A Assembleia Anticapitalista de Lugo convoca a quem queira participar num acto em solidariedade co SAT e as suas reivindicaçons em prol dumha sociedade mais justa.

Combina-se esta sexta-feira,dia 24 de agosto, às 18h30 no local do C.S.Mádia Leva! para ajudar a portar o material e a continuaçom a celebraçom do acto.

Nos próximos dias estaremos fazendo obras e pequenas reparaçons no local. Entre elas começaremos a elaboraçom do mural da sala principal do centro social e repararemos o piso de madeira do primeiro andar. Se queres botar umha mao contacta com nós através do mail ou passa polo local nas quartas-feiras para informar-te.

O próximo sábado 18 e domingo 19 de agosto a comuna 27113 organizam em Negueira a Festa da Fala. Além dos concertos haverá mostra de artesania, aberto de bilharda e roteiro pola zona.
Desde o Mádia Leva! animamos a acudir a esta jornada.

Os promotores das touradas de Sárria reconhecerom perdas económicas de 8000 euros. Xaora, associaçom promotora ligada ao PP, e o concelheiro do PP Manuel Sangil afirmarom em rolda de imprensa que o ano que vem nom organizarám a corrida a nom ser que se impliquem agentes privados na financiaçom. Esta é a valoraçom que fam os que teimarom em recuperar as touradas em Sárria entre polémica e com forte oposiçom.
O caso de Sárria é um exemplo do que esta a acontecer na Galiza coas touradas: pouca assistência ainda regalando entradas, perdas económicas que as fam deficitárias sem os quartos públicos e protestas cada vez maiores diante das praças .
Por outra parte temos que sinalar a responsabilidade de que a principal marca de cerveja da Galiza apoiasse as touradas de Sárria como puidemos olhar nos cartazes.
Touradas nunca mais!

Subimos algumhas imagens do festival de Pardinhas e mais do posto que voltamos levar o Mádia Leva. Agradecer-lhe a todas as pessoas e colectivos que colaborarom, botarom umha mao (ou as duas) nesta finde de trabalho intenso. Por suposto também a gente de Xermolos por seguir fazendo Pardinhas.
Vemo-nos no próximo.

Mais um ano Pardinhas. Lá estaremos.

As duas primeiras semanas de setembro abriremos só um dia semanal, as quartas-feiras,dia 5 e 12, co horário habitual de 19h30 a 22h30,
Desde o 17 em adiante abriremos de segundas-feiras a sextas-feiras como vinha sendo habitual.

Penduramos o desenho do novo autocolante que vimos de editar nas vésperas do Dia da Pátria. Animamos também a que toda a gente pendure a bandeira galega nas janelas, balcons, no carro,etc.
Esta é a nossa!
Viva a Pátria Galega!

Este sábado celebrou-se o jantar de convívio que vimos celebrando os últimos anos na Pastoriza, no marco do Festival da Chaira. Por sorte acompanhou o tempo e poidemos desfrutar coas diversas actividades programadas: sessom vermú, aberto de bilharda e o roteiro até o carvalho de Luxis.
Como noutros anos quigemos fazer um brinde lembrando-nos especialmente de Maria e Antom presentes em anteriores anos e que seguem sequestrados em prisons a centos de quiómetros da Galiza.
Agradecer-lhes a A.C. A Chainza pola colaboraçom coa infraestrutura para o jantar e mais por todos estes anos de festival. E que siga por muitos anos.

O local permanecerá fechado para acudir a manifestaçom convocada polas centrais sindicais para hoje, dia 19, às 20h00 que sairá da Ronda da Muralha. A CIG , CCOO e UGT convocam distintas manifestaçons polas cidades e principais vilas da Galiza contra os recurtes do governo e sob a legenda "Contra o saqueo ao povo. Há que impedir que nos arruinem".