O dia 2 de dezembro às 18h00 teremos umha charla coa presença de Juan Sosa Maldonado sobre a repressom política em México. Juan Sosa falará desde a sua experiência como refugiado político na Galiza e sobrevivente da desapariçom forçada. Apresentará o livro Fragmentos de un Espejo Oculto, do preso político Damián Gallardo Martínez.

O dia 23 de novembro às 21h30 primeiro dos filmes deste ciclo Eu, um Negro.

Descolonizando a olhada

Sexta-feira 23 de novembro
Eu, um Negro
Moi, um noir (Jean Rouch, 1957)

Sexta-feira 14 de dezembro
Terra de olhar para trás
Land of look behind (Alan Greenberg, 1981)

Sexta-feira 12 de janeiro
A greve
Stachka (Serguei Eisenstein, 1924)

Volve o cineclube ao Mádia Leva!, e volve com o mesmo propósito com o que começou, apresentar distintas propostas cinematográficas com um nexo comum para confrontar distintos pontos de vista, distintas formas de olhar a realidade e a sua representaçom através do cinema dumha perspetiva crítica. Assim o figemos com os ciclos dedicados à classe operária, ao feminismo, ou à revoluçom portuguesa e a rebeliom de Maio de 68. Os filmes projetados partilhavam entre eles o combate contra as formas e os conteúdos hegemónicos na indústria do cinema, herdeira da maquinária mistificadora de Hollywood, fábrica de modelos e arquétipos feitos a medida do home branco ocidental lançados à conquista do imaginário coletivo por todo o planeta. Cinematograficamente colonizar é sinónimo de impôr umha imagem, mas também de impôr umha forma de olhá-la.
Os filmes documentais Eu, um Negro, e a Terra de olhar para trás, desafiam os modelos hegemónicos impostos pola cultura de massas, o apresentar-nos África no primeiro dos filmes e Jamaica no segundo, desprovistos de toda a carga mitológica e simbólica da cultura de massas, que representa ao ?outro? como o reflexo da imagem projetada pola própria cultura dominante. Os dous filmes partem dumha olhada quase antropológica mas distanciando-se do documentalismo pretensamente científico, aproximando-se aos postulados do cineasta soviético Dziga Vertov e o seu ?cinema olho?: o objetivo do cinema funda-se em dirigir a olhada cara a vida, encenar o variável e fugitivo dos acontecimentos, com a firme intencionalidade de provocar a possibilidade dum encontro.
Aliás retomamos o percurso estreando umha sessom especial, solidária com as cinco pessoa represaliadas em Lugo pola participaçom na greve geral de 2010 , vítimas da brutalidade policial na altura, e que hoje devem enfrentar importantes multas, assim como a possível entrada em prisom dalgumhas das grevistas. Projetaremos o clássico de Serguei Eisenstein A Greve e disponibilizaremos um peto para contribuir à campanha de solidariedade que leva a cabo o organismo anti-repressivo Ceivar.

Olhar anteriores ciclos do cineclube

O dia 24 de novembro magusto popular na Semente desde às 17h00

O dia 17 de novembro organizamos roteiro com saida desde o centro social às 9h00 para conhecer e apanhar cogumelos. A jornada rematará cum jantar micológico no centro social que custa 6 euros.

Este ano celebramos o centenário da I Assembleia Nacionalista. A nossa tradicional oferenda floral e ato político, que vimos organizando os últimos anos diversos coletivos e associaçons nacionalistas e independentistas da cidade coa denominaçom de Convocatória Faraldo , estarám integrados a sua vez dentro da programaçom da plataforma Via Galega da qual fazemos parte.
Desde o centro social fazemos um chamamento a participar nestes atos de comemoraçom.

Sexta-feira dia 9 de novembro às 21h30. Podes anotar-te antes do dia 7 em madialeva.gz@gmail.com

De Ceivar começam umha campanha para arrecadar apoio económico às sancionadas que participarom na greve geral do ano 2010.

A violência policial dessa jornada de greve saldou-se em Lugo com 4 detidas que denunciarom ser agredidas na própria detençom. Paradoxalmente, sete anos depois cinco pessoas estam condenadas por um delito de faltas e atentado a autoridade com sançons que chegam aos 1.800 euros e co risco para umha delas de entrar em prisom em caso de nom paga-la por ter antecedentes penais.

Perante esta situaçom, a assembleia comarcal de Ceivar em Lugo convoca para a próxima sexta-feira 9 de Novembro às 21:30h umha ceia solidária no centro social Mádia Leva! (rua Serra de Ancares 18) a que animam a participar a pessoas e coletivos.

Acode e difunde!

O dia 1 de novembro organizamos mais um roteiro com motivo do Samaim. Este ano novo celta imos visitar três lugares vinculados coa nossa história na comarca de Lugo.
Sairemos às 10h00 desde o centro social para ir primeiro ao Santuário de Santalha de Bóveda a 14 quilometros da cidade. Logo achegaremo-nos ao dólmen da Muruxosa, um dos melhor conservados da comarca situado em Cotá-Friol. Por último remataremos o roteiro na Cova da Serpe onde celebraremos a bem-vinda de ano novo. Voltaremos sobre à noite sobre às 21h00.
Pregamos que se confirme assistência para organizar os carros e também para a entrada ao santúario de Santalha de Bóveda.
Levar para o jantar.

Contaremos coa presença do autor do livro, o escritor e jornalista de Vigo ,David Rodríguez. Podes ter mais informaçom do autor no seu blogue funambulista coxo

Cursos 2018-2019

Segunda-feira (luns)

17h a 18h Pandeiro senior
19h15 a 20h15 Pandeireta iniciaçom
20h15 a 21h00 Baile de foliada iniciaçom
21h a 22h Pandeiro Aperfeiçoamento

Terça-feira (martes)

21h00 a 22 Iniciaçom Pandeira

Quarta-feira (mércores)

17h15 a 18h15 Pandeireta senior para iniciadas
18h45 a 19h45 Iniciaçom pandeiro
19h45 a 20h45 Pandeireta Aperfeiçoamento.
20h45 a 21h30 Baile de foliada
21h30 a 22h30 Pandeireta Iniciaçom

Estes cursos custam 20 euros (18 para sócias do centro social)

Começo dia 1 de outubro

Mestra Vanessa Castro

Curso tamboril. Terças-feiras às 20h30. Mestre Gundar

Apresentaçom curso de gaita co mestre Victor M. Villamor dia 16 de outubro às 20h30

O dia 12 de outubro celebramos a X ediçom da Polvada contra a Hispanidade. Aponta-te antes do dia 10 de outubro a jantar polvo à feira, rematar o Sam Froilám e afirmar a nossa identidade indígena frente ao imperialismo. Preço 15 euros (12 euros desempregadas)