O Mádia Leva! participamos na concentraçom em contra do decreto que convocou o dia 21 em Lugo a centos de pessoas. Mas já pola manhá a Mocidade pola Língua organizarom piquetes por diversos liceus. As pressons contra o estudantado que pretendeu participar na greve foi manifesta nos centros privados. No liceu de Fingoi um dos estudantes foi recluido em Direcçom e ameaçado com ser expulso.
Depois o estudantado que seguiu a greve concentrou-se diante do Edificio da Xunta. Ao rematar boa parte d@s estudantes marcharom até o liceu de Fingoi em apoio deste companheiro.
Novamente pola tarde centos de pessoas voltarom a concentrar-se outra vez na Ronda da Muralha. Estas massivas manifestaçons e o amplo seguimento da greve som um bo exemplo de que ainda ficam galeg@s dispost@s a defender o seu bem mais preçado. Animamos a continuar esta batalha.
A seguir mais fotos e o comunicado que repartimos na concentraçom.

Full story »

O Mádia Leva! anima a todo o estudantado a participar na greve e manifestaçons convocadas para o próximo dia 21. O decreto anti-galego do PP nom pode ir avante.

Em Lugo o acto central é a concentraçom que convoca Queremos Galego e a Mocidade Pola Língua às 11h30 diante do edificio da Xunta, na Ronda da Muralha.
No mesmo lugar às 20h00 haverá umha nova concentraçom pensada para que poida acudir o resto da cidadania

A Plataforma Queremos Galego organiza umha manifestaçom em Compostela às 11h30 na Alameda. Para deslocar-se disponibilizam auto-carros desde diferentes pontos do pais. O transporte desde Lugo sairá às 9h15 do Edificio Sindical (Ronda da Muralha). Estes som os telefones para reservar 982 245 023 e 982 225 812.

O sábado 23 às 21h30 no nosso centro social haverá um recital poético e mais sessom electrónica com Moredich DX (Jaime Moreda).

Distintos colectivos e associaçons (Plataforma Alternativa, Radio Clavi, C.S. MadiaLeva!, Sinerxia, CIG, CNT, C.S. Vagalume,Parque Rosalia...) subscribimos o seguinte documento SOLICITANDO A RETIRADA DA PROPOSTA DA ORDENANZA CÍVICA, e individualmente (por colectivo ou associaçom) apresentaremos por registo de entrada ante o concelho.

Pregamos a qualquer outro colectivo/associaçom de acordo coa solicitude de retirada, o comunique ao concelho (documentando-o por registo de entrada) podendo empregar o seguinte documento ou outro que considere.

PODEDES ASINAR POLA SUA RETIRADA EM: http://ordenanzaincivica.blogspot.com/

A vindeira juntança dos colectivos/associaçons antes nomeados, e de qualquer outro que desexe assistir, será a quinta-feira, xoves 21, às 20h00. no C.S. MadiaLeva! (Rúa Amor Meilán, 18).

A continuaçom o texto.

Full story »

A continuaçom reproducimos o manifesto que elaborou a Rede Galiza Nom se Vende em defesa do idioma. A nossa associaçom fai parte desta rede de colectivos que trabalham na defesa do território e contra as diversas agressons que sofremos a nível medioambiental.

MANIFESTO EN DEFENSA DA LINGUA
GOBERNE QUEN GOBERNE, A LINGUA NON SE VENDE

Dende Galiza Non Se Vende queremos manifestar a nosa total oposición ao decreto do galego no ensino do PP, pois constitúe un atentado á lingua galega e, polo tanto, un atentado á cultura e á identidade de Galicia.

Full story »

O domingo 17 de Janeiro temos umha nova cita coa bilharda. Esta semana concretaremos o jeito de deslocar-nos até Jove para participar neste novo aberto puntuável da Liga Norleste de Bilharda.

17 de Janeiro: 7ª Jornada LNB: Aberto do Polvo à pedra no Pavilhom de Jove às 16h00

Começa o ano 2010 e voltam os cursos.

-Pandeireta. Iniciaçom às 20h15 e perfecionamento às 21h15.

Gaita. Sextas-feiras cada 15 dias às 19h30. Contudo mantenhem-se os ensaios as sextas-feiras que nom venha o mestre à mesma hora das aulas.

Esgrima medieval Novos horários. Segundas-feiras às 18h30 e quartas-feiras às 20h30.

Depois das ferias volta o Grupo de Estudos do Mádia Leva. Junto a Escola Popular Galega continuaremos analisando a crise actual e as alternativas. Será a sexta-feira, dia 15 às 21h00. Como sempre para a ceia-colóquio haverá que anotar-se previamente no local.

Nos últimos meses do ano vinhamos analisando a natureza da crise que se está a viver, agora centrará-se mais no estudo das alternativas em andamento. As primeiras sessons do debate centrarám-se nas diferentes visons e linhas de acçom no campo independentista e da esquerda, tentando deslindar o que som simples modas intelectuais (passageiras e diversionistas) das correntes de pensamento de fundo que podem acompanhar umha praxe digna de tal nome.

Para tal efeito, disponibilizamos umha escolma de textos de Xosé Manuel Beiras, Alain Touraine, Serge Latouche e Alex Callinicos. Repassarám-se assi diferentes variedades da esquerda tolerada, também conhecida como "cidadanismo", e valorará-se o "ajuste de contas" que, desde o marxismo, acomete Alex Callinicos contra Toni Negri e outros.

Os textos estarám a disposiçom das pessoas assistentes desde a próxima segunda feira, dia 11, no centro social.

Esta terça-feira, 5 de Janeiro,às 20h00 realizaremos o sorteio da cesta de natal do Mádia Leva! composta por produtos do pais.
Depois do sorteio publicaremos o número ganhador para que se ponham em contacto com nós. Assim que quem comprará algunha rifa que consulte neste blogue. Sorte.

A S.C. Mádia Leva! celebrou esta quarta-feira 30 de Dezembro a chegada do Apalpador a Lugo. A isso das 17h00 saimos desde o local até onde se achegou o velho carvoeiro, fazendo um passa-ruas polo casco velho. Durante o percurso fomos dando castanhas as crianças e informando a gente da chegada da figura própria do Natal galego.

Logo montado no fermoso triciclo no que carregava o carvom e mais as castanhas chegamos até o centro sócio-cultural Uxio Novoneira. Lá na ludoteca agardavam mais crianças para conhecer ao nosso companheiro do Courel. As pandereteiras do Mádia Leva acompanharom com música toda a visita.
Video da visita:

Full story »