Já disponhemos no Local Social Mádia Leva! o último exemplar da editorial Fenda Guia de Centros Sociais da Galiza. Espaços abertos para umha nova cultura.
Em este livro aparecem 21 reportagens, entrevistas e dados técnicos de cada um dos locais sociais existentes no País. 184 páginas com fotografias a toda a cor dos espaços autogeridos que conformam este novo e ilusionante movimento.

A Sociedade Cultural Mádia Leva! colabora com AMAL "AGRUPAÇOM DE MONTANHA AUGAS LIMPAS" na sua travesia pola Galiza a pé reivindicando a defesa da nossa terra e assinalando as principais agressóns médio-ambientais que o nosso pais padece. Este projecto que leva por lema "Pola defesa da nossa Terra: Bota-te ao monte" atravessará a Galiza pola dorsal galega, de Portugal até o Cantábrico, entre os días 14 e 29 de setembro.

Toda a informaçom respeito as diferentes etapas pódese atopar no seu web http://www.aguaslimpas.blogspot.com

O dia 14 de Setembro de 2007 tem lugar a festa de inauguraçom do nosso Centro Social.Nos dias prévios foi muito o trabalho de difussom, enviando convites a diversos colectivos e associaçons da cidade e a toda a vizinhança próxima ao local.
A festa começa contra as 20h00, nesta ofértanse petiscos de graça mais ceia. Logo da apresentaçom do projecto às e aos presentes deu começo a festa.

A música correu a carrego dos antigos componhentes de "Fuxan os ventos" hoje em "A Quenlha" Mini e Mero e depois houvo foliada durante toda a noite ofrecida por toda a gente que trouxo o seu próprio instrumento.
A inauguraçom foi um total exito por a afluência de gente, já que o local estivo ateigado.
Mais um passo do soberanismo lucense que se dota dum espaço referencial para continuar a construir umha Galiza Ceive.

Full story »

A Sociedade Cultural Mádia leva! é um projecto comprometido com a lingua e a cultura galega, assim mesmo também trabalhamos por impulsionar a organizaçom do povo, a democracia participativa, a defesa da Terra e a luita pela autodeterminaçom da GALIZA.

A Sociedade Cultural Mádia Leva! nasce no mês de Junho de 2007 promovida por um grupo de nacionalistas e independentistas galeg@s afincad@s em Lugo, que levavamos tempo trabalhando no activismo social e cultural da cidade. Em Setembro de 2007 abriamos as portas dum novo centro social na rua Amor Meilám. Já em 2012 decidimos mudar de local para o que temos actualmente na rua Serra de Ancares.

Básicamente estes som os nossos objectivos:

-Defesa da língua galega.
Queremos umha Galiza socialmente monolíngüe em Galego em que cidadáns e cidadás escolham livremente o domínio e uso de outros idiomas. Respetarám-se todas as normas do galego, tanto a norma fixada pola AGAL, o padrom português e a norma da RAG.

-Defesa do direito de autodeterminaçom para Galiza. A nossa aposta é cultural mas também política, nom é possível recuperar a nossa língua ou cultura sem soberania.

-Trabalho político e intervençom social. Temos como objectivo o de trabalhar na criaçom de consciência nacional, social e feminista no seu sentido mais amplo e plural,na nossa cidade e comarca e intervir nos problemas e dinámicas associativas da mesma.

-Aposta pola criaçom dum centro social. O nosso centro social pretende servir ao movimento associativo comarcal.

O nosso funcionamento é assamblear e auto-gerido. Nom dependemos de subvençons nem ajudas institucionais para sobreviver. Ser associado ou associada significa contraer um mínimo compromisso económico para poder manter tanto o centro social como as diversas actividades.
A assembleia mensal de sóci@s é o lugar onde decidimos o trabalho a realizar e debatimos todas as questons. Umha vez ao ano convocamos umha assembleia geral que é o máximo orgao de decissom da nossa Sociedade.

cá'

O jantar com motivo da celebraçom do Dia da Pátria tivo lugar o Sábado 21 de Julho na área recreativa de Doel entre as localidades de Outeiro de Rei e Friol.
Por volta de 25 sócios juntámonos a beira do Rio Minho para degustar um bom churrasco mas umhas empadas todo elo acompanhado de ensalada, nom podia faltar também um bom vinho tinto e mais umhas deliciosas tartas.
Depois houvo um recital poético mais umha esplicaçom das origens da celebraçom do 25 de Julho como Dia da Pátria Galegae já repousado o jantar nos nossos estómagos adicamos a tarde a conversas, canto, bailes, jogos populares e algum que outro chapuçom no rio.

ATENÇOM: INSCRIPÇOM ABERTA PERMANENTEMENTE
Que nom che deu tempo a ir ao curso desde o começo ? Nom te preocupes, podes vir igual, envia-nos um email e miramos de amanha-lo.

Apresentaçom: 17 de Dezembro, Segunda feira (luns) às 20:30h no Centro Social Madia Leva!
Inicio: Janeiro 2008
2 horas continuas à semana
Preço: 20 E ao mês
Para inscrever-se pasar polo centro social na rua Amor Meilam (antiga rua do sol) nº18 ou no telefone da profesora (sonia - 650 807 674)

Apresentaçom o dia 16 de outubro, terça feira, às 21 h
O curso é de iniciaçom com um custe de 20 euros ao mês e haverá umha aula à semana todas as terças às 21 h.
O professor será Oscar. Estuda gaita no conservatório de Lugo. Actualmente toca em diversos grupos tanto de folc como de rock. Foi membro do mítico grupo de punk-rock galego Rastreros.

A celebraçom do Lume Novo convirte-se na primeira actividade celebrada depois da constituiçom formal da Sociedade Cultural Madia leva!, a noite mais curta do ano simboliça para nos o começo de um caminho como sociedade cultural.
Esa tarde de Junho juntámonos por volta de 15 sócios para preparar o que seria umha noite de festa, umha noite de meigas, umha noite de desvirginizaçom em quanto a trabalho como companheiros dum mesmo projecto: a Sociedade cultural Madia Leva!.

Full story »

O Centro Social Mádia Leva! é um projecto autogerido e no que, desde um primeiro momento, investimos o nosso esforço. Lugar de encontro, de aprendizagem, de lazer,... Esta situado ?intra-muralha? na rua Amor Meilán (antiga rua do Sol) Nº18 rés-do-chao. (na coluna da direita do blogue podes aceder ao mapa)
Neste espaço é onde realizamos a maioria das nossas actividades e esta disponhivel para o uso de todo o movemento social de Lugo. Lembrade, se queredes reunir-vos, organizar palestras, projecções, festas,... só tedes que solicita-lo.
Neste tempo, desde que o Centro Social abriu as suas portas, em Setembro do 2007, dotamo-lo cada vez de mais serviços e a dia de hoje atoparás: rede wi-fi e computadores para conectar-te gratuitamente a internet, biblioteca (listagem de livros*), videoteca (listagem), umha loja com material de diferentes colectivos, um pequeno bar com preços populares, jogos (matraquilho, dardos, jogos de mesa,...), projector e um espaço para os mais pequenos com livros e brinquedos.
A sala Helena Talho é a parte de atrás do centro e nela adoitam têr lugar os cursos, as reunions,...
Nom o penses mais, achega-te polo Centro Social Madia Leva!.

Este é o nosso horario:

Domingos fechados.
De segunda-feira (luns) a Sábados de 19h30 a 22h30.