Este primeiro fim de semana das festas do Sam Froilám foi moi animado e cheio de actividades, já desde as primeiras horas da tarde começou o balbordo no C.S. Mádia leva! com jogos populares para os mais novos e nom tam novos, campionatos de matraco e mais dardos para jà à hora da ceia degustar umha espetacular ementa vegana. Jà bem comidos e bebidos empeçarom a soar os primeiros acordes a carrego dos músicos de Ribadávia que animou a rondalha polo centro da cidade.

Para este sábado dia 11 de Outubro haverá no C.S Mádia leva! jogos populares, campionato de matraco, ceia vegana e actuaçom da agrupaçom de gaitas chairega "BUXOS VERDES". Todo a partir das 18:30hh

Full story »

Comezamos cos cursos de instrumentos musicais para a presente tempada 2008-2009

GUITARRA: segundas feiras. Começo: 13 de outubro às 20 h. O mestre será Javi (Kaso Aparte)

PANDEIRETA: terças feiras. Começo: 14 de outubro às 20:30 h. A mestra será Carolina.

GAITA: sextas feiras. Começo: 17 de outubro às 19 h. O mestre será Oscar (Kambotes, Rastreros)

Os três cursos tenhem um preço de 20 euros ao mês, umha hora à semana. Estas som as datas das apresentaçons de cada curso. Os dia concreto no que se impartam poderam mudar em funçom da gente que participe e dos mestres.

Para inscriver-se:
Contacto gaita: 627232479
Contacto para guitarra e pandeireta: 664207010

madialeva.gz@gmail.com

Também te podes informar no nosso local social na Rua Amor Meilam 18

Mais adiante, temos previsto novos cursos e seminários de duraçom mais breve de temáticas mais técnicas como software livre, elaboraçom de páginas web, ferramentas de desenho gráfico, ... e outras que vaiam aparecendo.

Também aproveitamos para avisar que nas vindeiras semanas o grupo de estudos iniciará os seus debates e juntanzas.

Novos murais realizados continuan cumplimentando a actividade de rua que desde um princípio acadou a Sociedade Cultural Mádia leva! para a agitaçom político-social da cidade das muralhas.

POR UMHAS FESTAS GALEGAS E POPULARES !

Nom queremos ficar como simples espectadores de algo que já vem cozinhado para nós. Queremos dizer cousas, e que a nossa mente seja quem de criar vida social.
Por elo, estando fart@s de tanto despreço destilado desde os que governam Lugo, convocamos as FESTAS ALTERNATIVAS DO SAM FROILAM

- Sábado 4 de Outubro, desde as 19 h no nosso local social, jogos, petiscos, actividade na rúa, ceias vegetarianas, e já à noite passa-ruas com os Músicos de Riba d´Avia

- Sábado 11 de Outubro, repetimos a festa com passa-ruas e foliada. De tarde também haverá jogo de bilharda.

Este Sábado 27 de Setembro às 4:00 pm no local tendes umha cita para fazer
um obradoiro sobre os morcegos da Galiza. A actividade consistirá numha
sesiom explicativa que impartiram pessoas da associaçom Drosera , e umha viagem até O Incio onde iremos ver algumha das variedades de morcegos. Para irmos até ali levaremos carro, senom tendes carro, nom vos preocupar porque há praças noutros carros.

Animamos-vos a participar para conhecer um dos segredos da variedade da nossa fauna!

E já vai um ano ! .... desde que comezamos com toda a ilussom do mundo este projecto, que vai pouco a pouco, mas com bases firmes e sólidas. Por elo queremos juntarnos para celebra-lo para o dia 13 de setembro. Ou dito de outro jeito, o sábado 13 de setembro celebraremos a festa do nosso primeiro aniversário. Disfrutaremos de petiscos variados, campionato de matraquilho, karaoke, e muitas mais actividades.

Aníma-te a vir e celebrar com nós este primeiro aniversário da apertura do centro social.

Por certo a partir do 15 de setembro comezamos também o calendário habitual de apertura.

OBRADOIROS NOVEMBRO´08

DIA 4: Iniciaçom à língua galega (AGAL)
DIA 6: Iniciaçom do software livre
DIA 18: Criaçom páginas web

Tódo-los obradoiros terám lugar apartires das 20:00h no Centro Social Mádia leva! (Rua Manuel Amor Meilam 18 res-do-chao).

Quem disponha dumha computadora portátil que o traga os obradoiros dos dias 6 e 18.
Correio-e para dudas e consultas: madialeva.gz@gmail.com

O sábado 19 de julho terá lugar o Jantar polo Dia da Pátria para celebrar umha data tam significativa para o Povo Galego como o 25 de Julho.
Comeremos empada da melhor, tortilha da mais rica, boísimo churrasco e crioulos, acompanhado de sanísima ensalada. Todo elo regado com um bom vinho, remantando com exquisitos postres e como nom, café e licores .

O lugar será a área recreativa que existe na parróquia de Meilam, na estrada de Ombreiro (Lu-2902), a carom da estaçom potabilizadora de auga.

A hora de começo será a de sempre para estes casos, é dizer sobre as duas da tarde, e a colaboraçom económica será de 12 euros. Se o desejas, podes recolher o bono no nosso local social.

As pessoas que o prefiram podem combinar no local social às doce.

Contaremos com um convidado especial Luis Gonçales Blasco "Foz" com o que poderemos conversar de muitas cousas sobre o nacionalismo, a língua, e a pátria.

Por motivos de intendência é importante avisar da assistência ligando com 627232479 ou 671136854, ou naturalmente no local social que agora no veram abrirá nas quartas e quintas feiras.

Antom Arias Curto, veterano militante independentista e cofundador do EGPGC, falará o dia 4 de julho (sexta feira) sobre a via revolucionária no nacionalismo galego. Agardamos que a sua vissom serva para esclarecer umhas luitas que admiradas por uns e rejeitadas por outros, nom deixam impassíveis a pessoa algumha.
Lembramos: 4 de julho às 20:30 h , no nosso local social.

O coletivo "Lugo:a mellor cidade do mundo !!!", onde e junto com outras associaçons, está integrada a S.C. Madia Leva, organiza este ano o Lume Novo popular e reivindicativo. Agardamos que os especuladores nom merquem antes do dia 23 o lugar onde se fará a fogueira que será um terreo da rúa Sam Jilhao a carom do supermercado Mercadona de Fontinhas.
Será ao redor das 21 h quando comeze a festa, onde haverá actuaçons musicais, bilharda, sardinhas, chouriços (dos de comer pois para os outros já temos as bilhardas), e bebida a preços populares.
Animai-vos tod@s a vir.