Este domingo 27 de janeiro voltaremos viver umha nova jornada de defensa do galego coa manifestaçom convocada pola plataforma Queremos Galego em Compostela.Partirá da Alameda às 12h00.
Do Mádia Leva! chamamos a secundar esta manifestaçom como mais um passo na defensa sem tregua da nossa língua.
Na Galiza em galego!

Full story »

O Grupo de Mulheres de Lugo, formado por diferentes colectivos de mulheres da cidade, entre eles as mulheres do Mádia Leva!,organizam para este fim de semana umha jornadas sob a legenda: "Umha viagem à sexualidade feminina".

UMHA VIAGEM À SEXUALIDADE FEMININA
Sexta-feira, dia 25, obradoiro de sexualidade + joguetes. às 19h00.
Sábado, dia 26, obradoiro da erótica do coidado e o coidado da erótica. às 10h30.

Ligaçom à entrevista Carme Cabarcos, falando destas jornadas no Progreso.

O dia 25 de janeiro, às 21h30, faremos apresentaçom do novo ciclo do grupo de estudos em colaboraçom coa Escola Popular Galega. Voltaremos neste começo de 2013 ao tema da crise capitalista.
Este ciclo continuaremos cos debates quinzenais em base a programaçom e textos escolhidos e estará dividido em dous blocos. O primeiro deles será "A crise do dinheiro" no primeiro trimestre de ano e o segundo "Em lembrança de Robert Kurz (1943-2012)" que ocupará o segundo trimestre. A relaçom entre ambas partes basea-se no facto de ser "a crítica do dinheiro" um dos temas característicos do projecto de "crítica do valor" representado por Kurz. Além disso,nesta segunda parte, fará-se um repasso sobre a repercussom do Kurz na Galiza.
O dia 25 falaremos mais detidamente dos contéudos, textos e programaçom. Esta sessom está pensada como introduçom ao curso. Estades convidad@s.
A seguir todo o programa.

Full story »

O novo disco de Garcia Mc (membro do grupo de hip hop galego Dios Ke Te Crew), "Abaixo é de pé" está à venda no local. O preço é de 7 euros.

O sábado, 9 de fevereiro, a partir das 20h30 celebraremos a festa de entruido. Haverá foliada, pratos de entruido a preços populares e festa de disfarces.

Sábado 12 às 16h no campo de futebol de Castro desputará-se um novo aberto de Liga.

Esta semana começam as aulas de recuperaçom no centro social. Este novo serviço pretende ser um apoio ao estudantado do bairro que tem dificultades na escola e nom pode pagar aulas em academias privadas. Nós imos cobrar 5 euros/mês por alun@ destinados a material, fotocópias e gastos derivados das próprias aulas.

O nível é de até ensino Primário de todalas matérias.
O horário será às terças-feiras e quintas-feiras de 17h30 a 18h30
O funcionamento deste reforço escolar irá em funçom d@s alun@s que se inscrivam. As aulas serám no local.As pessoas interessadas podem passar polo local no mesmo horário das aulas (ou bem no horário de apertura) ou se o prefirem ligar para nós por mail.

Já temos o novo número da revista do centro social. Como bem sendo habitual a periodicidade é trimensal e inclue umha secçom coas atividades dos últimos três meses, informaçom de cursos e atividades contínuas e informaçom relacionada co trabalho que desenvolvemos na comarca, além dumha secçom com novas de Lugo sobre as que queremos reflectir.
Aliás neste número podes atopar um artigo sobre Corneta Obxecta, colectivo que centrou um dos nossos grupos de estudos sobre experiências militantes.Vem sedo um resumo da tertúlia co companheiro Xose Manuel Seixas quem foi ativo militante deste colectivo antimilitarista lucense na década de 90.
A revista está pendurada no blogue e temo-la a disposiçom no próprio centro social. Também faremos reparto dela polos locais habituais de Lugo.

Concentraçom Stop Desafiuzamentos às 20h00 na praça Maior.

Justo umha hora depois, às 21h00, também na praça Maior, Ceivar convoca a concentraçom mensal em solidariedade c@s pres@s independentistas.

A partir do minuto 19 o nosso Apalpador nas notícias da TVG.