O projecto de cousateca nasce da mao da Asembleia Anticapitalista de Lugo e terá o seu espaço físico no nosso centro social. Nasce coa ideia de dotar-se dumha ferramenta para fazer frente às consequências do sistema capitalista. Como afirmam as promotoras basea-se na auto-organizaçom.
A Cousateca consiste num banco de cousas uteis e de necessidade para vida cotiá ponhendo-as a disposiçom da comunidade, fomentando a solidariedade e combatendo o individualismo.
A cousateca será apresentada na próxima terça-feira, dia 9 de abril no centro social. Quem nom poida assistir a esta primeira juntança informar que haverá umha hora semanal (todas as terças-feiras de 20 a 21h) para efectuar os prestamentos ou registar cousas novas.

O sábado dia 6 de abril, desputá-se a X jornada de liga em Bretonha. Será o I aberto das Freces. Como soe ser habitual cada aberto leva emparelhado um produto gastronómico. Neste caso as freces que som um doce típico da zona (do que já deu testemunho o Cunqueiro)feito com manteiga , ovo , farinha, pan duro e mel.

O grupo de estudos previsto para esta sexta-feira, dia 5 será adiado celebrando a seguinte sessom o dia 19 deste mês.
Os textos estám já a disposiçom no centro social e som os que seguem:

O dinheiro como forma do valor e como signo
? Texto 3: MARTÍNEZ MARZOA, F. «Sobre o Capítulo Primeiro de O Capital»; págs. 26-31. Em Ensaios Marxistas. Edicións du rueiro. Corunha, 1978.
? Texto 4: MARX, O capital. Livro Primeiro, Secçom Primeira, Capítulo II e Capítulo III.2.c)

Se prefires receber os textos por mail contacta em madialeva.gz@gmail.com

Ontem tivemos com nós a Laura Bugalho numha palestra na que nos achegou à situaçom do processo repressivo aberto contra dela. Como puidemos comprovar às presentes de primeira mao, estamos diante dum novo caso de perseguiçom contra as activistas mais destacadas, neste caso pola defesa dos direitos das pessoas imigrantes.
Queremos desde aqui agradecer a Laura por ter vido até Lugo e mostrar a nossa solidariedade e apoio neste novo caso de repressom no que se enfronta a umha pena de até 8 anos de prisom.

A quarta-feira, 3 de abril às 20h00, estará com nós a sindicalista Laura Bugalho. A Secretária Confederal de Políticas Sociais da CIG compareceu no mês de janeiro ante a justiça, acusada de falsificaçom documentária continuada, enfrontando-se a umha pena de entre três e seis anos de cadeia.
Laura Bugalho foi detida no 2009 e permaneceu no calabozo durante quase 50 horas. A sua detençom produziu-se ao pouco de ter acompanhado ?como técnica do departamento de Migraçom- a 57 trabalhadores marroquinos a denunciar uma trama que proporcionava imigrantes como mao de obra barata a empresas galegas.
Este processo pom de manifesto a criminalizaçom do colectivo migrante, num contexto de forte perseguiçom policial do mesmo, que se translada também às pessoas e entidades que ajudam a estas pessoas, defendem os seus direitos e denunciam as acçons repressivas intoleráveis que sofrem por parte dos poderes públicos.
Animamos a participar nesta charla na que conheceremos a situaçom nestes momentos de todo este processo.

Esta sexta-feira às 21h30 temos grupo de estudos. O tema da crise do dinheiro tem especial actualidade logo da ameaça de "corralito" da passada fim de semana em Chipre. Questons como a segurança do sistema bancário europeu e o possível colapso derivado do chamado "pânico dos aforradores".
Se queres estar ao corrente das "últimas novidades" no declínio do capitalismo, participa pontualmente no nosso Grupo de Estudos.

Ourol acolherá na fim de semana do 26-28 de abril umhas jornadas de convívio para sóci@s e amig@s do centro social. Além de duas sessons de debates teremos actividade lúdicas e um roteiro pola zona.
Esta jornada será prévia a nossa Assembleia Geral que celebraremos numha data tam sinalada como o 1º de Maio, Dia Internacional da Classe Obreira.

O sábado desputou-se umha nova ediçom do aberto de Lugo de bilharda. Desta vez nom puidemos repetir o cenário de erva artificial por mor da chuiva e deslocamó-nos à pista coberta do liceu Anxel Fole. Sobre 50 palanadores e palanadoras inscritas jogariam esta novena jornada da liga. Houvo presença também da conferência Sul além das equipas da própria conferência.

O aberto contou também cumha homenagem ao Comandante Chavez e a República Bolivariana da Venezuela. Deste jeito o ganhador, Eric da equipa marinhá de Os Outros, recebeu como 1º prémio, além do lote de agasalhos clássico do centro social, umha garrafa de rom feito na República Bolivariana.

Finalmente e logo dum duro desempate o 2º prémio recaeu em Franco de Bilhardeiros Musicais e o 3º prémio para Martiño dos Remourelle Bulls.
Desde o Mádia Leva! queremos agradecer a todas as pessoas que se achegarom ao aberto, assim como da colaboraçom do IES Anxel Fole na cessom das suas instalaçons. Nom perdades de ler a espectacular crónica do aberto no Varal
Crónica na página da Conferência Norleste.
Crónica no Dioivo

O grupo de estudos continua amanhá, sexta-feira dia 15, cumha sessom na que debatiremos sobre os seguintes textos:

? Texto 2: NICHOLS, D.M; GONCZY, A.M.L. Os modernos mecanismos do dinheiro. Federal Reserve Bank of Chicago.
? Documento 1: As circulares de Caixanova, sobre acçons preferenciais (preferentes), aparecidas na imprensa.

Como é habitual às 21h30 ceia e depois debate.

Deixamos algumhas imagens dos abertos organizados desde 2008 na cidade de Lugo, para ir abrindo boca para umha nova enganchada este sábado.
E tranquilidade porque se segue nevando nós já temos pista coberta confirmada no IES Anxel Fole.Como as previsons apontam que se manterá chuvia o aberto desputará-se a mesma hora mas a coberto. Fica esta ligaçom para quem nom saiba chegar , mas esta a carom da pista de erva artificial, no mesmo bairro da Piringalha.