Reproducimos a seguir o comunicado de parabens que figemos chegar às trabalhadoras e trabalhadores e comité de greve de Urbaser.
Desde o Centro Social Mádia Leva! saudamos no seu remate a exemplar greve que mantivéstedes contra umha empresa dura e intransigente e um Concelho irresponsável das suas obrigaçons para coa cidade de Lugo.
Exemplar pola defesa duns objetivos irrenunciáveis; o rejeitamento das sançons a companheiros e companheiras a causa da greve.
Exemplar pola defesa da dignidade da nossa Classe Trabalhadora perante as pressons da empresa, do Concelho e dos meios de comunicaçom, mais umha vez exercendo de mercenários ao serviço do patrom.
Exemplar por continuar coa luita apesar da longa duraçom e da dureza da mesma.
Porque a empresa negocia e chega a acordos em Compostela e nom em Lugo?, que interesses ocultos tem nesta cidade? Porque o Concelho nom cumpre o compromisso adquirido coa cidade de Lugo?
Nestes momento difícil para a Classe Trabalhadora, a única que está suportando esto que eles chamam crise, é imprescindível que se deam batalhas como a que acabades de dar, som necessários os exemplos de luita e dignidade que levantem a moral da nossa Classe e nos devolvam a fachenda de sermos nós.
VIVA A LUITA DA CLASSE OBREIRA
DENANTES MORTAS QUE ESCRAVAS
