade para encerrar as Festas do Sam Froilám. Com um pouco de tardança presentamos algumhas fotos.

Full story »

Finalmente o dia 2 de Dezembro nom será tratado no pleno do Concelho o tema desta ordenanza de civismo. Isto dá-nos um bocado mais de tempo para desenvolver a campanha informativa.Seguramente a ordenança seja aprovada ou quando menos debatida no pleno do dia 14.

O sábado 21 começamos as actividades de rua. Um acto no que agentes da policia local tiverom que intervir porque uns moços pretendiam jogar a pelota diante do Concelho.Umha actividade que poderá ser sancionada com multas de até 750 euros. Sorte que de momento só era teatro.
O dia 24 houvo umha nova assembleia em regime de auto-convocatória para seguir a informar sobre a nova ordenança que se se aprova supora um verdadeiro recurte de liberdades na cidade.O trabalho informativo está a desenvolver-se dia a dia coa saida a recolher sinaturas nas ruas de Lugo. Se precisas informaçom ou queres colaborar na retirada desta ordenança passa polo C.S. Mádia Leva ou polo C.S. Vagalume.
Pronto disponibilizarám na web de Rádio Clavi um programa-debate sobre a ordenança.

Folha para a recolhida de sinaturas contra a Ordenança Municipal clicando cá'

Também podes assinar neste blogue:http://ordenanzaincivica.blogspot.com/.

Vemo-nos. Parar esta ordenança é trabalho de tod@s!

Este domingo 22 será a quarta jornada puntuável da nossa Conferência. Em concreto será o Aberto do Chicharro Lanhado, petisco emblema absoluto de Foz e da sua festa principal , a do Bispo Santo, chicharros salgados, un manjar só ao alcance do ganhador ou ganhadora na pista da Cabana , pegado à praia da Rapadoira. Será as 16h.

CLASSIFICAÇOM POR EQUIPOS:

BILLARDEIROS MUSICAIS ... 41
OS OUTROS ... 25
REMOURELLE BULLS ... 24
XOVE ... 18
MADIA LEVA ... 14
OS BITERE ... 11
EKIPA SAFARI ... 10

A próxima sexta-feira, 20 de Novembro, às 21h:00 haverá assembleia de Causa Galiza no nosso local. A finalidade da mesma será a de organizar o trabalho de cara a manifestaçom nacional convocada para o dia 6 de Dezembro, sob a legenda "Sobre nós, decidirmos nós".
Mas nom só isso tem se previsto que o trabalho de socializaçom do direito de autodeterminaçom tenha continuidade comarcalmente depois desta manifestaçom.

Link: http://www.youtube.com/watch?v=--hJKqLNbPo

A S.C. Mádia Leva! celebrou esta quarta-feira 18 de Novembro a sua particular homenagem a I Assembleia Nacionalista. Primeiro saimos desde a praça do Campo fazendo um passa-ruas em defesa do galego polo casco velho. Durante o percurso fomos substituindo várias pracas de ruas adicadas a fascistas (Coronel Teijeiro e Comandante Manso) por nomes de patriotas galegos comprometidos co pais: o do escritor Uxio Novoneira e o independentista lucense Joám Quinhoa.

O acto rematou na rua da Rainha onde colocamos um feixe de cravos vermelhos na porta do Hotel Mendez Nuñez, como veu sendo habitual nos anos anteriores. O acto rematou coa leitua do manifesto da convocatória por parte dum dos companheiros do Mádia Leva!

Full story »

Depois da manifestaçom multitudinária do 18 de Outubro demostramos que nom imos deixar que destruam o nosso maior bem: a língua. Agora nas vilas e cidades cumpre continuar essa reinvindicaçom. Por isso mesmo chamamos a mobilizar-nos o dia 18 de Novembro. Dia no que fazer memória da nossa história, tomando folgos daquela primeira Assembleia Nacionalista celebrada em Lugo no ano 1918. Nesta data queremos manifestar:

Primeiro cremos na necessidade de apostar por umha Galiza só em galego. O bilingüismo nom é harmónico senom que significa a morte doce do nosso idioma. Os dados estám aí. Partido Popular, Galicia bilingüe e toda a calanha de espanholistas disfarçam de liberdades individuais o que é um etnocídio cultural em toda regra.

Segundo pensamos que é necessário juntar forças e reactivar o movimento normalizador de base. Foi o povo quem mantivo viva a sua língua nos séculos escuros, na longa noite de pedra do franquismo, e também tem que ser o povo quem a salve da política espanholista actual. O tempo corre na nossa contra no conflito lingüístico que estamos a viver.

Terceiro só com soberania política poderemos decidir questons trascendentais como as medidas que tomemos a respeito da nossa língua. Trinta anos de democracia espanhola e medidas institucionais autonómicas colocarom a nossa língua numha situaçom de perigo de morte.

Como em 1918 , quase cem anos depois seguimos em pé defendendo a nossa língua.

Berra com nós: na Galiza em galego!!

Brochura do 18 de novembro clicando cá'

Actos confirmados do dia 18 de novembro

Passa-ruas: Quarta-feira (mércores) às 20h30. Praça do Campo.
Oferenda Floral: .Diante do Hotel Méndez Nuñez. Rua da Rainha.

ASSEMBLEIA ABERTA Para preparar a oposiçom à ordenança municipal. Próxima terça-feira, 17 de Novembro, às 20h:30 no C.S. Vagalume. Rua Noreas.

O governo municipal do PSOE apresentou fai uns meses um borrador para criar umha Ordenança Municipal. Ainda que afirmam ter o consenso de toda a cidadania, o certo é que somos muitas as associaçons e colectivos que nem sequer fomos consultados.
Depois de analisa-la polo miudo opomo-nos a aceitar esta repressiva ordenança municipal.No próximo mês de Dezembro está prevista o seu debate e aprovaçom. De passar o texto tal e como está direitos básicos como a liberdade de expressom ou o uso do espaço público serám seriamente danados.
No fundamental esta ordenança caracteriza-se pola repressom mas nom atinge as verdadeiras razons dos problemas como acontece co chamado "botelhom", a venda ambulante ou a mendicidade.

Aqui apresentamos um breve texto onde se explicam as principais críticas a esta ordenança municipal clicando cá'

Organicemo-nos contra esta nova ofensiva aos nossos direitos e liberdades

Situado na rua Amor Meilam no número 18,este foi o primeiro local do Mádia Leva! desde setembro de 2007 até janeiro de 2012.

Fachada do local.

Biblioteca e sofas.

Full story »

Um reduzido grupo de pessoas acabou de pôr em andamento a associaçom cultural Fontaira com o objectivo de gerar este novo produto de selo exclusivamente galaico.

A importáncia desta ideia que os criadores da Galicola querem transmitir é tal que figura em primeiro lugar entre os pontos incluídos nos princípios fundacionais. Traduzido, isto quer dizer que ninguém vai lucrar com o novo refresco, e todo o ganho (o que restar depois do pagamento dos custos de fabricaçom, distribuiçom e salários) será destinado ao movimento normalizador.

Full story »