Os sábados a partires das 22 h poderemos disfrutar no nosso local social de ceias veganas. A dieta vegana é umha opçom de alimentaçom que nom utiliza nengum tipo de comida de origem animal, e que poderemos probar com preços populares ( 5 euros, dous pratos e bebida ).

Para organizar a intendência é preciso avisar antes. Podes-te anotar no próprio local social ou contactando co número 651361520.

A S.C. Madia Leva nom pode ficar calada ante o ataque terrorista que está a masacrar à populaçom palestina. Por elo fazemos um chamamento @s sóci@s e às pessoas com consciência em geral para secundar a mobilizaçons convocadas como a do sábado último em Lugo, de onde é a foto.

Também animamos a tod@s a acudir à manifestaçom nacional em Compostela o próximo domingo 18 de janeiro às 12 h na alameda.

O Centro Social Madia Leva tem a honra de receber o Apalpador a 6ª feira (venres) 2 de Janeiro, a partir das 18:00.

Este tradicional personagem do Natal galego sairá do nosso local (R/ Amor Meilám 18) para apalpar as barrigas d@s menin@s e fará un passa-rúas polo centro de Lugo con música e presentes.

Full story »

Temos no nosso centro social e à disposiçom de todas as pessoas interesadas o cartom de soci@ de Siareir@s Galeg@s.

Full story »

Palestra-programa de rádio, jantar típico e festa com música palestiniana, todo na 3ªFeira (martes) 23 de Dezembro a partir das 20:00hh no Centro Social Mádia Leva!

A palestra, que contará com Diana, umha estudante palestiniana e Maria, colaboradora lucense em Palestina, que na mesma fará de intérprete. Fará-se em formato de programa de rádio com colóquio posterior, a gravaçom vai ser difundida nas rádios livres que o desejem e mais neste blogue. Depois jantar típico e festa com música palestiniana e projecçom de fotos dessa terra.

Palestra:Ser mulher hoje em Palestina
DIA:3ªFeira (Martes), 23 de Dezembro de 2008
HORA: 20:00
Jantar e festa às 21:30hh
LUGAR:CS Mádia Leva! (Rua Amor Meilám - antiga Rua do Sol)

Dia 19 de Dezembro às 20:30h no nosso Centro Social:

Palestra:
"INDEPENDENTISMO LUCENSE NOS ANOS 80"

Intervém: Joám Lopes
Militante independentista. Dirigente independentista em Lugo nesse tempo.

Ceia posterior (6 euros)

Este fim de semana correu em Compostela o 1º Foro Social Galego.

A Sociedade Madia Leva! estivo presente a través dalguns companheiros e companheiras, especialmente de Olalha, que estivo a trabalhar neste foro desde fai já um ano e participou no debate "Por uma alternativa ao modelo capitalista. Resposta da cidadanía face a crise".
baixo esta nova podes aceder ao guiom da sua intervençom.

A destacar como pontos positivos desta juntança, a grande participaçom, em especial de jovens e os acordos para començar acções conjuntas contra a OMC (organizaçom mundial do comercio) e pola luita labrega no 2009. e como ponto negativo, assim o fizemos saber na assembleia de movimentos sociais com boa aceitaçom, a ausência da maioria dos centros sociais do País.

Intervençom de Olalha no FSGal

Para mais informaçom consultar www.forosocialgalego.org

O Centro Social Mádia Leva! leva un ano trabalhando no Foro Social Galego que se vai realizar os dias 5, 6 e 7 de Dezembro em Compostela. Dentro destas actividades o CS Mádia Leva! vai participar o domingo 7 de Dezembro às 10:00 na Faculdade de Filologia de Compostela numa mesa redonda titulada: "Por uma alternativa ao modelo capitalista. Resposta da cidadanía face a crise". Acompanham-no outros colectivos lucenses como a Plataforma Alternativa de Lugo, Axunica e Sinerxia. O C.S. Mádia Leva! afondará nas distintas perspectivas que devem incorporar os movimentos sociais para se tornarem un verdadeiro desafio ao sistema.

O Centro Social Mádia Leva! quer conmemorar esta 3ªFeira (martes) 18 de Novembro no hotel Méndez Núñez o 90 aniversário da primeira "Asemblea Nazonalista" celebrada na nossa cidade polas Irmandades da Fala. Na Assembleia de 1918 estiverom representadas 67 sociedades agrarias, cinco centros culturais e mandarom a súa adhesión cinco federacións agrarias, once concelhos, máis de 49 associaçons e numerosas personalidades da Galiza.

De esta saíu o "Manifesto Nazonalista", onde o galeguismo político deixa atrás o rexionalismo. Este manifesto constitue a base comum de todos os programas do nacionalismo galego até a Guerra Civil. Em el define-se a Galiza como naçon, reclama-se a autonomia integral da Galiza e a cooficialidade do galego.

Literalmente di: ?Tendo a Galiza todas as caracteristicas esenciais de nacionalidade, nós, nomeámonos, de hoxe pra sempre, nacionalistas galegos, xa que a verba rexionalismo non recolle todas as aspiracións nin encerra toda a intensidade dos nosos problemas.?

DIA:3ªFeira (Martes), 18 de Novembro de 2008
HORA: 19:30
LUGAR:Hotel Méndez Núñez (Rua da Rainha)

Para mais informaçom
madialeva@gmail.com

A passada quarta-feira 22 de Outubro teve lugar no Centro Social Mádia Leva! (Rua Manuel Amor Meilám 18 res-do-chao), a presentaçom Átlas Histórico da Galiza pelo ilustre historiador José Manuel Barbosa Álvares e pelo ilustre licenciado em belas artes José Manuel Gonçáles Ribeira. O acto concentrou a muitos/as lugueses/as os que ficârom maravilhados por umha obra tam completa e rigorosa como é esta.