O sábado dia 4 de maio organizamos curso de português ministrado por Joseph Ghanime mestre de português na Escola de Idiomas de Lugo. Horário de 10h00 a 14h00. Prega-se confirmar assistência antes da quinta-feira dia 2. Envia-nos um mail (madialeva.gz@gmail.com) ou fai-no no próprio local.
É gratuito.

Hoje apresentarom-se as 3000 assinatuas recolhidas durante a campanha em prol do uso público do hospital de Sam José.
Este edifício é propriedade da Deputaçom de Lugo e está em desuso desde 2011. Tem mais de 10000 metros quadrados e um terreo de 21000. A finalidade da campanha promovida polo BNG e apoiada por diversas associaçons e colectivos, entre eles o Mádia Leva!, é a de que se mantenha o uso público e que se destine a usos de caracter social e as necessidades do tecido associativo.

O Dia Internacional da Classe Obreira animamos a participar na manifestaçom da CIG que sairá de sindicatos na Ronda da Muralha às 12h00.
O centro social organizará um jantar popular posterior no local. Ementa: cozido,vinho ou água, sobremesa e cafe por 6 euros. Confirmar antes do dia 30.
Às 16h00 celebraremos a assembleia geral.

Mais um 25 de abril no mádia, coa música de Jotinho´s.
O povo é quem mais ordena!

O dia 25 de abril celebraremos a festa em homenagem à revoluçom dos cravos que rematou co fascismo em Portugal no ano 1974. Este ano titulamos lugofonias já que contaremos coa actuaçom ao vivo do grupo Jotinho´s. Música brasileira cantada por lucenses no 25 de abril português.
A festa dará começo sobre às 21h00 com projecçons sobre a revoluçom e mais música portuguesa acompanhada de petiscos.Às 22h00 começara o concerto de Jotinho´s.

Onte celebramos a palestra sobre estratégias soberanistas. Do Mádia Leva! queremos agradecer-lhe a todas as organizaçons a sua participaçom no debate.

O dia 24 de abril às 20h00 organizamos palestra coa legenda "a crise do estado: estratégias do soberanismo".
Intervirám na charla:

-Gillerme Rei por Anova
-Antón Somoza polo BNG
-Borxa Rei por Causa Galiza
-Zéltia Fernandes por NÓS-UP
-Marcos Celeiro polo Partido da Terra

Esta semana no centro social:
-Segunda-feira 22 .Aulas de pandeireta aperfeiçoamento.20h00.
Assembleia mensal de sóci@s.Às 20h30.
-Terça-feira 23 . Aulas de gaita às 20h15.
Aulas de recuperaçom às 17h30.
-Quarta-feira 24. Palestra coa legenda "a crise do estado: estratégias do soberanismo".Às 20h00.
Aulas de pandeireta iniciaçom.20h45.
-Quinta-feira 25. Aulas de recuperaçom às 17h30.
Lugofonias. Festa em homenagem à revoluçom dos cravos.21h00. Jotinho´s concerto. 22h00.
-Sábado 27. Às 11h00 Curso de Pilates.

Durante o fim de semana (27 e 28) celebraremos jornadas de convívio do centro social em Ourol.

Participa!

Desde o 19 de abril até o 30 de maio no centro social contaremos cumha exposiçom da fotógrafa malaguenha Ela Rabasco Redondo que leva por título "Mulheres". Deixamos a seguir o texto da autora sobre as motivaçons desta exposiçom.

Estam aí, em diferentes actividades, em lugares diversos, visíveis, presentes, vivas, quem o duvida?.

Pois sim. Esta Exposiçom é fruito dumha indignaçom, umha decepçom mais: em abril de 2008 fum a umha Exposiçom Fotográfica ?A retaguarda na Guerra Civil ?, e qual nom foi a minha surpresa e indignaçom ao olhar que, de 150 fotos, só em 11 apareciam mulheres, e na retaguarda !!, quando tod@s sabemos da sua participaçom, nom só na frente, mais também de maneira muito importante nas fábricas, assistência sanitária, fornecimento? na retaguarda.

Já que estava imersa neste vórtice fotográfico, decidim dar saida a essa indignaçom cumha nova Exposiçom, dedicada às Mulheres, cum único objectivo: fazer visível a nossa presença em qualquer âmbito da vida.

Muitas fotos, dificil selecçom, mas aí estam as escolhidas, pola temática, porque gosto delas, porque me dim algo? e espero que cumpram o seu objectivo e que vós também gostedes e ?vos digam algo?.


Umha pequena história:

Lembro desde sempre a minha relaçom coa fotografia. Na casa tinhamos fotos das ferias e de cenas quotidianas. Tivem a primeira câmara, penso que aos 12 anos, a típica Kodak instamatic, e mais adiante a amizade e o carinho levarom-me a este caminho imprevisível, mas sedutor e envolvente, que me fai gozar com cada disparo.

Obrigada a tod@s @s que estivestes e estades ao meu lado nesta maravilhosa andaina.

Ela R que R

Lembramos que esta sexta dia 19 temos grupo de estudos. Às 21h00 ceia-debate sobre a crise do dinheiro.