Desde Mádia Leva!damos difusom às denúncias sobre o projecto mineiro em terras da Fonsagrada, Baralha, Baleira e Bezerreá, que vai ocupar umha superfície de 120 quilómetros quadrados quase o tamanho da cidade de Madrid. ADEGA denunciou à exploraçom das 396 quadrículas mineiras que a empresa Goldquest Ibérica, SL, filial da canadiana Lundin Mining Corporation, quer explorar nesta zona.
Este é o chamado Projecto Lago II que na procura de ouro pretende furar vales em zonas de reserva da biosfera para certificar a existência deste metal. No projecto Lago I do 2011 a Concelheria de Industria concedeu-lhe permisso para 68 quadrículas mineiras e neste segundo projecto a multinacional solicitou 396 que agora estám a ser tramitadas na Xunta.
Goldquest pretende a exploraçom dumha zona protegida por duas reservas da biosfera (Rio Eu-Oscos-Terra de Burom e Terras do Minho) e um lugar de importáncia comunitária (Serra de Foncuberta) que está em tramite para ser Rede Natura. Se este projecto mineiro continua a contaminaçom chegaria a vilas como Baralha, perigando incluso o abastecimento de água.
Desde o Mádia Leva! animamos a continuar na denúncia e na pressom social contra a destruiçom do nosso território. A megamineria é um perigo e umha ruina para o povo.
Mais info

Hoje às 20h30 teremos umha assembleia para organizar o posto em Pardinhas 2013. Desde o ano 2008 o nosso centro social está presente numha das melhores festas da Galiza.

HORÁRIO
Durante o mês de agosto só abriremos às terças-feiras de 19h30 a 22h30.

CURSOS
Outra informaçom relacionada é que durante o verao manterá-se o curso de pilates (terças-feiras às 19h00) e haverá o curso de pandeiro(terças-feiras às 20h30)
Também durante agosto haverá aulas de recuperaçom e reforço escolar só um dia semanal às terças-feiras às 17h30.

O passado sábado estivemos em Baltar no jantar de irmandade que organizamos como prévia ao Dia da Pátria.
E este 25J todas a Compostela por umha Galiza Ceive.

Para os folkis e as ghevis, para as de churrasco de porco e as de tenreira, para os veganos e as ovolacteovegetarianas, para os de Fanta e as de Galicola, para as de LK e os de whisky, para os de sesta e as de roteiro, para os de tomar o sol e as de sombra, para os de cadeira e as de estombalharse, para os de chinelos e as de náuticos, para os bilhardeiros e as do futebol gaélico, para as da plena soberania e os da média... de cerveja. IRMANDADE!

Com motivo da celebraçom do Dia da Pátria voltaremos organizar o jantar-popular no marco do VIII Festival da Chaira.
O sábado às 14h30 na praia fluvial de Riboira em Baltar (Pastoriza). Prega-se confirmar assistência antes do dia 19 para os preparativos e o deslocamento em carros. (Coa possibilidade de voltar depois do jantar ou ao dia seguinte logo do festival) Haverá um bono-ajuda de 10 euros para o jantar.

Vem o verao e rematam os cursos de pandeireta e gaita até setembro. Mas ainda fica a festa de despedida que será a sexta-feira , dia 5 de julho a partir das 21h00 no centro social.
Haverá petiscos, foliada e muita festa.

Depois da apresentaçom a passada quinta-feira, 4 de julho, o curso de pandeiro fica as terças-feiras (martes) de 20h30 a 22h30, durante os meses de julho e agosto.

Hoje 28 de junho celebra-se o Dia do Orgulho Gay, Lésbico, Transexual e Bisexual. O dia 3 de julho organizaremos umha palestra com Alexia Pardo e Laura Bugalho. Será às 20h00. Falarám-nos sobre os direitos do colectivo LGTB.

Mais um ano organizamos a festa do lume novo. Co cheiro a sardinhas à grelha foi-se achegando o pessoal até a fogueira. Mas o vento e o frio figerom que fosse ao acender o lume quando mais gente veu. Como noutros anos tivemos as pandereteiras tocando e dançando na praça e também houvo algumha carreira de sacos e outros jogos.

Contudo este ano a festa veu marcada pola coincidência co processo judicial em Madrid contra os independentistas Edu, Teto, Antom e Maria que começava justo o dia 24. Nom puidemos esquecer em todo momento que lá estavam companheir@s cos que compartimos trabalhos e festas como a do domingo. E várias das solidárias e solidários fôrom a Madrid na madrugada para estares presentes no juízo do dia seguinte.

Também várias companheiras e companheiros deslocarom-se pola tarde à Sárria para a manifestaçom contra as touradas. Cremos que este ano se fixo um trabalho muito bo desde a Plataforma, que embora ao boicote desde o concelho arrincando e tapando a propaganda, as diversas pressons e ao silenciamento em determinados médios, conseguiu fazer umha importante manifestaçom de dignidade frente a barbarie e o espanholismo. Agora toca seguir trabalhando para que o ano que vem nom voltem as touradas.

Este fim de semana será a festa do lume novo. E temos duas convocatórias a primeira delas a da Plataforma Sarria Libre de Touradas da que fai parte o Mádia leva que convoca manifestaçom contra as touradas em Sárria.

Logo de volta em Lugo organizamos a fogueira e festa de lume novo, por sétimo ano consecutivo. Desde às 20h00. Haverá comida e bebida a preços populares , música e jogos populares. No lugar de sempre (Fontinhas, diante de Mercadona)