E já vai um ano ! .... desde que comezamos com toda a ilussom do mundo este projecto, que vai pouco a pouco, mas com bases firmes e sólidas. Por elo queremos juntarnos para celebra-lo para o dia 13 de setembro. Ou dito de outro jeito, o sábado 13 de setembro celebraremos a festa do nosso primeiro aniversário. Disfrutaremos de petiscos variados, campionato de matraquilho, karaoke, e muitas mais actividades.

Aníma-te a vir e celebrar com nós este primeiro aniversário da apertura do centro social.

Por certo a partir do 15 de setembro comezamos também o calendário habitual de apertura.

OBRADOIROS NOVEMBRO´08

DIA 4: Iniciaçom à língua galega (AGAL)
DIA 6: Iniciaçom do software livre
DIA 18: Criaçom páginas web

Tódo-los obradoiros terám lugar apartires das 20:00h no Centro Social Mádia leva! (Rua Manuel Amor Meilam 18 res-do-chao).

Quem disponha dumha computadora portátil que o traga os obradoiros dos dias 6 e 18.
Correio-e para dudas e consultas: madialeva.gz@gmail.com

O sábado 19 de julho terá lugar o Jantar polo Dia da Pátria para celebrar umha data tam significativa para o Povo Galego como o 25 de Julho.
Comeremos empada da melhor, tortilha da mais rica, boísimo churrasco e crioulos, acompanhado de sanísima ensalada. Todo elo regado com um bom vinho, remantando com exquisitos postres e como nom, café e licores .

O lugar será a área recreativa que existe na parróquia de Meilam, na estrada de Ombreiro (Lu-2902), a carom da estaçom potabilizadora de auga.

A hora de começo será a de sempre para estes casos, é dizer sobre as duas da tarde, e a colaboraçom económica será de 12 euros. Se o desejas, podes recolher o bono no nosso local social.

As pessoas que o prefiram podem combinar no local social às doce.

Contaremos com um convidado especial Luis Gonçales Blasco "Foz" com o que poderemos conversar de muitas cousas sobre o nacionalismo, a língua, e a pátria.

Por motivos de intendência é importante avisar da assistência ligando com 627232479 ou 671136854, ou naturalmente no local social que agora no veram abrirá nas quartas e quintas feiras.

Antom Arias Curto, veterano militante independentista e cofundador do EGPGC, falará o dia 4 de julho (sexta feira) sobre a via revolucionária no nacionalismo galego. Agardamos que a sua vissom serva para esclarecer umhas luitas que admiradas por uns e rejeitadas por outros, nom deixam impassíveis a pessoa algumha.
Lembramos: 4 de julho às 20:30 h , no nosso local social.

O coletivo "Lugo:a mellor cidade do mundo !!!", onde e junto com outras associaçons, está integrada a S.C. Madia Leva, organiza este ano o Lume Novo popular e reivindicativo. Agardamos que os especuladores nom merquem antes do dia 23 o lugar onde se fará a fogueira que será um terreo da rúa Sam Jilhao a carom do supermercado Mercadona de Fontinhas.
Será ao redor das 21 h quando comeze a festa, onde haverá actuaçons musicais, bilharda, sardinhas, chouriços (dos de comer pois para os outros já temos as bilhardas), e bebida a preços populares.
Animai-vos tod@s a vir.

O sindicalismo obreiro galego será o tema que o veterano sindicalista Xan Carballo tratará na seguinte palestra do ciclo Memoria e Reptos do Nacionalismo Galego. Será o dia 20 de junho (6ª feira) às 20:30 h como de costume, no nosso local social.

Xosé Manuel Beiras virá o dia 13 (6ª feira) de junho a dar umha palestra titulada Galiza: umha periféria do centro.
Agardamos o que o experimentado político e economista nos tem que dizer sobre que ocorre ao integrar o nosso projecto nacional nos macro-projectos económicos existentes, as dificultades que planteja o mercado global para um pais periférico e com graves eivas arrastradas do passado como o nosso.

Esta experiência de troco comezara a ter lugar no Centro Social Madia Leva!, o Sábado 31 de Maio.
Tentamos assim um novo jeito de relacionarmo-nos com as cousas, o troco é umha alternativa ecológica ao consumismo imperante hoje em dia.
A base do troco seram os "troquinhos", vales com os que se obtêm os produtos e se recebem quando entregas produtos para o troco.
Com iste sistema de troco multilateral, aumenta-se a rede de troco luguesa, actualmente conformada polo banco de tempo e mercadinhos de troco directo, estes mercadinhos comezam a ter lugar este mesmo Sábado 31 pola manham, onde aproveitaremos para publicitar o Lugotroca, além de aprofundar no conhezimento mutuo de todas as iniciativas de troca.

Anima-te a vir o Sábado 31, ademais lembramos que quem queira podera desfrutar dumha ceia ecologica a partir das 21:00hh.

Motivos de saúde provocarom que o conferenciante Luis Gonçales Blasco "Foz" contactara com nós para suspender a palestra sobre Nacionalismo Polular do dia 30 de maio, ficando adiada para umha nova data ainda sem fixar.
Agardamos a pronta melhora do Foz.

Para este venres 6ª feira, 30 de maio às 8:30 h celebraremos a seguinte palestra do ciclo Memória e Reptos do Nacionalismo Galego. Despois de escoitar a Lidia Senra falar de Sindicalismo Labrego e a Mónica Gonçalves falar de Feminismo Galego nas anteriores semanas, esta sexta feira contaremos com Luis Gonçales Blasco "Foz", histórico cofundador da UPG e incansável militante do nacionalismo galego que falará sobre o Nacionalismo Polular.